ՂԵՒՏԱԿԱՆ 25:6 - Գրաբար Աստվածաշունչ (1895)

⁶ Եւ եղիցի շաբաթ երկրին ձերոյ, կերակուր՝ քեզ եւ ծառայի քում, եւ աղախնոյ քում, եւ վարձկանին քում, եւ պանդխտին յեցելոյ ի քեզ,

ՂԵՒՏԱԿԱՆ 25:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 19:29

Եւ քեզ այս նշանակ լիցի. կերիցես այս ամ զինքնեակս, եւ յամին երկրորդի զինքնեկաց ինքնեակս. եւ յամին երրորդի՝ սերմանք եւ հունձք եւ տունկք այգեաց՝՝, եւ կերիջիք զպտուղ նոցա։

ԵԼՔ 23:11

Եւ յամին եւթներորդի թողութիւն արասցես, եւ հանգուսցես զնա, եւ կերիցեն տնանկք ազգի քո, եւ զմնացեալն ի նոցանէ կերիցեն գազանք վայրի. այնպէս արասցես զայգի քո եւ զձիթենի քո։

ՂԵՒՏԱԿԱՆ 25:20

Ապա թէ ասիցէք. Զի՞նչ կերիցուք յամին եւթներորդի յայնմիկ, եթէ ոչ սերմանիցեմք եւ ոչ ժողովիցեմք զարմտիս մեր.

ՂԵՒՏԱԿԱՆ 25:21

առաքեցից զօրհնութիւն իմ ի ձեզ յամին վեցերորդի. եւ արասցէ զարդիւնս իւր երից ամաց։

ՂԵՒՏԱԿԱՆ 25:5

եւ զինքնեակն անդոյ քո որ գայցէ՝ ոչ հնձեսցես, եւ զխաղող սրբութեանն քո ոչ կթեսցես. զի ամ հանգստեան է այն երկրին։

ՂԵՒՏԱԿԱՆ 25:7

եւ անասնոյ քում, եւ գազանաց որ իցեն յերկրին քում եղիցի ամենայն բերն նորա ի կերակուր։

ԳՈՐԾՔ ԱՌԱՔԵԼՈՑ 2:44

Ամենայն հաւատացեալքն էին ի միասին, եւ ունէին զամենայն ինչ հասարակաց։

ԳՈՐԾՔ ԱՌԱՔԵԼՈՑ 4:32

Եւ բազմութեան հաւատացելոցն էր սիրտ եւ անձն մի. եւ ոչ ոք ի նոցանէ ասէր զընչից իւրոց թէ իւր իցէ, այլ էր նոցա ամենայն ինչ հասարակաց։