ՂԵՒՏԱԿԱՆ 25:28 - Գրաբար Աստվածաշունչ (1895)

²⁸ Ապա թէ ոչ գտցի ի ձեռին նորա բաւականն առ ի հատուցանելոյ նմա, եղիցի վաճառ նորա այնմ որ ստացաւն զնա մինչեւ յամն թողութեան. եւ ելցէ յամին թողութեան եւ դարձցի անդրէն ի կալուածս իւր։

ՂԵՒՏԱԿԱՆ 25:28 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՐԵՄԵԱՅ 32:15

Զի այսպէս ասէ Տէր ամենակալ Աստուած Իսրայելի. Դարձեալ ստասցին տունս եւ ագարակս եւ այգիս յերկրիդ յայդմիկ։

ՂԵՒՏԱԿԱՆ 25:10

Եւ սրբեսջիք զամն յիսներորդ տարւոյն, եւ քարոզեսջիք թողութիւն ի վերայ երկրին ամենայն բնակչաց նորա. զի տարի թողութեան՝՝ եղիցի ձեզ այն ազդեցութիւն, եւ դարձցի իւրաքանչիւր ոք ի ստացուած իւր, եւ իւրաքանչիւր ոք յազգ իւր երթիցէ. զի թողութեան ազդեցութիւն է այն։՝՝

ՂԵՒՏԱԿԱՆ 25:13

Յամին ազդեցութեան թողութեան նորա՝՝ դարձցի իւրաքանչիւր ոք ի ստացուած իւր։

ՂԵՒՏԱԿԱՆ 25:29

Եւ եթէ վաճեռեսցէ ոք տուն բնակութեան ի պարսպաւոր քաղաքի, եղիցին փրկանք նորա մինչեւ ի կատարել տարւոյն աւուրցն վաճառի նորա. օրաթուի լինիցին փրկանք նորա։

ՂԵՒՏԱԿԱՆ 25:30

Ապա թէ ոչ փրկիցի մինչեւ լնուցու նորա տարին ողջոյն, հաստատեսցի տունն որ իցէ ի պարսպաւոր քաղաքի հաստատութեամբ՝ ստացողին իւրոյ յազգս իւր. եւ մի՛ ելցէ ի թողութեանն։

ՂԵՒՏԱԿԱՆ 25:41

եւ ելցէ ի թողութեանն ինքն եւ որդիք իւր ընդ իւր, եւ դարձցի յազգ իւր, եւ ի հայրենի կալուած իւր երթիցէ։

ՂԵՒՏԱԿԱՆ 27:24

Եւ յամին թողութեան դարձցի անդն անդրէն առ այրն յորմէ ստացեալ իցէ, որոյ իւր իսկ էր կալուած երկրին։