ՂԵՒՏԱԿԱՆ 17:15 - Գրաբար Աստվածաշունչ (1895)

¹⁵ Եւ ամենայն անձն որ ուտիցէ զմեռելոտի կամ զգազանաբեկ, ի բնակաց կամ ի պանդխտաց, ողողեսցէ զհանդերձս իւր, եւ լուասցէ զմարմին իւր, եւ պիղծ լիցի մինչեւ ցերեկոյ, եւ ապա սուրբ լիցի.

ՂԵՒՏԱԿԱՆ 17:15 ပူးပေါင်းရင်းမြစ်များ

ԵԼՔ 22:30

Նոյնպէս արասցես զարջառ քո եւ զոչխար քո եւ զէշ քո՝՝. զեւթն օր եղիցի ընդ մարբ իւրով, եւ յաւուրն ութերորդի տացես զնա ինձ։

ԵԼՔ 22:31

Եւ մարդք սուրբք լինիջիք ինձ. եւ զմիս գազանաբեկին ի բացի՝ մի՛ ուտիցէք, այլ շան ընկեսջիք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 4:14

Եւ ասեմ. Քաւ լիցի, Տէր Աստուած Իսրայելի, եթէ պղծեալ իցէ երբեք անձն իմ ի պղծութիւնս՝՝, եւ մեռելոտի եւ գազանաբեկ ոչ երբեք կերայ ի ծննդենէ իմմէ մինչեւ ցայժմ, եւ ոչ եմուտ ի բերան իմ ամենայն միս պիղծ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:31

Զամենայն զմեռելոտի եւ զգազանաբեկ ի թռչնոց եւ յանասնոց՝ մի՛ կերիցեն քահանայքն։

ՂԵՒՏԱԿԱՆ 11:24

Մի՛ նոքօք պղծիցիք. ամենայն որ մերձենայցէ ի մեռեալ նոցա՝ պիղծ լիցի մինչեւ ցերեկոյ։

ՂԵՒՏԱԿԱՆ 11:25

Եւ ամենայն որ բառնայցէ զմեռեալ նոցա, լուասցէ զձորձս իւր, եւ պիղծ լիցի մինչեւ ցերեկոյ։

ՂԵՒՏԱԿԱՆ 11:27

Եւ ամենայն որ գնայցէ ի ձեռս իւր, յամենայն գազանաց որ գնայցէ ի չորս, պիղծ լիցի ձեզ այն. ամենայն որ մերձեսցի ի մեռեալ նոցա՝ պիղծ լիցի մինչեւ ցերեկոյ։

ՂԵՒՏԱԿԱՆ 11:28

Եւ որ բառնայցէ ի մեռելոյ նոցա, լուասցէ զձորձս իւր, եւ պիղծ լիցի մինչեւ ցերեկոյ. զի այն ամենայն պիղծ իցէ ձեզ։

ՂԵՒՏԱԿԱՆ 11:31

Այն ամենայն պիղծ իցէ ձեզ յամենայն սողնոց որ սողին ի վերայ երկրի. ամենայն որ մերձեսցի ի մեռեալ նոցա՝ պիղծ լիցի մինչեւ ցերեկոյ։

ՂԵՒՏԱԿԱՆ 11:32

Եւ յամենայնի յորոյ վերայ անկանիցի ի մեռելոյ նոցա՝ պիղծ լիցի. յամենայն փայտեղէն անօթոյ կամ ի հանդերձէ կամ ի մաշկէ կամ ի քրձէ, ամենայն անօթ յորում գործ ինչ գործիցի ի նմա, ի ջուր թացցի եւ պիղծ լիցի մինչեւ ցերեկոյ, եւ ապա սուրբ լինիցի։

ՂԵՒՏԱԿԱՆ 11:39

Եւ եթէ մեռանիցի ինչ յանասնոց որ ձեզ ուտելի են, որ մերձենայցէ ի մեռեալ նոցա՝ պիղծ լիցի մինչեւ ցերեկոյ։

ՂԵՒՏԱԿԱՆ 11:40

Եւ որ բառնայցէ ի մեռելոյ նոցա՝ լուասցէ զձորձս իւր, եւ պղծեալ լիցի մինչեւ ցերեկոյ։

ՂԵՒՏԱԿԱՆ 15:10

Եւ ամենայն որ մերձեսցի յամենայն որ ինչ ի ներքոյ նորա իցէ, պիղծ լիցի մինչեւ ցերեկոյ։

ՂԵՒՏԱԿԱՆ 15:21

Եւ ամենայն որ մերձենայցէ յանկողին նորա, ողողեսցէ զհանդերձս իւր, եւ լուասցէ զմարմին իւր ջրով, եւ պիղծ լիցի մինչեւ ցերեկոյ։

ՂԵՒՏԱԿԱՆ 15:5

Եւ մարդ որ մերձեսցի յանկողին նորա՝ ողողեսցէ զձորձս իւր, եւ լուասցի ջրով, եւ պիղծ լիցի մինչեւ ցերեկոյ։

ՂԵՒՏԱԿԱՆ 22:8

Զմեռելոտի եւ զգազանաբեկ մի՛ ուտիցէ՝ պղծել նմա նոքօք. զի ես եմ Տէր։

ՂԵՒՏԱԿԱՆ 7:24

Եւ ճարպ մեռելոտւոց եւ գազանաբեկաց լինիցի յամենայն գործ, բայց ի կերակուր մի՛ ուտիցի։

ԹԻՒՔ 19:19

Եւ ցանեսցէ սուրբն զպղծովն յաւուրն երրորդի եւ յաւուրն եւթներորդի, եւ սրբեսցի յաւուրն եւթներորդի. եւ ողողեսցէ զհանդերձս իւր, եւ լուասցէ զմարմին իւր ջրով, եւ անսուրբ լիցի մինչեւ ցերեկոյ՝՝։

ԹԻՒՔ 19:21

Եւ եղիցի ձեզ այն օրէն յաւիտենական, եւ որ սրսկէ զջուրն սրսկման լուասցէ զձորձս իւր. եւ որ մերձենայցէ ի ջուրն սրսկման, անսուրբ լիցի մինչեւ ցերեկոյ։

ԹԻՒՔ 19:8

Եւ որ այրիցէն զնա՝ ողողեսցէ զհանդերձս իւր, եւ լուասցէ զմարմին իւր ջրով, եւ անսուրբ լիցի մինչեւ ցերեկոյ։

ԵՐԿՐՈՐԴՈՒՄՆ ՕՐԻՆԱՑ 14:21

Եւ զամենայն մեռելոտի մի՛ ուտիցէք, այլ պանդխտին որ է ի քաղաքս քո տացես զնա եւ կերիցէ, կամ վաճառեսցես օտարոտւոյն. զի ժողովուրդ սուրբ ես դու Տեառն Աստուծոյ քո։ Մի՛ եփեսցես զգառն ի կաթն մօր իւրոյ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 7:14

Ես ասացի ցնա. Տէր, դու գիտես։ Եւ ասէ ցիս. Սոքա են որ գան ի վշտաց մեծաց, եւ լուացին զարկանելիս իւրեանց եւ սպիտակացուցին արեամբ Գառինն։