ԳԻՐՔ ՆԷԵՄԵԱՅ 12:39 - Գրաբար Աստվածաշունչ (1895)

³⁹ եւ ի դուռն Եքթիերան, եւ յաշտարակն Անամայելի եւ մինչեւ ի դուռն Ջրբղխացն. եւ լսելի եղեւ ձայն երգոցն մինչեւ յամենայն տեղիս. քանզի հրամայեաց Եզր կալ ի վերայ ամենայն դրանցն եւ երգել։՝՝

ԳԻՐՔ ՆԷԵՄԵԱՅ 12:39 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:13

Եւ զԱմասիա զարքայ Յուդայ, զորդի Յովասու որդւոյ Ոքոզեայ, կալաւ Յովաս որդի Յովաքազու՝՝ արքայ Իսրայելի ի Բեթսամիւս. եւ եկն յԵրուսաղէմ եւ եհատ զպարիսպն Երուսաղեմի ի դրանէ Եփրեմի մինչեւ ցդուռն Անկեանցն, չորեքհարեւր կանգուն։

ԳԻՐՔ ՆԷԵՄԵԱՅ 3:1

Եւ յարեաւ Եղիասիբ քահանայ մեծ եւ եղբարք նորա քահանայք, եւ շինեցին զդուռն Աւազանաց ջրմղին՝՝, եւ սրբեցին զնա եւ կանգնեցին զդրունս նորա, եւ կանգնեցին զնա մինչեւ՝՝ յաշտարակն Անամայելի,

ԳԻՐՔ ՆԷԵՄԵԱՅ 3:25

կալաւ Փաղաք որդի Ուզայի՝ ընդդէմ անկեանն. եւ զաշտարակն որ էր արտաքոյ ապարանից թագաւորին վերագոյն քան զգաւիթ բանտին. եւ զհետ նորա Փաթաւա որդի Փարոսայ։

ԳԻՐՔ ՆԷԵՄԵԱՅ 3:3

Եւ զդուռնն Նեքտիւրբան շինեցին որդիքն Ասանայ՝՝, եւ նոքա յարդարեալ կազմեցին զնա, եւ զփականս եւ զնիգս նորա.

ԳԻՐՔ ՆԷԵՄԵԱՅ 3:6

Եւ զդուռնն հին ունէին Յուդայ որդիք, Փասեկ՝՝ եւ Մեսողամ՝ որդի Բասոդեայ. եւ սոքա կազմեցին զնա, եւ կանգնեցին զդրունս նորա եւ զդռնափակս եւ զնիգս։

ԳԻՐՔ ՆԷԵՄԵԱՅ 8:16

Եւ ելին ժողովուրդքն եւ բերին, եւ արարին իւրեանց տաղաւարս, այր ի տանիս իւրում, եւ այր ի սրահի իւրում եւ ի սրահի տանն Աստուծոյ, եւ ի հրապարակս քաղաքին մինչեւ ի դրունս՝՝ Եփրեմայ։

ՄԱՐԳԱՐԷՈՒԹԻՒՆ ԵՐԵՄԵԱՅ 31:38

Ահա աւուրք գան, ասէ Տէր. եւ շինեսցի քաղաք Տեառն յաշտարակէ անտի Անամայելի մինչեւ ի դուռն Անկեանն։

ՄԱՐԳԱՐԷՈՒԹԻՒՆ ԵՐԵՄԵԱՅ 32:2

Եւ յայնժամ զօր արքային Բաբելացւոց պաշարեաց զԵրուսաղէմ. եւ Երեմիա մարգարէ կայր ի կալանս ի սրահի բանտին՝ որ էր յապարանս թագաւորին Յուդայ,

ՄԱՐԳԱՐԷՈՒԹԻՒՆ ՍՈՓՈՆԻԱՅ 1:10

Եւ եղիցի յաւուր յայնմիկ, ասէ Տէր, ձայն աղաղակի ի դրանէ խոցոտելոցն, եւ գոյժ յերկրորդ դրանէն՝՝, եւ բեկումն մեծ ի բլրոց։

ԱՒԵՏԱՐԱՆ ԸՍՏ ՅՈՎՀԱՆՆՈՒ 5:2

Եւ էր յԵրուսաղէմ ի Պրոբատիկէ աւազանին, որ կոչէր Եբրայեցերէն Բեթհեզդա, հինգ սրահ։