ԱՒԵՏԱՐԱՆ ԸՍՏ ՄԱՐԿՈՍԻ 8:38 - Գրաբար Աստվածաշունչ (1895)

³⁸ Զի որ ոք ամօթ համարեսցի զիս եւ զբանս իմ ի շնացող եւ ի մեղաւոր ազգիս յայսմիկ, եւ Որդի մարդոյ յամօթ արասցէ զնա, յորժամ եկեսցէ փառօք Հօր իւրոյ եւ հրեշտակաց սրբոց՝՝։

ԱՒԵՏԱՐԱՆ ԸՍՏ ՄԱՐԿՈՍԻ 8:38 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԶԱՔԱՐԵԱՅ 14:5

Եւ խցցի ձոր լերանց իմոց, եւ՝՝ կցեսցի ձոր լերանցն մինչեւ ցԱսայէլ. եւ խցցի զոր օրինակ խցաւ՝՝ յերեսաց շարժմանն՝ յաւուրս Ոզիայ արքայի Յուդայ. եւ եկեսցէ հասցէ Տէր Աստուած իմ եւ ամենայն սուրբք ընդ նմա։

Մատթեոսի Աւետարան 12:39

Նա պատասխանի ետ եւ ասէ ցնոսա. Ազգ չար եւ շնացող նշան խնդրէ. եւ նշան մի՛ տացի նմա, բայց նշանն Յովնանու մարգարէի։

Մատթեոսի Աւետարան 13:41

Առաքեսցէ Որդի մարդոյ զհրեշտակս իւր, եւ ժողովեսցեն յարքայութենէ նորա զամենայն գայթակղութիւնս, եւ զայնոսիկ ոյք գործեն զանօրէնութիւն։

Մատթեոսի Աւետարան 16:27

Զի գալոց է Որդի մարդոյ փառօք Հօր իւրոյ հանդերձ հրեշտակօք իւրովք, եւ յայնժամ հատուսցէ իւրաքանչիւր ըստ գործս իւր։

Մատթեոսի Աւետարան 16:28

Ամէն ասեմ ձեզ, զի իցեն ոմանք ի սոցանէ որք աստ կան, որք ոչ ճաշակեսցեն զմահ, մինչեւ տեսցեն զՈրդի մարդոյ եկեալ արքայութեամբ իւրով։

Մատթեոսի Աւետարան 16:4

Ազգ չար եւ շնացող նշան խնդրէ, եւ նշան մի՛ տացի նմա, բայց նշանն Յովնանու մարգարէի։ Եւ եթող զնոսա եւ գնաց։

Մատթեոսի Աւետարան 24:30

Եւ ապա երեւեսցի նշան Որդւոյ մարդոյ յերկինս, եւ յայնժամ կոծեսցին ամենայն ազգք երկրի, եւ տեսցեն զՈրդի մարդոյ եկեալ ի վերայ ամպոց երկնից զօրութեամբ եւ փառօք բազմօք։

Մատթեոսի Աւետարան 25:31

Եւ յորժամ եկեսցէ Որդի մարդոյ փառօք իւրովք եւ ամենայն հրեշտակք ընդ նմա, յայնժամ նստցի յաթոռ փառաց իւրոց։

Մատթեոսի Աւետարան 26:64

Ասէ ցնա Յիսուս. Դու ասացեր. բայց ասեմ ձեզ. Յայսմ հետէ տեսանիցէք զՈրդի մարդոյ նստեալ ընդ աջմէ Զօրութեանն եւ եկեալ ընդ ամպս երկնից։

Մատթեոսի Աւետարան 8:20

Ասէ ցնա Յիսուս. Աղուեսուց որջք գոն, եւ թռչնոց երկնից՝ բոյնք. այլ Որդւոյ մարդոյ ոչ գոյ ուր դիցէ զգլուխ իւր։

