ԳԻՐՔ ՆԷԵՄԵԱՅ 13:13 - Գրաբար Աստվածաշունչ (1895)

¹³ Եւ հրամայեցի տալ ի ձեռս Սեղիմայ քահանայի եւ Սադովկայ գրչի, եւ Փադայեայ որ էր յՂեւտացւոցն, եւ ի ձեռանէ նոցա Անան որդի Զաքուր, որդի Մաթանայի. վասն զի հաւատարիմ էին նոքա որք բաժանէին եւ տային եղբարց իւրեանց։

ԳԻՐՔ ՆԷԵՄԵԱՅ 13:13 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:15

Եւ ոչ առնէին համար արանցն՝՝ յորոց ձեռս տային զարծաթն, տալ գործաւորաց գործոյն, զի յաւատ գործէին։

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:16

Եւ արծաթ վասն մեղաց եւ վասն յանցանաց ոչ մտանէր ի տուն Տեառն, այլ քահանայիցն լինէր։

ԹԱԳԱՒՈՐՈՒԹԵԱՆՑ ՉՈՐՐՈՐԴ 22:7

Բայց ոչ առնէին համար արծաթոյն տուելոյ նոցա, քանզի յաւատ գործէին։

ԳԻՐՔ ՆԷԵՄԵԱՅ 10:12

Զաքուր, Սարաբիա, Սեբանիա,

ԳԻՐՔ ՆԷԵՄԵԱՅ 10:38

Եւ եղիցի քահանայ որդի Ահարոնի՝ որ տասանորդեսցէ զՂեւտացիսն, եւ Ղեւտացիքն ի տասանորդաց մերոց տասանորդեսցեն քահանային մեծի՝՝ ի տուն Աստուծոյ մերոյ, ի տուն գանձանակին որ կան ի տաճարին Տեառն.

ԳԻՐՔ ՆԷԵՄԵԱՅ 11:22

Եւ այցելու եւ վերակացու Ղեւտացւոցն յԵրուսաղէմ, Ոզա որդի Բանի, որդի Ասաբեայ, որդի Մատթանի, որդի Միքայ, յորդւոցն Ասափայ որ էին երգեցիկք մօտ առ տուն Տեառն.

ԳԻՐՔ ՆԷԵՄԵԱՅ 12:35

Եւ յորդւոց քահանայիցն էին որք հարկանէին զփողսն՝ Զաքարիաս որդի Յովնաթանայ որդի Սամայի, որդի Մաթանիա, որդի Միքայ, որդի Զաքուր, որդի Ասափ։

ԳԻՐՔ ՆԷԵՄԵԱՅ 12:44

Եւ կացուցին յաւուր յայնմիկ ի վերայ գանձանակի գանձուցն եւ զառաջաւորացն եւ տասանորդացն, եւ որ միանգամ ժողովեալ էր անդր յիշխանաց քաղաքին, որպէս հրամայեալ էր յօրէնսն Մովսիսի քահանայիցն եւ Ղեւտացւոց. քանզի ուրախութիւն մեծ էր ի Յուդա եւ ի քահանայս եւ յՂեւտացիս. եւ զգուշացան սրբութեանցն Աստուծոյ եւ պահեցին զսրբութիւնն՝ որ էին երգեցիկք սաղմոսասացք եւ դռնապանքն, որպէս կարգեալ էր Դաւթի եւ որդւոյ նորա Սողոմոնի։

ԳԻՐՔ ՆԷԵՄԵԱՅ 3:30

Եւ զհետ նորա կալաւ Անանիա որդի Սեղեմեայ, եւ Անոն որդի Սեղեփայ, չափ երկրորդ՝՝. եւ զհետ նորա կալաւ Մեսողամ որդի Բարաքայ՝ ընդդէմ գանձու տանն՝՝ իւրոյ։

ԳԻՐՔ ՆԷԵՄԵԱՅ 7:2

եւ պատուիրեցի եղբարցն իմոց՝՝ եւ Անանեայ որ էր իշխան ի վերայ Երուսաղեմի. վասն զի նա էր ճշմարիտ այր եւ երկիւղած յԱստուծոյ քան զբազումս,

ԳԻՐՔ ՆԷԵՄԵԱՅ 8:4

Եւ կայր Եզրա քահանայ եւ՝՝ գրիչ ի վերայ բեմի փայտեղինի. եւ կային առ նմա Մատաթիաս եւ Սամեաս եւ Անանիաս եւ Ուրիաս եւ Քեղկիա եւ Մասիա՝ ընդ աջմէ նորա. եւ ընդ ահեկէ նորա՝ Փադիաս եւ Միսայէլ եւ Մեղքիաս եւ Ասամ եւ Սարդանա եւ Զաքարիա եւ Մոսողամ։

ԱՒԵՏԱՐԱՆ ԸՍՏ ՂՈՒԿԱՍՈՒ 12:42

Եւ ասէ Տէր. Ո՞վ իցէ հաւատարիմ տնտես եւ իմաստուն, զոր կացոյց տէր իւր ի վերայ գերդաստանի իւրոյ տալ ի ժամու զկերակուրս։

ԳՈՐԾՔ ԱՌԱՔԵԼՈՑ 4:35

դնէին առ ոտս առաքելոցն. եւ բաշխէին իւրաքանչիւր որպէս ումեք պիտոյ ինչ լինէր։

ԳՈՐԾՔ ԱՌԱՔԵԼՈՑ 6:1

Եւ յաւուրսն յայնոսիկ ի բազմանալ աշակերտացն եղեւ տրտունջ Յունացն առ Հեբրայեցիսն, զի արհամարհեալ լինէին ի պաշտամանն հանապազորդի այրիք նոցա։

ԳՈՐԾՔ ԱՌԱՔԵԼՈՑ 6:3

Ընտրեցէք, եղբարք, վկայեալս ի ձէնջ արս եւթն, զորս կացուսցուք ի վերայ պիտոյիցս այսոցիկ.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 4:2

Արդ խնդիր է ի մէջ հազարապետաց եթէ ոք հաւատարիմ գտցի։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:12

Շնորհ ունիմ այնմիկ որ զօրացոյցն զիս, ի Քրիստոս Յիսուս ի Տէր մեր՝՝, զի հաւատարիմ համարեցաւ կարգել ի սպասաւորութիւն.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 3:10

Ինքեանք նախ փորձեսցին, եւ ապա ի պաշտօնն մատիցեն, զի անարատք իցեն։