Մատթեոսի Աւետարան 28:19 - Գրաբար Աստվածաշունչ (1895)

¹⁹ Գնացէք այսուհետեւ, աշակերտեցէք զամենայն հեթանոսս, մկրտեցէք զնոսա յանուն Հօր եւ Որդւոյ եւ Հոգւոյն Սրբոյ։

Մատթեոսի Աւետարան 28:19 ပူးပေါင်းရင်းမြစ်များ

ԾՆՈՒՆԴՔ 1:26

Եւ ասաց Աստուած. Արասցուք մարդ ըստ պատկերի մերում եւ ըստ նմանութեան, եւ իշխեսցեն ձկանց ծովու եւ թռչնոց երկնից եւ անասնոց եւ ամենայն երկրի եւ ամենայն սողնոց որ սողին ի վերայ երկրի։

ՄԱՐԳԱՐԷՈՒԹԻՒՆ ԵՍԱՅԵԱՅ 48:16

Մատերուք առ իս, եւ լուարուք զայս. ոչ ի սկզբանէ ի ծածուկ ինչ խօսեցայ, եւ ոչ ի տեղւոջ խաւարին երկրի.՝՝ յորժամ լինէրն իսկ՝ ես անդ էի. եւ արդ Տէր Տէր առաքեաց զիս եւ Հոգի նորա։

ՄԱՐԳԱՐԷՈՒԹԻՒՆ ԵՍԱՅԵԱՅ 49:6

Եւ ասէ ցիս. Մեծ է քեզ այդ, կոչել զքեզ ծառայ իմ՝՝, հաստատել զազգսն Յակոբայ, եւ զցրուեալսն Իսրայելի դարձուցանել. ահաւասիկ եդի զքեզ յուխտ ազգի եւ՝՝ ի լոյս հեթանոսաց, լինել փրկութիւն մինչեւ ի ծագս երկրի։

ՄԱՐԳԱՐԷՈՒԹԻՒՆ ԵՍԱՅԵԱՅ 52:10

Եւ յայտնի արասցէ՝՝ Տէր զբազուկ իւր սուրբ առաջի ամենայն ազգաց, եւ տեսցեն ամենայն ծագք երկրի զփրկութիւն Աստուծոյ մերոյ։

Մատթեոսի Աւետարան 13:52

Եւ նա ասէ ցնոսա. Վասն այսորիկ ամենայն դպիր աշակերտեալ արքայութեան երկնից նման է առն տանուտեառն, որ հանէ ի գանձէ իւրմէ զնոր եւ զհին։

Մատթեոսի Աւետարան 25:32

Եւ ժողովեսցին առաջի նորա ամենայն ազգք, եւ մեկնեսցէ զնոսա ի միմեանց, որպէս հովիւ զի մեկնէ զօդիս յայծեաց.

ԳՈՐԾՔ ԱՌԱՔԵԼՈՑ 1:2

մինչեւ յօրն պատուիրելոյ առաքելոցն ի ձեռն Հոգւոյն Սրբոյ՝ զորս ընտրեացն, եւ վերացաւ.

ԳՈՐԾՔ ԱՌԱՔԵԼՈՑ 1:8

այլ առջիք զօրութիւն ի հասանել Հոգւոյն Սրբոյ ի վերայ ձեր. եւ եղիջիք ինձ վկայք յԵրուսաղէմ եւ յամենայն Հրէաստանի եւ ի Սամարիա եւ մինչեւ ի ծագս երկրի։

ԳՈՐԾՔ ԱՌԱՔԵԼՈՑ 14:21

հաստատել զանձինս աշակերտելոցն եւ մխիթարել կալ հաստատուն ի հաւատսն. եւ թէ՝ Բազում նեղութեամբք պարտ է մեզ մտանել յարքայութիւնն Աստուծոյ։

ԳՈՐԾՔ ԱՌԱՔԵԼՈՑ 2:41

Ոմանք յօժարութեամբ ընկալեալ զբան նորա մկրտեցան, եւ յաւելան յաւուր յայնմիկ ոգիք իբրեւ երեք հազարք։

ԳՈՐԾՔ ԱՌԱՔԵԼՈՑ 28:28

Եւ արդ յայտնի լիցի ձեզ, զի հեթանոսաց առաքեցաւ փրկութիւնս Աստուծոյ, նոքին եւ լուիցեն։

ԳՈՐԾՔ ԱՌԱՔԵԼՈՑ 9:18

Եւ վաղվաղակի անկան յաչաց նորա իբրեւ կեղեւանք. ետես եւ յարեաւ մկրտեցաւ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 10:18

Այլ ասեմ. Միթէ ո՞չ լուան. մանաւանդ զի՝ Ընդ ամենայն երկիր ել բարբառ նոցա, եւ ընդ ծագս տիեզերաց՝ խօսք նոցա։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 15:29

Ապա թէ ոչ՝ զի՞նչ գործիցեն որ մկրտիցինն վասն մեռելոց, եթէ արդարեւ մեռեալք ոչ յառնիցեն. ընդէ՞ր իսկ բնաւ մկրտին վասն նոցա.

ԱՌ ԳԱՂԱՏԱՑԻՍ ԹՈՒՂԹ 3:27

Որք միանգամ ի Քրիստոս մկրտեցարուք, զՔրիստոս զգեցեալ էք. չիք խտիր,

ԱՌ ԵՓԵՍԱՑԻՍ ԹՈՒՂԹ 2:18

զի նովաւ ունիմք զնուաճութիւն երկոքին միով Հոգւով առ Հայր.

ԱՌ ԿՈՂՈՍԱՑԻՍ ԹՈՒՂԹ 1:23

եթէ կայցէք ի հաւատսն արմատացեալք եւ հաստատեալք, եւ անշարժք ի յուսոյ աւետարանին զոր լուարուք, քարոզելոյ ընդ ամենայն արարածս ի ներքոյ երկնից, որոյ եղէ ես Պաւղոս պաշտօնեայ։

ՊԵՏՐՈՍԻ ԱՌԱՋԻՆ՝՝ 3:21

որ եւ զձեզ ըստ նմին օրինակի կեցուսցէ մկրտութիւնն, (ոչ զմարմնոյ աղտն ի բաց ընկենուլ, այլ զբարւոք մտաց հանդէս առ Աստուած,) ի ձեռն յարութեան Յիսուսի Քրիստոսի.

ՅՈՎՀԱՆՆՈՒ ԱՌԱՋԻՆ՝՝ 5:7

եւ Հոգին է որ վկայէ, զի Հոգին իսկ է ճշմարտութիւն։