ՂԵՒՏԱԿԱՆ 25:9 - Գրաբար Աստվածաշունչ (1895)

⁹ Եւ ազդ առնիցէք բարբառով փողոյ յամենայն երկրին ձերում՝՝, յամսեանն եւթներորդի որ օր տասն իցէ ամսոյն, յաւուրն քաւութեան ազդ արասջիք փողով ընդ ամենայն երկիրն ձեր։

ՂԵՒՏԱԿԱՆ 25:9 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 89:15

Ուրախ եղաք փոխանակ աւուրցն որ խոնարհ արարեր զմեզ, եւ ամացն՝ յորս տեսաք զչարչարանս։

ԳԻՐՔ ՍԱՂՄՈՍԱՑ 89:16

Հայեաց, Տէր, ի ծառայս քո եւ ի գործս ձեռաց քոց, եւ առաջնորդեա որդւոց՝՝ նոցա։

ՄԱՐԳԱՐԷՈՒԹԻՒՆ ԵՍԱՅԵԱՅ 27:13

Եւ եղիցի յաւուր յայնմիկ հարցեն փող աւագափող. եւ եկեսցեն ցրուեալքն յերկրին Ասորեստանեայց, եւ կորուսեալք յերկրին Եգիպտացւոց, եւ երկիր պագցեն Տեառն ի վերայ լերին սրբոյ յԵրուսաղէմ։

ՂԵՒՏԱԿԱՆ 16:20

Եւ վախճանեսցէ առ ի քաւելոյ զսրբութիւնն, եւ զխորանն վկայութեան եւ զսեղանն, եւ վասն քահանայիցն սրբեսցէ,՝՝ եւ մատուսցէ զնոխազն կենդանի.

ՂԵՒՏԱԿԱՆ 16:29

Եւ եղիցի ձեզ այն օրէն յաւիտենական, յամսեանն եւթներորդի ի տասն ամսոյն, լլկեսջիք զանձինս ձեր, եւ զամենայն գործ մի՛ գործիցէք. բնակն եւ պանդուխտն որ յեցեալ իցէ ի ձեզ։

ՂԵՒՏԱԿԱՆ 16:30

Զի յաւուրն յայնմիկ լինիցի քաւութիւն վասն ձեր՝ առ ի սրբելոյ զձեզ յամենայն մեղաց ձերոց առաջի Տեառն. եւ սրբեսջիք։

ՂԵՒՏԱԿԱՆ 23:24

Խօսեաց ընդ որդիսն Իսրայելի եւ ասասցես. Յամսեանն եւթներորդի որ օր մի իցէ ամսոյն, եղիցի ձեզ հանգիստ, յիշատակ փողոց, կոչեցեալ սուրբ Տեառն՝՝։

ՂԵՒՏԱԿԱՆ 23:27

Ի տասներորդում աւուր ամսոյն եւթներորդի, որ օրն քաւութեան է, կոչեցեալ սուրբ եղիցի ձեզ. եւ խոնարհեցուսջիք զանձինս ձեր յիններորդ օրէն յերեկորեայ՝՝, եւ մատուսջիք ողջակէզս Տեառն։

ՂԵՒՏԱԿԱՆ 25:8

Եւ թուեսցես դու քեզ եւթն հանգիստ ամաց՝ եւթն ամ եւթնեկին, եւ եղիցին եւթն եւթներորդքն ամաց՝ քառասուն եւ ինն ամ։

ՂԵՒՏԱԿԱՆ 27:17

Եւ եթէ յամէ թողութեանն սրբեսցէ զանդն իւր, ըստ գնոցն որչափ ինչ իցեն, կացցէ։

ՂԵՒՏԱԿԱՆ 27:24

Եւ յամին թողութեան դարձցի անդն անդրէն առ այրն յորմէ ստացեալ իցէ, որոյ իւր իսկ էր կալուած երկրին։

ԹԻՒՔ 10:10

Եւ յաւուրս ուրախութեան ձերոյ եւ յամսագլուխս ձեր հարկանիցէք փող եւ ի վերայ ողջակիզացն եւ ի վերայ զոհիցն փրկութեանց ձերոց. եւ եղիցի ձեզ յիշատակ առաջի Աստուծոյ ձերոյ. ես եմ Տէր՝ Աստուած ձեր։

ԹԻՒՔ 36:4

եւ եթէ լինիցի թողութիւն որդւոցն Իսրայելի, յաւելուցու ժառանգութիւն նոցա ի ժառանգութիւն ցեղին որոց լինիցինն կանայք, եւ ի ժառանգութենէ ցեղի ազգիս մերոյ բառնայցի ժառանգութիւն նոցա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 10:18

Այլ ասեմ. Միթէ ո՞չ լուան. մանաւանդ զի՝ Ընդ ամենայն երկիր ել բարբառ նոցա, եւ ընդ ծագս տիեզերաց՝ խօսք նոցա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 15:19

զօրութեամբ նշանաց եւ արուեստից, զօրութեամբ Հոգւոյն Սրբոյ, որպէս ինձ յԵրուսաղեմէ եւ շուրջ մինչեւ ի կողմանս Լիւրիկացւոց լնուլ զաւետարանն Քրիստոսի։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 1:8

Զի ի ձէնջ հնչեաց բանն Աստուծոյ, ոչ միայն ի Մակեդոնիա եւ յԱքայիա, այլ յամենայն տեղիս հաւատքն ձեր որ առ Աստուած են՝ սփռեցան, զի այսուհետեւ ոչինչ է պիտոյ մեզ եւ խօսել ինչ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:4

Եւ եւթն քահանայ առցեն զեւթն փողսն եղջերեայս յոբելեան առաջի տապանակին. եւ յաւուրն եւթներորդի պատեսջիք զքաղաքն եւթն անգամ. եւ քահանայքն հարցեն զփողսն եղջերեայս։