Մատթեոսի Աւետարան 20:20 - Գրաբար Աստվածաշունչ (1895)

²⁰ Յայնժամ մատեաւ առ նա մայր որդւոցն Զեբեդեայ որդւովք իւրովք հանդերձ, երկիր պագանէր եւ խնդրէր ինչ ի նմանէ։

Մատթեոսի Աւետարան 20:20 ပူးပေါင်းရင်းမြစ်များ

Մատթեոսի Աւետարան 10:2

Եւ առաքելոցն երկոտասանից էին անուանք այսոքիկ. առաջին Սիմովն, անուանեալն Պետրոս, եւ Անդրէաս եղբայր նորա,

Մատթեոսի Աւետարան 14:33

Եւ որ ի նաւին էին՝ մատեան, երկիր պագին նմա եւ ասեն. Արդարեւ Որդի Աստուծոյ ես դու։

Մատթեոսի Աւետարան 15:25

Եւ նա մատուցեալ երկիր պագանէր նմա եւ ասէր. Տէր, օգնեա ինձ։

Մատթեոսի Աւետարան 2:11

Եւ իբրեւ մտին ի տունն, տեսին զմանուկն հանդերձ Մարեմաւ մարբն իւրով, եւ անկեալ երկիր պագանէին նմա. եւ բացեալ զգանձս իւրեանց մատուցին նմա պատարագս՝ ոսկի եւ կնդրուկ եւ զմուռս։

Մատթեոսի Աւետարան 27:56

յորս էր Մարիամ Մագդաղենացի, եւ Մարիամ՝ Յակովբայ եւ Յովսեայ մայր, եւ մայր որդւոցն Զեբեդեայ։

Մատթեոսի Աւետարան 28:17

Իբրեւ տեսին զնա, երկիր պագին նմա, եւ ոմանք յերկուացան։

Մատթեոսի Աւետարան 4:21

Եւ մատուցեալ անտի յառաջ՝ ետես այլ երկուս եղբարս, զՅակովբոս Զեբեդեայ եւ զՅովհաննէս զեղբայր նորա, ի նաւի Զեբեդեաւ հանդերձ հարբն իւրեանց, մինչ կազմէին զուռկանս իւրեանց, եւ կոչեաց զնոսա։

Մատթեոսի Աւետարան 8:2

Եւ ահա մատուցեալ բորոտ մի երկիր պագանէր նմա եւ ասէր. Տէր, եթէ կամիս, կարող ես զիս սրբել։

ԱՒԵՏԱՐԱՆ ԸՍՏ ՄԱՐԿՈՍԻ 15:40

Էին եւ կանայք որ հայէին ի հեռաստանէ, յորս էր Մարիամ Մագդաղենացի եւ Մարիամ Յակովբու փոքրկան եւ Յովսեայ մայրն եւ Սողովմէ.