ԱՒԵՏԱՐԱՆ ԸՍՏ ՄԱՐԿՈՍԻ 9:49 - Գրաբար Աստվածաշունչ (1895)

⁴⁹ Բարւոք է աղ. եւ եթէ աղն անհամեսցի, ի՞ւ համեմեսցի. արդ դուք կալարուք յանձինս ձեր զաղն, եւ խաղաղութիւն արարէք ընդ միմեանս։

ԱՒԵՏԱՐԱՆ ԸՍՏ ՄԱՐԿՈՍԻ 9:49 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:24

Եւ մատուսցեն առաջի Տեառն, եւ ցանեսցեն ի վերայ նոցա քահանայքն աղ, եւ հանցեն զնոսա յողջակէզս Տեառն։

ՂԵՒՏԱԿԱՆ 2:13

Եւ ամենայն պատարագ զոհից ձերոց աղիւ Տեառն յաղեսցի. մի՛ պակասեցուցանիցէք զաղ ուխտին Աստուծոյ ի զոհից ձերոց. ընդ ամենայն պատարագս աղ մատուցանիցէք։

Մատթեոսի Աւետարան 5:13

Դուք էք աղ երկրի. ապա թէ աղն անհամի, ի՞ւ յաղիցի. ոչ իմիք ազդիցէ այնուհետեւ, բայց եթէ ընկենուլ արտաքս եւ կոխան լինել ի մարդկանէ։

ԱՒԵՏԱՐԱՆ ԸՍՏ ՄԱՐԿՈՍԻ 9:48

Զի ամենայն ինչ հրով յաղեսցի։