ԳԻՐՔ ՆԷԵՄԵԱՅ 10:33 - Գրաբար Աստվածաշունչ (1895)

³³ եւ զհաց զառաջէից եւ զզոհս ըստ ժամանակս ժամանակս, եւ զողջակէզս՝՝ յամենայն տօնս եւ ի տարեկանս եւ ի շաբաթս եւ յամսամուտս եւ ի նաւակատիս եւ ի սրբութիւնս, եւ վասն մեղաց՝ որ են ի քաւութիւնս Իսրայելի եւ ի գործս տաճարին Տեառն Աստուծոյ մերոյ։

ԳԻՐՔ ՆԷԵՄԵԱՅ 10:33 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 2:4

եւ արդ ահա ես որդի նորա՝՝ շինեմ տուն անուան Տեառն Աստուծոյ իմոյ, սրբել զնա նմա, ծխել առաջի նորա խունկս եւ առաջադրութիւնս յամենայն ժամ, եւ մատուցանել ողջակէզս հանապազ առաւօտուց եւ երեկորին, եւ ի շաբաթս եւ յամսամուտս եւ ի տօնս Աստուծոյ մերոյ, յաւիտեան զայն յԻսրայելի։

ԵԼՔ 30:16

Եւ առցես զարծաթ հասին յորդւոցն Իսրայելի, եւ տացես զնա ի գործ խորանին վկայութեան, եւ եղիցի որդւոցն Իսրայելի յիշատակ առաջի Տեառն, քաւել վասն անձանց նոցա։

ԱՌ ԿՈՂՈՍԱՑԻՍ ԹՈՒՂԹ 2:16

Մի՛ ոք այսուհետեւ զձեզ դատեսցի ուտելով կամ ըմպելով կամ մասամբք տօնից, կամ ամսամտիւք, կամ շաբաթուք.

ԱՌ ԵԲՐԱՅԵՑԻՍ ԹՈՒՂԹ 10:11

Եւ ամենայն քահանայապետ կայ հանապազորդ ի պաշտաման, եւ զնոյն պատարագս մատուցանէ բազում անգամ, որք ոչ երբեք կարող են բառնալ զմեղս.