ՂԵՒՏԱԿԱՆ 27:26 - Գրաբար Աստվածաշունչ (1895)

²⁶ Եւ ամենայն անդրանիկ որ ծնանիցի ի խաշանց քոց՝ Տեառն լիցի, եւ մի՛ ոք սրբեսցէ զայն, եթէ արջառ իցէ, եւ եթէ ոչխար՝ Տեառն լիցի։

ՂԵՒՏԱԿԱՆ 27:26 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 7:5

Եւ յարեան ընդ արշալուրշսն մտանել ի բանակն Ասորւոց, եւ եկին ի մասն ինչ՝՝ բանակին Ասորւոց, եւ ահա ոչ գոյր անդ մարդ.

ԳԻՐՔ ՆԷԵՄԵԱՅ 10:36

Եւ զդիդրաքմայս անդրանկաց՝՝ որդւոց մերոց, եւ զանդրանիկս անասնոց մերոց՝ որպէս եւ գրեալ է յօրէնսն Մովսիսի՝ եւ զանդրանիկս առջառոց մերոց եւ հօտից բերցուք ի տուն Աստուծոյ մերոյ, քահանայից մերոց Ղեւտացւոց որք կան ի սպասու տան Տեառն.

ԵԼՔ 13:2

Սրբեա դու ինձ զամենայն անդրանիկ նախծին որ բանայ զամենայն արգանդ ի մէջ որդւոցդ Իսրայելի, ի մարդոյ մինչեւ յանասուն, քանզի իմ է։

ԵԼՔ 22:30

Նոյնպէս արասցես զարջառ քո եւ զոչխար քո եւ զէշ քո՝՝. զեւթն օր եղիցի ընդ մարբ իւրով, եւ յաւուրն ութերորդի տացես զնա ինձ։

ՂԵՒՏԱԿԱՆ 27:27

Եւ եթէ ի չորքոտանեաց անսրբոց փրկիցէ ըստ գնոց իւրոց, զհինգերորդ մասն ի նոյն յաւելցէ, եւ նորին լիցի. ապա թէ ոչ փրկեսցի, վաճառեսցի ըստ գնոց իւրոց։

ԹԻՒՔ 18:17

Բայց զանդրանիկս արջառոց եւ զանդրանիկս օդեաց եւ զանդրանիկս այծեաց ոչ փրկեսցես, զի սուրբ են. եւ զարիւն նոցա հեղցես առ սեղանովն, եւ զճարպն հանցես ընծայ ի հոտ անուշից Տեառն.

ԹԻՒՔ 3:13

Զի իմ է ամենայն անդրանիկ. յաւուր յորում հարի զամենայն անդրանիկ յերկրին Եգիպտացւոց, սրբեցի ինձ զամենայն անդրանիկս Իսրայելի ի մարդոյ մինչեւ յանասուն. իմ լիցին. զի ես եմ Տէր։

ԵՐԿՐՈՐԴՈՒՄՆ ՕՐԻՆԱՑ 15:19

Զամենայն անդրանիկս որ ծնանիցին յանդեայս քո եւ ի հօտս քո, զարուսն ի նոցանէ սրբեսցես Տեառն Աստուծոյ քում. ոչ գործեսցես անդրանկաւ եզին քո, եւ մի՛ կտրեսցես զանդրանիկս հօտից քոց։