ԹԻՒՔ 11:20 - Գրաբար Աստվածաշունչ (1895)

²⁰ այլ զամսօրեայ աւուրս ուտիցէք, մինչեւ ելանիցէ ընդ ռընգունս ձեր, եւ եղիցի ձեզ ի դառնութիւն. զի հեստեցէք Տեառն որ է ի միջի ձերում, եւ լացէք առաջի նորա, եւ ասէիք՝ Ընդէ՞ր էր մեզ ելանել յԵգիպտոսէ։

ԹԻՒՔ 11:20 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:10

Եւ արդ մի՛ հեռասցի սուր ի տանէ քումմէ մինչեւ ցյաւիտեան, փոխանակ զի անարգեցեր զիս, եւ առեր զկինն Ուրիայ Քետացւոյ լինել քեզ կնութեան։

ԳԻՐՔ ՍԱՂՄՈՍԱՑ 106:15

Խոստովան եղիցին Տեառն զողորմութեանց նորա, եւ զսքանչելեաց նորա՝ յորդիս մարդկան։

ԵԼՔ 16:13

Եւ եղեւ ընդ երեկոյսն, եւ ել լորամարգին եւ ծածկեաց զբանակն. եւ եղեւ ընդ առաւօտն՝ ընդ արկանել ցօղոյն՝՝ շուրջ զբանակաւն,

ԵԼՔ 16:3

Եւ ասեն ցնոսա որդիքն Իսրայելի. Լաւ էր թէ մեռեալ էաք հարուածովքն ի Տեառնէ՝՝ յերկրին Եգիպտացւոց, մինչ նստէաք առ կաթսայս մսոյն եւ ուտէաք հաց յագ, քան հանէք զմեզ յանապատս յայս՝ սպանանել զամենայն ժողովուրդս ի սովոյ։

ԵԼՔ 16:8

Եւ ասէ Մովսէս. Ի տալ ձեզ Տեառն ընդ երեկոյս միս ուտելոյ, եւ ընդ առաւօտս հաց յագ, վասն լսելոյ Տեառն զտրտունջ ձեր զոր դուք տրտնջեցէք զմէնջ. քանզի մեք ո՞վ եմք. զի ոչ զմէնջ է տրտունջդ ձեր, այլ զԱստուծոյ։

ԱՌԱԿՔ ՍՈՂՈՄՈՆԻ 27:7

Անձն յագեալ զխորիսխ եւ զմեղր՝՝ արհամարհէ, բայց անձին կարօտելոյ եւ դառն իբրեւ զքաղցր թուի։

ՄԱՐԳԱՐԷՈՒԹԻՒՆ ՄԱՂԱՔԻԱՅ 1:6

Որդի փառաւոր առնէ զհայր, եւ ծառայ երկնչի ի տեառնէ իւրմէ՝՝. իսկ արդ՝ եթէ հայր եմ ես, ո՞ւր է փառքն իմ. եւ եթէ Տէր եմ, ո՞ւր է պատիւն իմ, ասէ Տէր ամենակալ, դուք քահանայք՝՝ որ բամբասէք զանուն իմ. եւ ասէք. Ի՞ւ բամբասեցաք զանուն քո։

ԹԻՒՔ 11:13

Եւ արդ ուստի՞ է ինձ միս՝ տալ ամենայն ժողովրդեանս այսմիկ, զի լան զինեւ եւ ասեն. Տուր մեզ միս զի կերիցուք։

ԹԻՒՔ 11:19

Ոչ զմի օր ուտիցէք, եւ ոչ զերկուս, եւ ոչ զհինգ օր, եւ ոչ զտասն, եւ ոչ զքսան օր.

ԹԻՒՔ 11:21

Եւ ասէ Մովսէս. Վեցհարեւր հազար հետեւակաց է ժողովուրդն յորոց միջի եմ ես, եւ դու ասես՝ Միս տաց նոցա եւ կերիցեն ամսօրեայ ժամանակ.

ԹԻՒՔ 14:3

Եւ ընդէ՞ր տանիցի զմեզ Տէր յերկիրն յայն՝՝ անկանել մեզ պատերազմաւ, եւ կանայք մեր եւ որդիք մեր լինիցին ի յափշտակութիւն. եւ արդ լաւ իցէ մեզ դառնալ անդրէն յԵգիպտոս։

ԹԻՒՔ 14:4

Եւ ասէ այր ցընկեր. Արասցուք զօրավար, եւ դարձցուք յԵգիպտոս։

ԹԻՒՔ 16:13

միթէ փո՞քր իցէ այն զի հաներ զմեզ յերկրէն որ բղխէր զկաթն եւ զմեղր, սպանանել զմեզ յանապատի աստ. եւ արդ սաստե՞ս եւս մեզ. եւ դո՞ւ ես իշխան։

ԹԻՒՔ 20:4

եւ ընդէ՞ր ածէք զժողովուրդս Տեառն յայս անապատ՝ կոտորել զմեզ եւ զանասուն մեր։

ԹԻՒՔ 21:5

Եւ բամբասեաց ժողովուրդն զԱստուած եւ զՄովսէս եւ ասեն. Ընդէ՞ր հաներ զմեզ յԵգիպտոսէ կոտորել զմեզ յանապատիս յայսմիկ. զի ոչ գոյ հաց եւ ոչ ջուր. եւ անձինք մեր տաղտկացեալ են ի սնոտի հացէս։

ԳՈՐԾՔ ԱՌԱՔԵԼՈՑ 13:41

Տեսէք, արհամարհոտք, եւ զարմացարուք եւ եղծարուք, զի գործ մի գործեմ ես յաւուրս ձեր, գործ՝ որում ոչ հաւատայցէք, եթէ ոք պատմեսցէ ձեզ։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 4:8

Այսուհետեւ որ անարգէ, ոչ զմարդ անարգէ, այլ զԱստուած, որ եւ ետ զՀոգին Սուրբ ի ձեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:27

եւ ասէ Յեսու ցամենայն ժողովուրդն. Ահա վէմս այս եղիցի ձեզ ի վկայութիւն, զի սա լուաւ զամենայն խօսեցեալսն ի Տեառնէ զոր խօսեցաւ ընդ ձեզ այսօր՝՝. եւ եղիցի սա ձեզ ի վկայութիւն աւուրց յետնոց յորժամ՝՝ ստիցէք Տեառն Աստուծոյ ձերում։

ԹԱԳԱՒՈՐՈՒԹԵԱՆՑ ԱՌԱՋԻՆ 10:19

Եւ դուք այսօր անարգեցէք զԱստուած՝՝, որ է փրկիչ ձեր յամենեցունց որ շուրջ զձեւք են եւ նեղեն զձեզ՝՝, եւ ասացէք՝ Ոչ այդպէս, այլ զի կացուսցես ի վերայ մեր թագաւոր. եւ արդ կացէք առաջի Տեառն ըստ իշխանութեանց ձերոց, եւ՝՝ ըստ գաւազանաց ձերոց, եւ ըստ հազարաւորաց ձերոց։

ԹԱԳԱՒՈՐՈՒԹԵԱՆՑ ԱՌԱՋԻՆ 2:30

Վասն այդորիկ այսպէս ասէ Տէր Աստուած Իսրայելի. Ասացի թէ տուն քո եւ տուն հօր քո շրջեսցին առաջի իմ մինչեւ ցյաւիտեան. եւ արդ ասէ Տէր. Քաւ լիցի ինձ. այլ զփառաւորիչս իմ փառաւորեցից, եւ որ արհամարհէն զիս՝ անարգեսցի։