ԹԻՒՔ 20:21 - Գրաբար Աստվածաշունչ (1895)

²¹ Եւ ոչ կամեցաւ Եդովմ տալ անց Իսրայելի ընդ սահմանս իւր. եւ խոյս ետ Իսրայէլ ի նմանէ։

ԹԻՒՔ 20:21 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 20:10

Եւ արդ ահա որդիքն Ամոնայ եւ Մովաբու եւ լեառն Սէիրայ, ընդ որս ոչ ետուր անցանել ընդ նոսա Իսրայելի յելանելն նոցա յերկրէն Եգիպտոսի, վասն զի խոտորեցան ի նոցանէ, եւ ոչ սատակեցին զնոսա,

ԹԻՒՔ 21:23

Եւ ոչ ետ Սեհոն անցանել Իսրայելի ընդ սահմանս իւր. եւ ժողովեաց Սեհոն զամենայն ժողովուրդն իւր, եւ ել տալ պատերազմ ընդ Իսրայելի յանապատին. եւ եկն ի Յասսա եւ ետ պատերազմ ընդ Իսրայելի։

ԹԻՒՔ 21:4

Եւ չուեալ ի Հովր լեռնէ ընդ ճանապարհ Կարմիր ծովուն՝ պատեցան զԵդովմաւ. եւ յոգնեցաւ ժողովուրդն՝՝ ի ճանապարհին։

ԵՐԿՐՈՐԴՈՒՄՆ ՕՐԻՆԱՑ 2:27

Անցից ընդ երկիր քո, զճանապարհայն գնացից, ոչ խոտորեցայց յաջ եւ ոչ յահեակ։

ԵՐԿՐՈՐԴՈՒՄՆ ՕՐԻՆԱՑ 2:29

որպէս արարին ինձ որդիքն Եսաւայ բնակեալքն ի Սէիր, եւ Մովաբացիքն բնակեալք յԱրոյէր, մինչեւ անցից ընդ Յորդանան յերկիրն զոր Տէր Աստուած տացէ մեզ։

ԵՐԿՐՈՐԴՈՒՄՆ ՕՐԻՆԱՑ 23:7

Մի՛ գարշեցուցանիցես զԵդովմայեցին, զի եղբայր քո է։ Մի՛ գարշեցուցանիցես զԵգիպտացին, զի պանդուխտ էիր յերկրի նորա։

ԴԱՏԱՒՈՐՔ 11:17

եւ առաքեաց Իսրայէլ հրեշտակս առ արքայ Եդոմայ եւ ասէ. Թող անցից ընդ երկիր քո։ Եւ ոչ անսաց արքայն Եդոմայ. եւ առաքեաց առ արքայն Մովաբու. եւ ոչ կամեցաւ. եւ նստաւ Իսրայէլ ի Կադէս։

ԴԱՏԱՒՈՐՔ 11:18

Եւ շրջեցաւ ընդ անապատն, եւ պատեցաւ զերկրաւն Եդոմայ եւ զերկրաւն Մովաբայ. եւ եկն առ արեւելիւք երկրին Մովաբու, եւ բանակեցաւ յայնկոյս Առնոնայ, եւ ոչ մտին ի սահմանս Մովաբու. քանզի Առնովն էր սահման Մովաբու։

ԴԱՏԱՒՈՐՔ 11:24

Ո՞չ ապաքէն զոր ժառանգեցոյց քեզ Քամովս աստուածն քո՝ զայն ժառանգեսցես. եւ զամենայն զոր ժառանգեցոյց Տէր Աստուած մեր յերեսաց ձերոց՝ զայն մեք ժառանգեսցուք։