Մատթեոսի Աւետարան 2:15 - Գրաբար Աստվածաշունչ (1895)

¹⁵ զի լցցի ասացեալն ի Տեառնէ ի ձեռն մարգարէին որ ասէ. ՅԵգիպտոսէ կոչեցից զորդի իմ։

Մատթեոսի Աւետարան 2:15 ပူးပေါင်းရင်းမြစ်များ

ԵԼՔ 4:22

Եւ դու ասասցես ցփարաւոն. Այսպէս ասէ Տէր. Որդի անդրանիկ իմ Իսրայէլ։

ՄԱՐԳԱՐԷՈՒԹԻՒՆ ՈՎՍԵԱՅ 11:1

Քանզի տղայ էր Իսրայէլ, եւ ես սիրեցի զնա, եւ յԵգիպտոսէ կոչեցի զորդի իմ։

ԹԻՒՔ 24:8

Աստուած առաջնորդեաց նմա յԵգիպտոսէ, իբրեւ փառք միեղջիւրու ի վերայ նորա. կերիցէ զազգս թշնամեաց իւրոց, եւ զպարարտութիւն նոցա ուղղածուծ արասցէ՝՝. եւ նետիւք իւրովք նետաձիգ լիցի ի թշնամիս։

Մատթեոսի Աւետարան 1:22

Այլ այս ամենայն եղեւ զի լցցի որ ասացաւն ի Տեառնէ ի ձեռն Եսայեայ մարգարէի՝՝.

Մատթեոսի Աւետարան 2:14

Եւ նա յարուցեալ առ զմանուկն եւ զմայր իւր գիշերի, եւ գնաց յԵգիպտոս, եւ անդ էր մինչեւ ցվախճան Հերովդի.

Մատթեոսի Աւետարան 2:17

Յայնժամ կատարեցաւ ասացեալն ի ձեռն Երեմիայ մարգարէի որ ասէ.

Մատթեոսի Աւետարան 2:19

Եւ ի վախճանելն Հերովդի՝ ահա հրեշտակ Տեառն ի տեսլեան երեւէր Յովսեփայ յԵգիպտոս,

Մատթեոսի Աւետարան 2:23

Եւ եկեալ բնակեցաւ ի քաղաքին որ կոչէր Նազարէթ, զի լցցի բան մարգարէիցն թէ Նազովրեցի կոչեսցի։

Մատթեոսի Աւետարան 21:4

Բայց այս ամենայն եղեւ զի լցցի բան մարգարէին որ ասէ.

Մատթեոսի Աւետարան 26:54

Այլ զիա՞րդ լնուցուն գիրք թէ այսպէս պարտ է լինել։

Մատթեոսի Աւետարան 26:56

Այլ այս ամենայն եղեւ զի լցցին գիրք մարգարէիցն։ Յայնժամ աշակերտքն ամենեքին թողին զնա եւ փախեան։

Մատթեոսի Աւետարան 27:35

Եւ հանեալ զնա ի խաչ՝ բաժանեցին զհանդերձս նորա վիճակաւ. զի լցցի բանն որ ասացաւ ի մարգարէէն. Բաժանեցին զհանդերձս իմ յիւրեանս, ի վերայ պատմուճանի իմոյ վիճակս արկանէին՝՝։

Մատթեոսի Աւետարան 8:17

զի լցցի բանն որ ասացաւ ի ձեռն Եսայեայ մարգարէի. Նա զհիւանդութիւնս մեր վերացոյց եւ զցաւս մեր եբարձ։

ԱՒԵՏԱՐԱՆ ԸՍՏ ՂՈՒԿԱՍՈՒ 24:44

Եւ ասէ ցնոսա. Այս բանք են զոր խօսեցայ ընդ ձեզ, մինչ առ ձեզն էի թէ՝ Պարտ է լնուլ ամենայն գրելոցն յօրէնսն Մովսիսի եւ ի մարգարէս եւ ի սաղմոսս վասն իմ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 19:28

Յետ այսորիկ իբրեւ գիտաց Յիսուս եթէ ահա ամենայն ինչ կատարեալ է, (զի կատարեսցի գիրն,) ասէ. Ծարաւի եմ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 19:36

Այս եղեւ զի լցցի գիրն եթէ՝ Ոսկր նորա մի՛ փշրեսցի։

ԳՈՐԾՔ ԱՌԱՔԵԼՈՑ 1:16

Արք եղբարք, պարտ էր կատարել գրոյն, զոր յառաջագոյն ասաց Հոգին Սուրբ ի բերանոյ Դաւթի վասն Յուդայի, որ եղեւ առաջնորդ ունելեացն Յիսուսի.