ԳԻՐՔ ՆԷԵՄԵԱՅ 7:65 - Գրաբար Աստվածաշունչ (1895)

⁶⁵ Եւ ասաց Աթարսաթա ցնոսա. Մի՛ կերիցեն ի սրբութեանցն սրբութեանց, մինչեւ յարիցէ քահանայ եւ լուսաւորեալ յայտնեսցէ զնոսա՝՝։

ԳԻՐՔ ՆԷԵՄԵԱՅ 7:65 ပူးပေါင်းရင်းမြစ်များ

ԵԶՐ 2:63

Եւ ասէ Անամեսիթա ցնոսա. Չէ արժան ձեզ ուտել ի սրբութեան սրբութեանցն՝ մինչեւ յարիցէ քահանայապետ եւ յայտնեալ ցուցցէ, եւ նովաւ լուսաւորեսցի ամենայն մինչեւ ի սպառ՝՝։

ԳԻՐՔ ՆԷԵՄԵԱՅ 10:1

Եւ այս են որ կնքեն զգիրս զայս հաւատարմութեան առ քեզ. Նէեմիա որդի Աքաղեայ, եւ Սեդեկիա որդի Սարերայ՝՝,

ԳԻՐՔ ՆԷԵՄԵԱՅ 7:64

Սոքա խնդրեցին գրել զազգահամար՝՝ իւրեանց, եւ ոչ գտաւ. եւ մերժեցան ի քահանայիցն։

ԳԻՐՔ ՆԷԵՄԵԱՅ 7:66

Եւ եղեւ ամենայն ժողով եկեղեցւոյն չորք բեւրք եւ երկու հազար երեք հարեւր վաթսուն.

ԳԻՐՔ ՆԷԵՄԵԱՅ 7:70

Եւ իշխանք ըստ հայրապետացն իւրեանց ետուն ի գործն. եւ Աթարսաթա ետ ի գանձն՝ ոսկի, սկաւառակս յիսուն, եւ պատմուճանս քահանայիցն երեսուն։

ԳԻՐՔ ՆԷԵՄԵԱՅ 8:9

Եւ ասէ Նէեմի՝ որ է Աթարսաթա, եւ Եզրա քահանայ եւ գրիչ, եւ Ղեւտացիքն որ իմացուցանէին ժողովրդեանն. եւ ասեն ամենայն ժողովրդեանն. Օրս այս՝ օր սուրբ է Տեառն Աստուծոյ մերոյ, մի՛ սգայք եւ մի՛ լայք։ Քանզի լային ժողովուրդքն, յորժամ լուան զբանս օրինացն։

ԵԼՔ 28:30

Եւ դիցես ի վերայ տախտակի դատաստանին զվերջսն շղթայագործս, յերկոցունց կողմանց տախտակին դիցես. եւ զերկուս վահանակսն դիցես ի վերայ երկուց ուսոց վակասին յերեսաց կողմանէ ի ներքուստ։՝՝ Եւ դիցես ի վերայ տախտակի դատաստանին զՅանդիմանութիւն եւ զՃշմարտութիւն՝՝. եւ եղիցի ի վերայ լանջացն Ահարոնի յորժամ մտանիցէ ի սրբութիւնն առաջի Տեառն. եւ տարցի Ահարոն զդատաստանս որդւոցն Իսրայելի ի վերայ լանջաց իւրոց առաջի Տեառն հանապազ։

ՂԵՒՏԱԿԱՆ 2:10

Եւ որ մնայցէ ի զոհէ անտի, Ահարոնի եւ որդւոց նորա լինիցի, սրբութիւն սրբութեանց ի զոհիցն քոց։

ՂԵՒՏԱԿԱՆ 2:3

Եւ նշխարն ի զոհէ անտի՝ Ահարոնի եւ որդւոց իւրոց լիցի, սրբութիւն սրբութեանց ի զոհից անտի Տեառն։

ՂԵՒՏԱԿԱՆ 6:17

Ոչ եփեսցի խմորեալ. մասն ետու զայն նոցա ի պտղոցն Տեառն. սրբութիւնք սրբութեանց են, որպէս վասն մեղացն իցէ, նոյնպէս եւ վասն յանցանացն։

ՂԵՒՏԱԿԱՆ 8:8

Եւ եդ ի վերայ նորա զտախտակն, եւ եդ ի վերայ տախտակին զՅանդիմանութիւնն եւ զՃշմարտութիւն՝՝։

ԹԻՒՔ 27:21

Եւ կացցէ առաջի Եղիազարու քահանայի, եւ հարցցեն ի նմանէ զիրաւունս յայտնութեանց՝՝ առաջի Տեառն. ըստ բանի բերանոյ նորա ելանիցեն, եւ ըստ բանի բերանոյ նորա մտանիցեն, ինքն եւ որդիքն Իսրայելի միաբան եւ ամենայն ժողովուրդն։

ԵՐԿՐՈՐԴՈՒՄՆ ՕՐԻՆԱՑ 33:8

Եւ զՂեւեայ ասէ. Տուք Ղեւեայ զյայտնութիւն նորա, եւ զճշմարտութիւն նորա առնն անարատի, զոր փորձեցին փորձանօք, եւ բամբասեցին զնա՝՝ ի վերայ ջրոցն Հակառակութեան։