ԳԻՐՔ ՆԷԵՄԵԱՅ 9:24 - Գրաբար Աստվածաշունչ (1895)

²⁴ վասն զի սատակեցեր առաջի նոցա զբնակիչս երկրին Քանանացւոց, եւ ետուր զերկիրն նոցա ի ձեռս նոցա. եւ զթագաւորս նոցա եւ զժողովուրդ երկրին սպառեցեր՝ որպէս եւ կամեցան՝՝ ըստ կամաց իւրեանց։

ԳԻՐՔ ՆԷԵՄԵԱՅ 9:24 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 22:18

եւ ասէ. Ո՞չ ապաքէն Տէր ընդ ձեզ է, եւ հանգոյց զձեզ շուրջանակի. վասն զի ետ ի ձեռս ձեր զբնակիչսդ երկրիդ, եւ հնազանդեցաւ երկիրդ առաջի Տեառն եւ առաջի ժողովրդեան նորա։

ԹԻՒՔ 14:31

Եւ զորդիսն զորմէ ասացէք թէ ի յափշտակութիւն լինիցին՝ տարայց զնոսա յերկիրն, եւ ժառանգեսցեն զնա, յորմէ դուքն յափրացարուք։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:26

եւ սթափեսցին յորոգայթից Սատանայի՝ որսացեալք ի նմանէ ի նորա կամսն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:40

Եւ եհար Յեսու զամենայն երկիրն լեռնական եւ զՆագեբ եւ զդաշտականսն, եւ զԱսեթովթ եւ զամենայն թագաւորս նորա, եւ ոչ եթող ի նմանէ ապրեալ, եւ զամենայն շնչաւոր սատակեցին ի նմանէ, զոր օրինակ պատուիրեաց Տէր Աստուած Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:23

Եւ ա՛ռ Յեսու զամենայն երկիրն որպէս պատուիրեաց Տէր Մովսիսի, եւ ետ Յեսու ժառանգութիւն Իսրայելի վիճակաւ ըստ ցեղից նոցա. եւ դադարեաց երկիրն պատերազմել։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:12

զթագաւորն Եգլոնի զմի, զթագաւորն Գազերայ զմի,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:24

զթագաւորն Թերսայ զմի։ Ամենեքեան սոքա թագաւորք քսանեւինն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:1

Եւ եկեղեցացաւ ամենայն ժողովուրդ որդւոցն Իսրայելի ի Սելով, եւ կանգնեցին անդ զխորանն վկայութեան. եւ երկիրն նուաճեցաւ ի նոցանէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 21:43

Եւ ետ Տէր Իսրայելի զամենայն երկիրն զոր երդուաւ տալ հարցն նոցա, եւ ժառանգեցին զնա, եւ բնակեցին ի նմա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 21:45

Եւ ոչ սխալեցաւ բան մի յամենայն բանից բարեաց զոր խօսեցաւ Տէր որդւոցն Իսրայելի, այլ ամենայն ինչ եղեւ։

ԴԱՏԱՒՈՐՔ 4:23

Եւ կորացոյց Տէր Աստուած յաւուր յայնմիկ զՅաբին արքայ Քանանացւոց առաջի որդւոցն Իսրայելի։