ԹԻՒՔ 16:40 - Գրաբար Աստվածաշունչ (1895)

⁴⁰ ի յիշատակ որդւոցն Իսրայելի, զի մի՛ մերձենայցէ այլազգի ոք որ չիցէ ի զաւակէ Ահարոնի՝ դնել խունկս առաջի Տեառն, զի մի՛ լինիցի իբրեւ զԿորխ եւ զխուժան նորա. որպէս խօսեցաւ Տէր ի ձեռն Մովսիսի։

ԹԻՒՔ 16:40 ပူးပေါင်းရင်းမြစ်များ

ԵԶՐ 2:62

Եւ խնդրեցաւ ազգահամար գրոց նոցա եւ ոչ գտաւ, եւ որոշեցին զնոսա ի քահանայիցն։

ԳԻՐՔ ՍԱՂՄՈՍԱՑ 115:10

ի գաւիթս տան Տեառն, եւ ի մէջ քո, Երուսաղէմ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:46

Եւ պատշգամն որ հայի ընդ հիւսիսի՝ քահանայիցն եղիցի, որ պահեն զպահպանութիւն սեղանոյն. նոքա են որդիք Սադովկայ՝ որ մերձենան ի Ղեւտացւոց անտի պաշտել զՏէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:19

Եւ տացես քահանայիցն Ղեւտացւոց որք ի զաւակէ Սադովկայ մերձեսցին առ իս, ասէ Տէր Տէր, պաշտել զիս, զուարակ մի յանդւոյ վասն մեղաց։

ՂԵՒՏԱԿԱՆ 22:10

Եւ ամենայն օտարազգի մի՛ կերիցէ զսրբութիւնսն, պանդուխտ քահանային եւ վարձկանն մի՛ կերիցեն ի սրբութեանցն։

ԹԻՒՔ 1:51

Եւ ի չուել խորանին՝ իջուսցեն զնա Ղեւտացիքն, եւ ի բանակել խորանին՝ կանգնեսցեն զնա Ղեւտացիքն. եւ այլազգի որ մերձեսցի ի նա՝ մեռցի։

ԹԻՒՔ 16:39

Եւ ա՛ռ Եղիազար որդի Ահարոնի քահանայի՝՝ զբուրուառսն պղնձիս զորս մատուցին այրեցեալքն, եւ արար դրուագս սեղանոյն

ԹԻՒՔ 3:10

Եւ զԱհարոն եւ զորդիս նորա կացուսցես ի վերայ խորանին վկայութեան՝՝, եւ պահեսցեն զքահանայութիւնն իւրեանց եւ զամենայն ինչ զսեղանոյն, եւ որ ինչ ի ներքոյ քան զվարագոյրն ից՝՝. եւ այլազգի որ մերձենայցէ՝ մեռցի։

ԹԻՒՔ 3:38

Եւ որ բանակիցին յանդիման խորանին վկայութեան յարեւելից կողմանէ՝ Մովսէս եւ Ահարոն իցեն, եւ որդիք նորա պահեսցեն զպահպանութիւնս սրբութեանցն ի պահպանութիւնս որդւոցն Իսրայելի, եւ այլազգի որ մերձենայցէ՝ մեռցի։

ԱՌ ԵԲՐԱՅԵՑԻՍ ԹՈՒՂԹ 5:4

Եւ ոչ եթէ անձամբ ոք առնու պատիւ, այլ կոչեցեալն յԱստուծոյ, որպէս եւ Ահարոն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:7

պատմեսցես դու որդւոյն քում եւ ասիցես, թէ՝ Զի պակասեաց գետն Յորդանան յերեսաց տապանակի ուխտին Տեառն ամենայն երկրի՝՝ մինչ անցանէր ընդ Յորդանան, նուազեաց ջուրն Յորդանանու. եւ եղիցին ձեզ քարինքս այսոքիկ ի յիշատակ ի մէջ որդւոցն Իսրայելի մինչեւ ցյաւիտեան։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:11

Վա՜յ է նոցա, զի ըստ ճանապարհին Կայենի գնացին, եւ ըստ մոլորութեանն Բաղաամայ զեղխեցան զհետ վարձուց, եւ ըստ հակառակութեանն Կորխայ կորեան։