Մատթեոսի Աւետարան 23:16 - Գրաբար Աստվածաշունչ (1895)

¹⁶ Վա՜յ ձեզ, առաջնորդք կոյրք, զի ասէք. Որ երդնու ի տաճարն՝ չէ ինչ, բայց որ երդնու յոսկին որ ի տաճարին է՝ արժան է։

Մատթեոսի Աւետարան 23:16 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՍԱՅԵԱՅ 9:16

Եւ եղիցի որ երանիցեն ժողովրդեանս այսմիկ՝ մոլորեալք եւ մոլորեցուցանիցեն. որպէս զի կլանիցեն զդոսա՝՝։

Մատթեոսի Աւետարան 15:14

Թոյլ տուք զնոսա. կոյրք են կուրաց առաջնորդք՝՝. կոյր կուրի յորժամ առաջնորդէ, սխալէ եւ՝՝ երկոքին ի խորխորատ անկանին։

Մատթեոսի Աւետարան 23:13

Վա՜յ ձեզ դպրաց եւ փարիսեցւոց կեղծաւորաց, զի փակէք զարքայութիւն երկնից առաջի մարդկան. դուք ոչ մտանէք, եւ որոց մտանենն՝ չտայք թոյլ մտանել։

Մատթեոսի Աւետարան 23:17

Մորոսք եւ կոյրք, զի՞նչ մեծ է, ոսկի՞ն՝ եթէ տաճարն որ սրբէ զոսկին։

Մատթեոսի Աւետարան 23:19

Յիմարք եւ կոյրք, զի՞նչ մեծ է, պատարա՞գն՝ եթէ սեղանն որ սրբէ զպատարագն։

Մատթեոսի Աւետարան 23:24

Առաջնորդք կոյրք, որ զմժղուկս քամէք եւ զուղտս կլանէք։

Մատթեոսի Աւետարան 23:26

Փարիսեցի կոյր, սրբեա նախ զներքին բաժակին եւ զսկաւառակին, զի լինիցի եւ արտաքինն նոցա սուրբ։

ԱՌ ԳԱՂԱՏԱՑԻՍ ԹՈՒՂԹ 5:3

Վկայեմ ամենայն մարդոյ որ թլփատիցի, թէ պարտական է զամենայն օրէնսն կատարել։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 5:12

Յառաջ քան զամենայն ինչ, եղբարք իմ, մի՛ երդնուցուք, մի՛ յերկինս, մի՛ յերկիր, մի՛ յայլ ինչ երդումն, այլ եղիցի ձեր այոն՝ այո, եւ ոչն՝ ոչ, զի մի՛ ի կեղծաւորութիւն ինչ՝՝ անկանիցիք։