ԹԻՒՔ 29:39 - Գրաբար Աստվածաշունչ (1895)

³⁹ Զայս առնիցէք ի տօնս ձեր Տեառն. թող զուխտսն ձեր եւ զողջակէզսն ձեր եւ զկամայականսն ձեր եւ զզոհսն ձեր եւ զնուէրսն ձեր եւ զփրկութիւնսն ձեր։

ԹԻՒՔ 29:39 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 23:31

եւ ի վերայ ամենայն մատուցելոց ողջակիզաց Տեառն, ի շաբաթսն եւ յամսամուտս եւ ի տօնս, ըստ թուոյն, ըստ իրաւանցն, ի վերայ նոցին յամենայն ժամ Տեառն։

ՄՆԱՑՈՐԴԱՑ ԵՐԿՐՈՐԴ 31:14

Եւ Կորէ որդի Յեմնայ Ղեւտացի՝ դռնապանն ընդ արեւելս կողմն ի վերայ տանեացն տալ զպտուղսն Տեառն, եւ զսրբութիւն սրբութեանցն,

ՄՆԱՑՈՐԴԱՑ ԵՐԿՐՈՐԴ 31:3

Եւ մասն թագաւորին յընչից իւրոց յողջակէզսն առաւօտու եւ երեկորին, եւ յողջակէզսն շաբաթուցն եւ ամսամտիցն եւ ի տօնսն գրեալս յօրէնս Տեառն։

ԵԶՐ 3:4

Եւ արարին զտօն տաղաւարահարացն ըստ գրելոցն, եւ ողջակէզս օր ըստ օրէ ի մի թուեալ որպէս եւ պատուիրեալ էր նոցա։

ԵԶՐ 3:5

Եւ մատուցանէին այլ եւս ողջակէզս՝՝ յամսագլուխս եւ ի շաբաթս, եւ՝՝ յամենայն տօնս տարեկանաց Տեառն սրբութեանց, եւ զամենայն ակամայիցն զոր մեղանչէին՝՝ Տեառն։

ԳԻՐՔ ՆԷԵՄԵԱՅ 10:33

եւ զհաց զառաջէից եւ զզոհս ըստ ժամանակս ժամանակս, եւ զողջակէզս՝՝ յամենայն տօնս եւ ի տարեկանս եւ ի շաբաթս եւ յամսամուտս եւ ի նաւակատիս եւ ի սրբութիւնս, եւ վասն մեղաց՝ որ են ի քաւութիւնս Իսրայելի եւ ի գործս տաճարին Տեառն Աստուծոյ մերոյ։

ՄԱՐԳԱՐԷՈՒԹԻՒՆ ԵՍԱՅԵԱՅ 1:14

զամսագլուխս ձեր եւ զտօնս ձեր ատեաց անձն իմ. յագեալ եմ ձեւք, ոչ եւս ներեցից մեղաց ձերոց՝՝։

ՂԵՒՏԱԿԱՆ 23:2

Խօսեաց ընդ որդիսն Իսրայելի եւ ասասցես ցնոսա. Տօնս Տեառն զոր առնիցէք, կոչեցեալք եւ սուրբք՝՝ այնք իցեն իմ տօնք.

ՂԵՒՏԱԿԱՆ 23:28

Զամենայն գործ մի՛ գործիցէք յաւուր յանմիկ, զի օր քաւութեան է նա ձեզ, քաւել վասն ձեր առաջի Տեառն Աստուծոյ ձերոյ։

ՂԵՒՏԱԿԱՆ 23:38

առանց շաբաթուց Տեառն, եւ առանց ընծայիցն ձերոց, եւ առանց ամենայն ուխտիցն ձերոց, եւ առանց կամայականացն ձերոց զոր տայցէք Տեառն։

ՂԵՒՏԱԿԱՆ 7:11

Այս օրէն է զոհիցն փրկութեան զոր մատուցանիցեն Տեառն.

ՄԱՐԳԱՐԷՈՒԹԻՒՆ ԱՄՈՎՍԱՅ 5:22

Զի թէ մատուցանիցէք զողջակէզս եւ զզոհս ձեր՝ ոչ ընկալայց, եւ յերեւելիս փրկութեանց՝՝ ձերոց ես ոչ հայեցայց։

ԹԻՒՔ 28:2

Պատուիրեա որդւոցն Իսրայելի, եւ ասասցես ցնոսա. Զպատարագս իմ եւ զդահամունս իմ եւ զընծայս իմ ի հոտ անուշից՝ զգուշասջիք մատուցանել ի տօնս իմ՝՝։

ԹԻՒՔ 29:38

եւ նոխազ մի յայծեաց վասն մեղաց. թող զհանապազորդ ողջակէզսն եւ զզոհս նոցա եւ զնուէրս իւրեանց՝՝։

ԹԻՒՔ 29:40

Եւ խօսեցաւ Մովսէս ընդ որդիսն Իսրայելի՝ որպէս պատուիրեաց Տէր Մովսիսի։

ԹԻՒՔ 6:21

Այս օրէն իցէ ուխտաւորի որ ուխտիցէ ոք Տեառն զպատարագ իւր վասն ուխտից, թող զայն որ ինչ գտանիցէ ձեռն իւր. ըստ կարի ուխտին իւրոյ զոր ուխտիցէ ըստ օրինի սրբութեան Տեառն՝՝։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:31

Արդ եթէ ուտիցէք, եթէ ըմպիցէք, եթէ զինչ եւ գործիցէք, զամենայն ինչ ի փառս Աստուծոյ արասջիք։

ԵՐԿՐՈՐԴՈՒՄՆ ՕՐԻՆԱՑ 12:6

եւ մատուսջիք զողջակէզս ձեր եւ զզոհս ձեր եւ զտասանորդս ձեր եւ զպտուղս ձեր՝՝ եւ զուխտս ձեր եւ զկամայականս ձեր եւ զխոստովանութիւնս ձեր՝՝, եւ զանդրանիկս արջառոյ եւ ոչխարի ձերոյ.