ԱՒԵՏԱՐԱՆ ԸՍՏ ՄԱՐԿՈՍԻ 13:26

Եւ յայնժամ տեսցեն զՈրդի մարդոյ եկեալ ամպովք եւ զօրութեամբ եւ փառօք բազմօք։

ԱՒԵՏԱՐԱՆ ԸՍՏ ՄԱՐԿՈՍԻ 14:62

Պատասխանի ետ Յիսուս եւ ասէ ցնա. Դու ասացեր թէ ես եմ՝՝. բայց տեսանիցէք զՈրդի մարդոյ նստեալ ընդ աջմէ Զօրութեան, եւ եկեալ ընդ ամպս երկնից։

ԱՒԵՏԱՐԱՆ ԸՍՏ ՄԱՐԿՈՍԻ 8:37

քանզի զի՞նչ տացէ մարդ փոխանակ անձին իւրոյ։

ԱՒԵՏԱՐԱՆ ԸՍՏ ՂՈՒԿԱՍՈՒ 19:26

Ասեմ ձեզ եթէ՝ Ամենայնի որ ունիցի՝ տացի. եւ յայնմանէ որ ոչն ունիցի, եւ զոր ունիցին՝ բարձցի ի նմանէ։

ԱՒԵՏԱՐԱՆ ԸՍՏ ՂՈՒԿԱՍՈՒ 9:26

Զի որ ամօթ համարեսցի զիս եւ զբանս իմ, զնա եւ Որդի մարդոյ յամօթ արասցէ յորժամ գայցէ փառօք իւրովք եւ Հօր եւ հրեշտակաց սրբոց։

ԱՒԵՏԱՐԱՆ ԸՍՏ ՅՈՎՀԱՆՆՈՒ 1:14

Եւ Բանն մարմին եղեւ եւ բնակեաց ի մեզ, եւ տեսաք զփառս նորա, զփառս իբրեւ զմիածնի առ ի Հօրէ, լի շնորհօք եւ ճշմարտութեամբ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 1:51

Եւ ասէ ցնա. Ամէն ամէն ասեմ ձեզ. Տեսանիցէք զերկինս բացեալ, եւ զհրեշտակս Աստուծոյ զի ելանիցեն եւ իջանիցեն ի վերայ Որդւոյ մարդոյ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 12:34

Պատասխանի ետ նմա ժողովուրդն. Մեք լուաք յօրինաց եթէ Քրիստոսն յաւիտեան կայ, եւ դու զիա՞րդ ասես թէ՝ Պարտ է բարձրանալ Որդւոյ մարդոյ. ով է այն Որդին մարդոյ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 5:27

եւ իշխանութիւն ետ նմա դատաստան առնել, եւ զի Որդի մարդոյ է։

ԳՈՐԾՔ ԱՌԱՔԵԼՈՑ 10:22

Եւ նոքա ասեն. Կոռնելիոս հարիւրապետ, այր արդար եւ երկիւղած յԱստուծոյ, վկայեալ յամենայն ազգէն Հրէից, հրաման առ ի հրեշտակէ սրբոյ կոչել զքեզ ի տուն իւր եւ լսել բանս ի քէն։

ԳՈՐԾՔ ԱՌԱՔԵԼՈՑ 5:41

Եւ նոքա գնացին խնդալով յերեսաց ատենին, զի վասն անուանն արժանի եղեն անարգելոյ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 1:16

Զի ոչ եթէ ամօթ ինչ համարիմ զաւետարանն, քանզի զօրութիւն Աստուծոյ է ի փրկութիւն ամենայն հաւատացելոց. նախ Հրէի եւ ապա հեթանոսի։

ԱՌ ԳԱՂԱՏԱՑԻՍ ԹՈՒՂԹ 6:14

Այլ ինձ քաւ լիցի պարծել, բայց միայն ի խաչն Տեառն մերոյ Յիսուսի Քրիստոսի, որով ինձ աշխարհ ի խաչ ելեալ է, եւ ես՝ աշխարհի։

