ԳԻՐՔ ՆԷԵՄԵԱՅ 2:13 - Գրաբար Աստվածաշունչ (1895)

¹³ Եւ ելի ես ընդ դուռն հեղեղատին, եւ առ բերանով երկրի թզենւոյն՝ եւ մինչեւ ի դուռն Աղբերցն. եւ ճնշէի ի նեղութենէ անցին առ պարսպաւն Երուսաղեմի, զոր էին նոցա սրբեալ, եւ դրունք նորա ապականեալ էին ի հրոյ՝՝։

ԳԻՐՔ ՆԷԵՄԵԱՅ 2:13 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 26:9

Եւ շինեաց Ոզիաս զաշտարակսն Երուսաղեմի առ դրան Ձորոյն եւ առ անկիւնսն, եւ զօրացոյց՝՝։

ԳԻՐՔ ՆԷԵՄԵԱՅ 1:3

Եւ ասեն ցիս. Զերծեալքն ի գերութենէն են անդէն յաշխարհին իւրեանց ի մեծ նեղութեան եւ ի նախատինս. եւ պարիսպքն Երուսաղեմի կան նոյնպէս քակեալ եւ աւերեալ, եւ դրունք նորա հրկիզեալ հրով։

ԳԻՐՔ ՆԷԵՄԵԱՅ 12:31

Եւ հանին՝՝ ի վեր զիշխանս Յուդայ ի պարիսպն. եւ երթային զհետ նոցա երգովք նուագարանօք երկու երկու,

ԳԻՐՔ ՆԷԵՄԵԱՅ 2:12

Եւ յարեայ ի գիշերի ես եւ սակաւ արք ընդ իս. եւ ոչ պատմեցի արանցն, եթէ զի՞նչ Աստուած արկ ի սիրտ իմ առնել վասն Իսրայելի՝՝. եւ գրաստ ոչ էր ընդ իս, բայց միայն գրաստն յորոյ վերայ նստէի ես։

ԳԻՐՔ ՆԷԵՄԵԱՅ 2:15

Եւ ելանէի ի վեր ի պարիսպն առ հեղեղատաւն գիշերի, եւ ի նեղութենէն էի ճնշեալ ի պարսպէն, եւ էի առ դրան՝՝ Ձորոյն։

ԳԻՐՔ ՆԷԵՄԵԱՅ 2:17

Եւ ասացի ցնոսա. Դուք տեսէք զչարիսս յորում եմք այժմ, եւ զիարդ Երուսաղէմ անապատ է եւ դրունք սորա հրկէզ. եկայք եւ շինեսցուք զպարիսպս Երուսաղեմի, եւ ոչ եւս եղիցուք ի նախատինս։

ԳԻՐՔ ՆԷԵՄԵԱՅ 2:3

Եւ ասեմ ցթագաւորն. Արքայ, դու յաւիտեան կեաց. ընդէ՞ր ոչ տրտում եւ տխուր լինիցին երեսք իմ. վասն զի քաղաքն եւ տուն հօր իմոյ՝՝ անապատ է, եւ դրունքն ապականեալ ի հրոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 5:10

Ելէք ի մարտկոցս նորա եւ կործանեցէք. բայց վախճան մի՛ առնիցէք. թողէք զհիմունս նորա՝ զի Տեառն են՝՝։