ԱՒԵՏԱՐԱՆ ԸՍՏ ՄԱՐԿՈՍԻ 2:26 - Գրաբար Աստվածաշունչ (1895)

²⁶ Զիա՞րդ եմուտ ի տունն Աստուծոյ առ Աբիաթարաւ քահանայապետիւ, եւ զհացսն զառաջաւորութեան եկեր, եւ ետ եւ այնոցիկ որ ընդ նմայն էին, զոր ոչ էր օրէն ուտել, բայց միայն քահանայիցն։

ԱՒԵՏԱՐԱՆ ԸՍՏ ՄԱՐԿՈՍԻ 2:26 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:24

Եւ ահա Սադովկ եւ ամենայն Ղեւտացիք ընդ նմա, բարձին զտապանակ ուխտին Տեառն ի Բեթարայ՝՝, եւ կացուցին զտապանակն Աստուծոյ. եւ ել ի Բեթարայ մինչեւ կատարեաց ամենայն ժողովուրդն անցանել ի քաղաքէ անտի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:29

Եւ դարձուցին Սադովկ եւ Աբիաթար զտապանակն յԵրուսաղէմ, եւ նստաւ՝՝ անդ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:35

Եւ ահա ընդ քեզ Սադովկ եւ Աբիաթար քահանայք. եւ եղիցի բան զոր լսիցես ի տանէ արքայի՝ պատմեսջիր Սադովկայ եւ Աբիաթարու քահանայից։

ԹԱԳԱՒՈՐՈՒԹԵԱՆՑ ԵՐԿՐՈՐԴ 20:25

եւ Սուդաէ՝ դպրապետ. եւ Սադովկ եւ Աբիաթար՝ քահանայք.

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:17

եւ Սադովկ որդի Աքիտովբայ եւ Աքիմելէք որդի Աբիաթարայ՝ քահանայք. եւ Ասա՝ դպրապետ.

ԹԱԳԱՒՈՐՈՒԹԵԱՆՑ ԵՐՐՈՐԴ 1:7

Եւ եղեն բանք նորա ընդ Յովաբայ որդւոյ Շարուհեայ եւ ընդ Աբիաթարայ քահանայի. եւ օգնէին Ադոնիայ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:22

Պատասխանի ետ արքայ Սողոմոն եւ ասէ ցմայր իւր. Եւ ընդէ՞ր խնդրիցես զԱբիսակ Սոմնացի Ադոնիայ, այլ խնդրեա նմա զթագաւորութիւնս. զի նա երէց եղբայր է քան զիս, եւ նորա Աբիաթար քահանայ եւ Յովաբ որդի Շարուհեայ սպարապետ եւ բարեկամ՝՝։

ԹԱԳԱՒՈՐՈՒԹԵԱՆՑ ԵՐՐՈՐԴ 4:4

եւ Բանեա որդի Յովիդայեայ՝ ի վերայ զօրաց, եւ Սադովկ եւ Աբիաթար՝ քահանայք,

ՄՆԱՑՈՐԴԱՑ ԱՌԱՋԻՆ 24:6

Եւ գրեաց զնոսա Սամէաս որդի Նաթանայելի, դպիր Ղեւտացւոցն յանդիման արքայի եւ իշխանացն, եւ Սադովկայ քահանայի եւ Աքիմելեքայ որդւոյ Աբիաթարայ եւ իշխանք տոհմից քահանայիցն եւ Ղեւտացւոցն ի տանէ ազգին իւրեանց, մի մի առ որդիսն Եղիազարու, եւ մի մի առ որդիսն Իթամարայ՝՝։

Մատթեոսի Աւետարան 12:4

Զիա՛րդ եմուտ ի տունն Աստուծոյ եւ եկեր զհաց զառաջաւորութեանն, զոր ոչ էր օրէն նմա ուտել, եւ ոչ՝ որոց ընդ նմայն էին, բայց միայն քահանայից։

ԱՒԵՏԱՐԱՆ ԸՍՏ ՄԱՐԿՈՍԻ 2:25

Եւ ասէ ցնոսա Յիսուս. Ո՞չ երբեք իցէ ընթերցեալ ձեր զոր արարն Դաւիթ, յորժամ պիտոյն եղեւ, եւ քաղցեաւ նա եւ որ ընդ նմայն էին։

ԹԱԳԱՒՈՐՈՒԹԵԱՆՑ ԱՌԱՋԻՆ 21:1

Եւ եկն Դաւիթ ի Նոմբա՝ առ Աքիմելէք քահանայ. եւ զարհուրեցաւ Աքիմելէք ի պատահել նորա, եւ ասէ ցնա. Զի՞ է զի դու միայն ես՝ եւ ոչ ոք է ընդ քեզ։

ԹԱԳԱՒՈՐՈՒԹԵԱՆՑ ԱՌԱՋԻՆ 23:6

Եւ եղեւ ի փախչելն Աբիաթարայ որդւոյ Աքիմելեքայ առ Դաւիթ եւ ինքն ընդ Դաւթի էջ՝՝ ի Կեիլա. եւ ունէր զեփուդն ի ձեռին իւրում։

ԹԱԳԱՒՈՐՈՒԹԵԱՆՑ ԱՌԱՋԻՆ 23:9

Եւ գիտաց Դաւիթ զՍաւուղայ եթէ ոչ դադարէ ի չարութենէ՝՝. եւ ասէ Դաւիթ ցԱբիաթար քահանայ. Մատո՛ զեփուդդ Տեառն։