ԵՐԿՐՈՐԴՈՒՄՆ ՕՐԻՆԱՑ 33:2

եւ ասէ. Տէր ի Սինայէ եկեսցէ, եւ երեւեցաւ մեզ ի Սէիրայ, եւ փութացաւ ի լեռնէն Փառանու, բիւրաւորօքն ի Կադեսա՝՝, յաջմէ նորա հրեշտակք իւր ընդ իւր։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 2:19

Քանզի ո՞վ է մեր յոյս կամ խնդութիւն կամ պսակ պարծանաց մերոց, եթէ ոչ դուք ի Տէր առաջի Տեառն մերոյ Յիսուսի Քրիստոսի ի նորա գալստեանն։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 3:13

հաստատել զսիրտս ձեր անարատս ի սրբութիւն առաջի Աստուծոյ եւ Հօր մերոյ ի գալստեանն Տեառն մերոյ Յիսուսի Քրիստոսի հանդերձ ամենայն սրբովք իւրովք։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 1:12

Վասն որոյ եւ զայս չարչարանս կրեմ, այլ ոչինչ ամօթ համարիմ, քանզի գիտեմ յո հաւատացեալն եմ, եւ հաստատեալ եմ թէ կարող է զաւանդն իմ պահել յօրն յայն։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 1:16

Տացէ Աստուած ողորմութիւն տանն Ոնեսիփորայ, զի բազում անգամ հանգոյց զիս, եւ զկապանս իմ ոչ ամօթ համարեցաւ.

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 1:8

Մի՛ այսուհետեւ ամօթ համարիցիս զվկայութիւն Տեառն մերոյ, եւ մի՛ զիս զկապեալ նորա. այլ կցորդ լեր չարչարանաց աւետարանին ըստ զօրութեանն Աստուծոյ.

ԱՌ ԵԲՐԱՅԵՑԻՍ ԹՈՒՂԹ 11:16

Նա աւանիկ ազնուականի իմն ցանկացեալ են, այսինքն է երկնաւորին. վասն որոյ ոչ ամօթ համարի Աստուած կոչել նոցա Աստուած, քանզի պատրաստեաց նոցա քաղաք։

ԱՌ ԵԲՐԱՅԵՑԻՍ ԹՈՒՂԹ 11:26

Կարեւոր համարեցաւ զնախատինսն Քրիստոսի քան զմեծութիւն գանձուցն՝՝ Եգիպտացւոց, զի հայեցեալ ակն ունէր վարձուցն հատուցման։

ԱՌ ԵԲՐԱՅԵՑԻՍ ԹՈՒՂԹ 13:13

Արդ եկայք ելցուք առ նա արտաքոյ բանակին՝ առեալ յանձն զնախատինս նորա։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 4:4

Շնացողք, ո՞չ գիտէք զի սէր աշխարհիս թշնամութիւն է առ Աստուած. զի որ ոք կամիցի սիրել զաշխարհ, թշնամի առնէ զանձն Աստուծոյ։

ՅՈՎՀԱՆՆՈՒ ԱՌԱՋԻՆ՝՝ 2:23

Ամենայն որ ուրանայ զՈրդի՝ եւ ոչ զՀայր ընդունի. իսկ որ խոստովանի զՈրդի՝ նա եւ զՀայր ընդունի։՝՝

ՅՈՎՀԱՆՆՈՒ ԱՌԱՋԻՆ՝՝ 2:28

Եւ այժմ, որդեակք, կացէք ի նմին, զի եթէ յայտնեսցի, ունիցիմք համարձակութիւն, եւ մի՛ ամաչեսցուք ի նմանէ ի գալստեան նորա։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 14:10

այնպիսին արբցէ ի բաժակէ ցասմանն Աստուծոյ, արկելոյ յանապակէ բարկութեան բաժակին, եւ տանջեսցի հրով եւ ծծմբով առաջի Աստուծոյ եւ Գառինն։