ԱՒԵՏԱՐԱՆ ԸՍՏ ՂՈՒԿԱՍՈՒ 1:65 - Գրաբար Աստվածաշունչ (1895)

⁶⁵ Եւ եղեւ ահ ի վերայ ամենեցուն որ լսէին զայս եւ որ շուրջ բնակեալն էին զնոքօք. եւ ընդ ամենայն լեռնակողմնն Հրէաստանի պատմէին ամենայն բանքս այսոքիկ։

ԱՒԵՏԱՐԱՆ ԸՍՏ ՂՈՒԿԱՍՈՒ 1:65 ပူးပေါင်းရင်းမြစ်များ

Մատթեոսի Աւետարան 2:1

Եւ ի ծնանելն Յիսուսի ի Բեթղեհեմ Հրէաստանի յաւուրս Հերովդի արքայի, ահա մոգք յարեւելից եկին յԵրուսաղէմ,

ԱՒԵՏԱՐԱՆ ԸՍՏ ՂՈՒԿԱՍՈՒ 1:39

Յարուցեալ Մարիամ յաւուրսն յայնոսիկ՝ գնաց ի լեռնակողմն փութապէս ի քաղաքն Յուդայ.

ԱՒԵՏԱՐԱՆ ԸՍՏ ՂՈՒԿԱՍՈՒ 2:18

եւ ամենեքին որ լսէին՝ զարմանային վասն բանիցն զոր խօսեցան ընդ նոսա հովիւքն։

ԱՒԵՏԱՐԱՆ ԸՍՏ ՂՈՒԿԱՍՈՒ 5:26

Զարմանք կալան զամենեսին, եւ փառաւոր առնէին զԱստուած. լի եղեն ահիւ, եւ ասեն եթէ՝ Տեսաք այսօր նոր նշան։

ԱՒԵՏԱՐԱՆ ԸՍՏ ՂՈՒԿԱՍՈՒ 7:16

Եւ ահ կալաւ զամենեսին, եւ փառաւոր առնէին զԱստուած եւ ասէին թէ՝ Մարգարէ ոմն մեծ յարուցեալ է ի միջի մերում, եւ թէ՝ Այց արար Աստուած ժողովրդեան իւրում ի բարութիւն։

ԳՈՐԾՔ ԱՌԱՔԵԼՈՑ 19:17

Եւ այս յայտնի եղեւ ամենայն Հրէից եւ հեթանոսաց որ բնակեալ էին յԵփեսոս. եւ անկաւ երկեւղ յամենեսեան ի նոսա, եւ մեծանայր անուն Տեառն Յիսուսի։

ԳՈՐԾՔ ԱՌԱՔԵԼՈՑ 2:43

Եւ լինէր ամենայն անձին ահ եւ երկեւղ, եւ բազում նշանք եւ արուեստք ի ձեռս առաքելոցն գործէին։

ԳՈՐԾՔ ԱՌԱՔԵԼՈՑ 5:11

Եւ եղեւ երկեւղ մեծ ի վերայ ամենայն եկեղեցւոյն, եւ ի վերայ ամենեցուն որ լուանն զայն։

ԳՈՐԾՔ ԱՌԱՔԵԼՈՑ 5:5

Եւ լուեալ Անանիա զբանս զայսոսիկ՝ անկաւ եւ եհան զոգի. եւ եղեւ ահ մեծ ի վերայ ամենեցուն որ լուանն զայն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:40

Եւ եհար Յեսու զամենայն երկիրն լեռնական եւ զՆագեբ եւ զդաշտականսն, եւ զԱսեթովթ եւ զամենայն թագաւորս նորա, եւ ոչ եթող ի նմանէ ապրեալ, եւ զամենայն շնչաւոր սատակեցին ի նմանէ, զոր օրինակ պատուիրեաց Տէր Աստուած Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:6

Եւ առաքեցին բնակիչք Գաբաւոնի առ Յեսու ի բանակն Իսրայելի ի Գաղգաղա՝ եւ ասեն. Մի՛ թողացուսցես զձեռն քո ի ծառայից քոց, ել առ մեզ վաղվաղակի եւ ապրեցո զմեզ, եւ օգնեա մեզ. զի ժողովեալ են ի վերայ մեր ամենայն թագաւորք Ամովրհացւոց որ բնակեալ են ի լեռնակողմանն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 11:11

Եւ յետ երից աւուրց եւ կիսոյ հոգի կենդանի յԱստուծոյ մտցէ ի նոսա. եւ յարիցեն կացցեն՝՝ ի վերայ ոտից իւրեանց, եւ ահ եւ երկեւղ մեծ անկաւ ի վերայ ամենեցուն որ տեսինն զնոսա։