ԳԻՐՔ ՆԷԵՄԵԱՅ 9:38 - Գրաբար Աստվածաշունչ (1895)

³⁸ Եւ արդ ի վերայ այսր ամենայնի՝ մեք դնեմք ուխտս եւ հաւատարմութիւնս, եւ հաւատամք յօրէնս քո եւ առնեմք զնոսա, եւ որ ինչ գրեալ է ի նոսա.՝՝ եւ զբանս զայս գրով հաստատեմք եւ կնքեմք՝ ամենայն իշխանք մեր եւ Ղեւտացիք մեր եւ քահանայք մեր։

ԳԻՐՔ ՆԷԵՄԵԱՅ 9:38 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:3

Եւ եկաց արքայ ի վերայ սեանն, եւ ուխտեաց ուխտ առաջի Տեառն երթալոյ զհետ Տեառն, եւ պահելոյ զպատուիրանս նորա եւ զվկայութիւնս նորա եւ զիրաւունս նորա յամենայն սրտէ եւ յամենայն անձնէ, կանգնել զբանս ուխտին գրելոյ ի մատենին յայնմիկ. եւ եկաց ամենայն ժողովուրդն յուխտի։

ՄՆԱՑՈՐԴԱՑ ԵՐԿՐՈՐԴ 23:16

Եւ ուխտեաց Յովիդայէ ուխտ ի մէջ իւր եւ ժողովրդեանն եւ արքային, լինել ժողովուրդ Տեառն։

ՄՆԱՑՈՐԴԱՑ ԵՐԿՐՈՐԴ 29:10

Եւ այսուհետեւ լիցի ի սիրտս մեր՝՝ դնել ուխտ Տեառն Աստուծոյ Իսրայելի, եւ դարձուսցէ զսրտմտութիւն բարկութեան իւրոյ ի մէնջ։

ՄՆԱՑՈՐԴԱՑ ԵՐԿՐՈՐԴ 34:31

Եւ յարեաւ թագաւորն, եկաց ի վերայ սեանն՝՝, եւ եդ ուխտ առաջի Տեառն երթալ զհետ Տեառն, պահել զպատուիրանս նորա եւ զվկայութիւնս նորա եւ զհրամանս նորա ի բոլոր սրտէ եւ ի բոլոր անձնէ, զբանս ուխտին զգրեալսն ի գիրսն յայնոսիկ։

ԵԶՐ 10:3

Եւ արդ ուխտեսցուք ուխտս առաջի Տեառն Աստուծոյ մերոյ հանել զամենայն կանայս այլազգիս եւ զզաւակս որ ի նոցանէ. եւ արդ որպէս կամիս արի եւ կեցո զսոսա օրինօքն Տեառն Աստուծոյ եւ որպէս պատուիրանք հրամայեն.

ԳԻՐՔ ՆԷԵՄԵԱՅ 10:1

Եւ այս են որ կնքեն զգիրս զայս հաւատարմութեան առ քեզ. Նէեմիա որդի Աքաղեայ, եւ Սեդեկիա որդի Սարերայ՝՝,

ԳԻՐՔ ՆԷԵՄԵԱՅ 10:29

Եւ որ միանգամ անցցէ զօրինօք քովք, երդմամբ հաստատեմք այսօր առաջի քո, եղիցի նա ի նզովս եւ յանէծս, որ ոչ պահեսցէ զօրէնս քո որ տուաւ ի ձեռն Մովսիսի ծառայի քո. այլ ամենայն կամօք մերովք պահեսցուք, եւ արասցուք՝՝ զամենայն պատուիրանս Տեառն Աստուծոյ եւ զդատաստանս նորա եւ զհրամանս։

ՄԱՐԳԱՐԷՈՒԹԻՒՆ ԵՍԱՅԵԱՅ 44:5

Մին ասասցէ. Աստուծոյ եմ ես, եւ մեւսն խրախոյս բարձցէ յանուն Աստուծոյ Յակոբայ. եւ մեւսն գիր հանցէ ձեռամբ իւրով թէ Աստուծոյ եմ ես՝՝, եւ յանուն Իսրայելի խրախոյս բարձցէ՝՝։

Մատթեոսի Աւետարան 27:66

Եւ նոքա երթեալ զգուշացան գերեզմանին, եւ կնքեցին զվէմն հանդերձ զօրականօքն։