ՂԵՒՏԱԿԱՆ 26:7 - Գրաբար Աստվածաշունչ (1895)

⁷ Եւ հալածեսջիք զթշնամիս ձեր, եւ անկանիցին առաջի ձեր սպանմամբ։

ՂԵՒՏԱԿԱՆ 26:7 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 19:15

Եւ որդիքն Ամոնայ տեսին թէ փախեան Ասորիքն, փախեան եւ նոքա յերեսաց Յովաբայ եւ յերեսաց՝՝ Աբեսսեայ եղբօր նորա, եւ մտին ի քաղաքն։ Եւ եկն Յովաբ յԵրուսաղէմ։

ՂԵՒՏԱԿԱՆ 26:36

Եւ ի վերայ մնացելոցն ի ձէնջ ածից դողումն ի սիրտս նոցա յերկրի թշնամեացն իւրեանց. եւ հալածեսցէ զնոսա ձայն տերեւոյ խարխափելոյ, եւ փախիցեն որպէս որ փախչիցին ի պատերազմէ, եւ անկանիցին առանց ուրուք հալածելոյ։

ՂԵՒՏԱԿԱՆ 26:6

Եւ տաց խաղաղութիւն յերկրին ձերում, եւ ննջիցէք, եւ ոչ ոք իցէ որ զարհուրեցուցանիցէ զձեզ. եւ կորուսից զգազանս չարս յերկրէ ձերմէ. եւ պատերազմ մի՛ անցցէ յերկրի ձեր։

ՂԵՒՏԱԿԱՆ 26:8

Եւ հալածիցեն ի ձէնջ հինգք զհարեւր, եւ հարեւրք ի ձէնջ հալածեսցեն զբեւրս, եւ անկանիցին թշնամիք ձեր առաջի ձեր սրով։

ԵՐԿՐՈՐԴՈՒՄՆ ՕՐԻՆԱՑ 28:7

մատնեսցէ Տէր Աստուած քո զթշնամիս քո եւ զհակառակորդս՝՝ քո խորտակեալս առաջի երեսաց քոց. ընդ մի ճանապարհ ելցեն առ քեզ, եւ ընդ եւթն ճանապարհ փախիցեն յերեսաց քոց։

ԵՐԿՐՈՐԴՈՒՄՆ ՕՐԻՆԱՑ 32:30

Զիա՞րդ հալածեսցէ մի զհազարս, եւ երկուք շարժեսցեն զբեւրս, եթէ ոչ Աստուած վաճառեաց զնոսա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:10

Մի այր ի ձէնջ հալածեաց զհազարս, զի Տէր Աստուած ձեր ինքնին տայր պատերազմ ընդ ձեր, որպէս խօսեցաւ ընդ ձեզ։

ԴԱՏԱՒՈՐՔ 15:15

Եւ եգիտ ծնօտ մի իշոյ ընկեցեալ, ձգեաց զձեռն իւր եւ ա՛ռ զնա, եւ եհար նովաւ հազար այր։

ԴԱՏԱՒՈՐՔ 4:16

Եւ Բարակ զհետ մտեալ երթայր զկնի կառացն, եւ զհետ բանակին մինչեւ յանտառն ազգաց. եւ անկաւ ամենայն բանակն Սիսարայ սրով սուսերի, եւ ոչ մնաց եւ ոչ մի։

ԴԱՏԱՒՈՐՔ 7:23

Եւ գոչեաց այր Իսրայելացի ի Նեփթաղիմայ եւ յԱսերայ եւ յամենայն Մանասէէ, եւ զհետ մտին Մադիամու։

ԹԱԳԱՒՈՐՈՒԹԵԱՆՑ ԱՌԱՋԻՆ 14:13

Եւ ել Յովնաթան յափսիթերս, եւ կապարճակիրն նորա ընդ նմա. եւ հայեցան ընդդէմ՝՝ Յովնաթանու, եւ եհար զնոսա. եւ կապարճակիրն տայր ստէպ՝՝ զհետ նորա։