ԳԻՐՔ ՆԷԵՄԵԱՅ 10:39 - Գրաբար Աստվածաշունչ (1895)

³⁹ վասն զի կացցէ ի գանձել ի համբարս որդւոց Ղեւտացւոցն եւ սպասաւորաց՝ ի տեղիսն ուր կահ սրբութեանցն. եւ եղիցի քահանայիցն եւ Ղեւտացւոց եւ դռնապանաց եւ երգեցկաց սաղմոսաց. եւ մի՛ պակասեսցին նոցա ռոճիկք երբեք ի տանէ Աստուծոյ մերոյ, եւ մի՛ նոքա զսպաս Տեառն խափանեսցեն։՝՝

ԳԻՐՔ ՆԷԵՄԵԱՅ 10:39 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 7:10

Եւ մտին եւ աղաղակեցին առ դրան քաղաքին, եւ պատմեցին նոցա եւ ասեն. Մտաք ի բանակն Ասորւոց, եւ ոչ գոյր անդ այր եւ ոչ ձայն մարդոյ, բայց միայն ձիք կապեալք եւ էշք կապեալք, եւ վրանք նոցա նոյնպէս կան։

ՄՆԱՑՈՐԴԱՑ ԵՐԿՐՈՐԴ 31:11

Եւ ասէ Եզեկիաս. Պատրաստեցէք եւ այլ եւս շտեմարանս ի տանն Տեառն։ Եւ պատրաստեցին։

ՄՆԱՑՈՐԴԱՑ ԵՐԿՐՈՐԴ 31:12

Եւ բերին անդր զպտուղսն եւ զտասանորդսն հաւատովք. եւ էր նոցա վերակացու Քովքենիաս Ղեւտացի, եւ Սեմէի եղբայր նորա փոխանորդ նորին,

ԳԻՐՔ ՆԷԵՄԵԱՅ 12:47

Եւ ամենայն Իսրայէլ յաւուրս Զորաբաբելի եւ յաւուրս Նէեմեայ՝ տային մասն եւ բաժին երգեցկացն եւ դռնապանացն, որպէս եւ կարգեալ էր օր ըստ օրէ, եւ առնէին սուրբ զՂեւտացիսն եւ Ղեւտացիքն զորդիսն Ահարոնի՝՝։

ԹԻՒՔ 18:26

Եւ ընդ Ղեւտացիսն խօսեսցիս եւ ասասցես ցնոսա. Եթէ առնուցուք յորդւոցն Իսրայելի տասանորդս զոր ետու ձեզ, հանիցէք եւ դուք անտի հաս՝՝ Տեառն՝ զտասանորդն ի տասանորդէ։

ԹԻՒՔ 18:30

Եւ ասասցես ցնոսա. Յորժամ հանիցէք զպտուղն ի նմանէ՝՝ համարեսցի Ղեւտացւոցն իբրեւ զարդիւնս ի կալոյ, եւ իբրեւ զպտուղ ի հնձանէ։

ԵՐԿՐՈՐԴՈՒՄՆ ՕՐԻՆԱՑ 12:17

Մի՛ ժտիցես ուտել ի քաղաքս քո զտասանորդս ցորենոյ քո եւ զգինւոյ քո եւ զիւղոյ քո, զանդրանիկս արջառոյ քո եւ զոչխարի քո, եւ զամենայն ուխտս զոր ուխտիցէք, եւ զխոստովանութիւնս ձեր եւ զպտուղս ձեռաց ձերոց՝՝.

ԱՌ ԵԲՐԱՅԵՑԻՍ ԹՈՒՂԹ 10:25

եւ մի՛ թողցուք զժողովս միմեանց, որպէս եւ սովոր են ոմանք. այլ մխիթարեսցուք, եւ այնչափ եւս առաւել՝ որչափ տեսանիցէք զօրն մերձեալ։