ԳԻՐՔ ՆԷԵՄԵԱՅ 12:24 - Գրաբար Աստվածաշունչ (1895)

²⁴ Եւ իշխանք Ղեւտացւոց՝ Ասաբիա եւ Սարաբիա եւ Յեսու. եւ որդիք Կադմիէլ, եւ եղբարք նորա մօտ առ նմա՝՝, օրհնել եւ սաղմոս ասել. որպէս եւ հրամայեաց Դաւիթ այրն Աստուծոյ,

ԳԻՐՔ ՆԷԵՄԵԱՅ 12:24 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 17:24

Եւ ասէ կինն ցԵղիա. Ահա արդ գիտացի եթէ այր Աստուծոյ ես դու, եւ բան Տեառն ճշմարիտ է ի բերան քո։

ՄՆԱՑՈՐԴԱՑ ԱՌԱՋԻՆ 16:4

Եւ կարգեաց առաջի երեսաց տապանակին կտակարանացն Տեառն, ի Ղեւտացւոցն, պաշտօնեայս երգել ձայնիւ՝՝ եւ խոստովան լինել եւ օրհնել զՏէր Աստուած Իսրայելի.

ՄՆԱՑՈՐԴԱՑ ԵՐԿՐՈՐԴ 8:14

Եւ կացոյց ըստ իրաւանցն Դաւթի զդասս քահանայիցն ըստ պաշտաման նոցա. եւ Ղեւտացիքն ի վերայ պահպանութեանն իւրեանց, օրհնել եւ պաշտել առաջի քահանայիցն ըստ օրինին օր ըստ օրէ. եւ դռնապանք ըստ որոշմանն իւրեանց ի դրունս դրունս. վասն զի այսպէս էր պատուիրանն Դաւթայ առնն Աստուծոյ։

ԵԶՐ 2:40

Ղեւտացիքն, որդիք Յեսու եւ Կադմիէլ որդւոցն Ովդուեայ՝ եւթանասուն եւ չորք։

ԳԻՐՔ ՆԷԵՄԵԱՅ 11:17

Եւ Մաթանացիք, որդի Միքայ եւ Յորեբ, որդիք Սամուի՝ երկերիւր եւթանասուն եւ չորս։

ԳԻՐՔ ՆԷԵՄԵԱՅ 12:23

Որդիք Ղեւեայ իշխանք հայրապետացն գրեալք ի գիրս բանից աւուրց համարոյն, մինչեւ ցՈվնան որդի Եղիասիբ։

ԳԻՐՔ ՆԷԵՄԵԱՅ 12:36

Եւ եղբարք նոցա Սամէիա եւ Եզրիէլ օրհնէին զերգս եւ զսաղմոսս Դաւթի առնն Աստուծոյ զոր նուագեաց։ Եւ Եզրաս գրիչ երթայր առաջի նոցա ի վերայ դրանցն, եւ որք երգէինն երթային ընդդէմ նորա։

ԳԻՐՔ ՆԷԵՄԵԱՅ 8:7

Եւ Յեսու եւ Բանեա եւ Սարաբիա էին որ իմացուցանէին զօրէնսն ժողովրդեանն. եւ ժողովուրդքն կային ըստ կարգի իւրեանց։

ԳԻՐՔ ՆԷԵՄԵԱՅ 9:4

Եւ կային ի բարձրաւանդակ տեղւոջ Եզրա եւ Ղեւտացիք եւ Յեսու Յովսեդեկեանց, եւ որդիքն Կադմելի, Սաքանիա որդի Սարեբիայ, որդիք Անանիայ՝՝ եւ գոչեցին մեծաձայն առ Տէր Աստուած իւրեանց։

ԵՐԿՐՈՐԴՈՒՄՆ ՕՐԻՆԱՑ 33:1

Այս է օրհնութիւն զոր օրհնեաց Մովսէս այրն Աստուծոյ զորդիսն Իսրայելի յառաջ քան զվախճանելն իւր.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:11

Այլ դու, ո՛վ մարդ Աստուծոյ, փախիր յայնցանէ, եւ երթ զհետ արդարութեան, զաստուածպաշտութեան, զհաւատոց, զսիրոյ, զհամբերութեան, զհեզութեան.

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 3:17

զի կատարեալ իցէ մարդն Աստուծոյ յամենայն գործս բարութեան հաստատեալ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:6

Եւ մատեան որդիքն Յուդայ առ Յեսու ի Գաղգաղա, եւ ասէ ցնա Քաղէբ Յեփոնեայ Կենեզեան. Դու ինքնին գիտես զբանն զոր խօսեցաւ Տէր ընդ Մովսիսի առնն Աստուծոյ վասն իմ եւ վասն քո ի Կադէսբառնեա։