ՂԵՒՏԱԿԱՆ 15:31 - Գրաբար Աստվածաշունչ (1895)

³¹ Եւ զգուշագոյնս առնիցէք զորդիսն Իսրայելի ի պղծութեանց իւրեանց. եւ ոչ մեռանիցին վասն անսրբութեան իւրեանց, առ ի պղծելոյ նոցա զխորանն իմ որ է ի նոսա։

ՂԵՒՏԱԿԱՆ 15:31 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:38

Մինչ ցայնչափ եւս արարին ինձ, զի զսրբութիւնս իմ պղծէին ի նմին աւուր, եւ զշաբաթսն իմ ապականէին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:17

Որդի մարդոյ, տունդ Իսրայելի բնակեցին յերկրին իւրեանց, եւ պղծեցին զնա ճանապարհօք իւրեանց եւ կռովք իւրեանց եւ պղծութեամբք՝՝ իւրեանց. ըստ պղծութեան ապարահի եղեւ ճանապարհ դոցա առաջի իմ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:23

Եւ զժողովուրդն իմ ուսուսցեն ընտրել ի մէջ սրբոյն եւ պղծոյն, եւ ի մէջ անարատին եւ արատաւորին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 5:11

Վասն այդորիկ կենդանի եմ ես, ասէ Ադոնայի Տէր, փոխանակ զի զսրբութիւնս իմ պղծեցեր ամենայն գարշելեօքն քովք, եւ ամենայն պղծալից պաշտամամբքն քովք, եւ ես մերժեցից զքեզ, եւ ոչ խնայեսցէ ի քեզ ակն իմ, եւ ոչ ողորմեցայց քեզ։

ՂԵՒՏԱԿԱՆ 11:47

որոշել ի մէջ սրբոյն եւ ի մէջ անսրբոյն, եւ խելամուտ առնել զորդիսդ Իսրայելի ի մէջ ուտելեացն կենդանածնաց եւ ի մէջ չուտելեաց անասնոց։

ՂԵՒՏԱԿԱՆ 13:59

Այս օրէն իցէ արածի բորոտութեան ասուեայ հանդերձի կամ կտաւոյ կամ առիջոյ կամ թեզանոյ կամ ամենայն մաշկեղէն անօթոյ, ի սրբել կամ ի պղծել զնա։

ՂԵՒՏԱԿԱՆ 15:32

Այս օրէն իցէ սերմնակաթին, եւ եթէ ելանիցէ յումեքէ արութիւն սերման՝ առ ի պղծելոյ նովաւ,

ՂԵՒՏԱԿԱՆ 19:30

Զշաբաթս իմ պահեսջիք, եւ ի սրբութեանց իմոց երկնչիջիք, զի ես եմ Տէր։

ՂԵՒՏԱԿԱՆ 20:3

Եւ ես հաստատեցից զերեսս իմ ի վերայ մարդոյն այնորիկ, եւ կորուսից զնա ի ժողովրդենէ իւրմէ. զի ետ ի սերմանէ իւրմէ իշխանին՝՝ պղծել զսրբութիւն իմ, եւ գարշեցուցանել զանուն սրբեցելոցն իմոց՝՝։

ՂԵՒՏԱԿԱՆ 21:23

բայց ի վարագոյրն մի՛ մերձեսցի, եւ առ սեղանն մի՛ մատիցէ, զի արատաւոր է, եւ մի՛ պղծեսցէ զսրբութիւն Աստուծոյ իւրոյ՝՝, զի ես եմ Տէր՝ որ սրբեմ զնոսա։

ԹԻՒՔ 19:13

Ամենայն որ մերձենայցէ ի մեռեալ անձին մարդոյ որ մեռանիցի, եւ ոչ սրբեսցի, զխորանն Տեառն պղծեաց, սատակեսցի անձն այն յԻսրայելէ. զի ջուրն սրսկման ոչ սրսկեցաւ ի վերայ նորա, անսուրբ է, զի պղծութիւն իւր ի նմա է։

ԹԻՒՔ 19:20

Եւ մարդ որ պղծիցի եւ ոչ սրբեսցի, սատակեսցի անձն այն ի ժողովրդենէ իւրմէ. զի զսրբութիւնն Տեառն պղծեաց, եւ ջուր սրսկման ոչ սրսկեցաւ զնովաւ, անսուրբ է։

ԹԻՒՔ 5:3

յարուէ մինչեւ ցէգ արձակեցէք ի բաց ի բանակէ անտի, եւ մի՛ պղծեսցեն զբանակս իւրեանց յոր եսդ իջանեմ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 3:17

Եթէ ոք զտաճար Աստուծոյ ապականէ, ապականեսցէ զնա Աստուած. զի տաճար Աստուծոյ սուրբ է, որ էք դուք։

ԵՐԿՐՈՐԴՈՒՄՆ ՕