ՂԵՒՏԱԿԱՆ 22:20 - Գրաբար Աստվածաշունչ (1895)

²⁰ Զամենայն արատաւորն մի՛ մատուցանիցեն Տեառն, զի ոչ լինիցի ընդունելի առ ի ձէնջ։

ՂԵՒՏԱԿԱՆ 22:20 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:18

Այսպէս ասէ Տէր Աստուած. Յառաջնում ամսեանն որ օր մի իցէ ամսոյն՝ առնուցուս զուարակ մի յանդւոյ անարատ՝ քաւել զսրբութիւնն։

ՂԵՒՏԱԿԱՆ 1:3

Եթէ ողջակէզ իցէ պատարագն նորա յարջառոց, արու անարատ մատուսցէ, առ դուրս խորանին վկայութեան ածցէ զնա ընդունելութիւն ի նմանէ՝ առ ի քաւելոյ՝՝ առաջի Տեառն։

ՂԵՒՏԱԿԱՆ 22:24

Զթաղամսաւորն եւ զմալեալն եւ զքածաւարոտն եւ զհատեալն, մի՛ մատուցանիցես Տեառն. եւ յերկրի ձերում մի՛ առնիցէք։

ՂԵՒՏԱԿԱՆ 22:25

Եւ ի ձեռանէ այլազգւոյն մի՛ մատուցանիցէք զպատարագս Աստուծոյ ձերոյ յամենայնէ յայնպիսեաց անտի. զի խեղութիւնք եւ արատք են ի նոսա, եւ ոչ լինիցի այն ընդունելի առ ի ձէնջ։

ՂԵՒՏԱԿԱՆ 3:1

Ապա թէ զոհ փրկութեան իցէ պատարագ նորա Տեառն, եթէ յարջառոց մատուցանիցէ, եթէ՛ արու իցէ, եւ եթէ՛ էգ իցէ, զանարատն մատուսցէ առաջի Տեառն։

ՂԵՒՏԱԿԱՆ 3:6

Ապա թէ յօդեաց իցէ պատարագ նորա զոհ փրկութեան Տեառն, արու կամ էգ, անարատ մատուսցէ զայն։

ՄԱՐԳԱՐԷՈՒԹԻՒՆ ՄԱՂԱՔԻԱՅ 1:8

Զի թէ մատուցանիցէք զկոյրն ի պատարագ՝ չիցէ՞ չար, եւ եթէ մատուցանիցէք զկաղն կամ զհիւանդոտն՝ չիցէ՞ չար. աղէ, մատո զնա իշխանին քում, թէ ընդունիցի՞ զքեզ, կամ թէ առնուցո՞ւ քեզ ակն, ասէ Տէր ամենակալ։

ԹԻՒՔ 19:2

Այս որոշումն է օրինին զոր պատուիրեաց Տէր Մովսիսի եւ ասէ. Խօսեաց ընդ որդիսն Իսրայելի, եւ առցեն առ քեզ երինջ մի կարմիր անարատ, յորում ոչ գուցէ բիծ ինչ, եւ ոչ իցէ մտեալ ընդ լծով։

ԹԻՒՔ 29:8

Մատուսջիք ողջակէզս ի հոտ անուշից ընծայս Տեառն. զուարակ մի յանդւոյ, խոյ մի, գառինս տարեւորս անարատս եւթն.

ԵՐԿՐՈՐԴՈՒՄՆ ՕՐԻՆԱՑ 15:21

Եւ եթէ արատաւոր իցէ կամ կաղ կամ կոյր, եւ կամ ամենայն արատ չար զինչ եւ գուցէ ի նմա, մի՛ զենցես զնա Տեառն Աստուծոյ քում.

ԵՐԿՐՈՐԴՈՒՄՆ ՕՐԻՆԱՑ 17:1

Եւ մի՛ զոհիցես Տեառն Աստուծոյ քում արջառ կամ ոչխար յորում իցէ արատ ինչ, ըստ ամենայն արատաւոր բանի. զի պիղծ է այն առաջի Տեառն Աստուծոյ քո։

ԱՌ ԵԲՐԱՅԵՑԻՍ ԹՈՒՂԹ 9:14

ո՛րչափ եւս առաւել արիւնն Քրիստոսի, որ ի ձեռն Հոգւոյն յաւիտենականի մատոյց զանձն անարատ պատարագ Աստուծոյ, սրբեսցէ զխիղճ մտաց ձերոց ի մեռելոտի գործոց անտի՝ պաշտել զԱստուած կենդանի։

ՊԵՏՐՈՍԻ ԱՌԱՋԻՆ՝՝ 1:19

այլ պատուական արեամբն Քրիստոսի, իբրեւ անբիծ եւ անարատ գառին.