ԳԻՐՔ ՆԷԵՄԵԱՅ 10:36 - Գրաբար Աստվածաշունչ (1895)

³⁶ Եւ զդիդրաքմայս անդրանկաց՝՝ որդւոց մերոց, եւ զանդրանիկս անասնոց մերոց՝ որպէս եւ գրեալ է յօրէնսն Մովսիսի՝ եւ զանդրանիկս առջառոց մերոց եւ հօտից բերցուք ի տուն Աստուծոյ մերոյ, քահանայից մերոց Ղեւտացւոց որք կան ի սպասու տան Տեառն.

ԳԻՐՔ ՆԷԵՄԵԱՅ 10:36 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 31:5

Եւ որպէս հրամայեաց բանն, յաւելին եւս որդիքն Իսրայելի զպտուղ ցորենոյն եւ գինւոյ եւ ձիթոյ եւ մեղու, եւ զամենայն արմտեաց անդաստանաց, եւ զտասանորդսն զամենայն բերին բազում յոյժ։

ԳԻՐՔ ՆԷԵՄԵԱՅ 12:44

Եւ կացուցին յաւուր յայնմիկ ի վերայ գանձանակի գանձուցն եւ զառաջաւորացն եւ տասանորդացն, եւ որ միանգամ ժողովեալ էր անդր յիշխանաց քաղաքին, որպէս հրամայեալ էր յօրէնսն Մովսիսի քահանայիցն եւ Ղեւտացւոց. քանզի ուրախութիւն մեծ էր ի Յուդա եւ ի քահանայս եւ յՂեւտացիս. եւ զգուշացան սրբութեանցն Աստուծոյ եւ պահեցին զսրբութիւնն՝ որ էին երգեցիկք սաղմոսասացք եւ դռնապանքն, որպէս կարգեալ էր Դաւթի եւ որդւոյ նորա Սողոմոնի։

ԳԻՐՔ ՆԷԵՄԵԱՅ 13:5

եւ շինեաց իւր անդ տուն գանձի մեծ. եւ անդ էր յառաջնում ուր տային զմաննայն եւ զլիբանոն եւ զկահն սրբութեան՝՝, եւ զտասանորդս ցորենոյն եւ գինւոյ եւ ձիթոյ եւ իւղոյ, զռոճիկսն Ղեւտացւոցն եւ երգեցկացն եւ դռնապանաց, եւ զառաջաւորս քահանայիցն։

ԵԼՔ 13:2

Սրբեա դու ինձ զամենայն անդրանիկ նախծին որ բանայ զամենայն արգանդ ի մէջ որդւոցդ Իսրայելի, ի մարդոյ մինչեւ յանասուն, քանզի իմ է։

ԵԼՔ 23:19

Զպտուղս առաջին արմտեաց քոց բերցես ի տուն Տեառն Աստուծոյ քո։ Եւ մի՛ եփեսցես զգառն ի կաթն մօր իւրոյ։

ԵԼՔ 34:19

Ամենայն արու որ բանայ զարգանդ՝ ինձ լիցի, եւ ամենայն արուք անասնոյ քո, անդրանիկն արջառոյ եւ անդրանիկն ոչխարի։

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:10

Տարին կատարեցաւ, եւ զարդիւնս ամենայն ի շտեմարանս ձեր ժողովեցէք. եւ եղիցի յափշտակութիւն տանց ձերոց. դարձարուք՝՝ այդուիկ, ասէ Տէր ամենակալ. եթէ ո՞չ բացից ձեզ զպատուհանս երկնից, եւ զեղից ձեզ զօրհնութիւն իմ մինչեւ ի շատանալ։

ԹԻՒՔ 3:13

Զի իմ է ամենայն անդրանիկ. յաւուր յորում հարի զամենայն անդրանիկ յերկրին Եգիպտացւոց, սրբեցի ինձ զամենայն անդրանիկս Իսրայելի ի մարդոյ մինչեւ յանասուն. իմ լիցին. զի ես եմ Տէր։

ԱՌ ԳԱՂԱՏԱՑԻՍ ԹՈՒՂԹ 6:6

Հաղորդութիւն արասցէ աշակերտն վարդապետին յամենայն բարութիւնս։

ԵՐԿՐՈՐԴՈՒՄՆ ՕՐԻՆԱՑ 12:6

եւ մատուսջիք զողջակէզս ձեր եւ զզոհս ձեր եւ զտասանորդս ձեր եւ զպտուղս ձեր՝՝ եւ զուխտս ձեր եւ զկամայականս ձեր եւ զխոստովանութիւնս ձեր՝՝, եւ զանդրանիկս արջառոյ եւ ոչխարի ձերոյ.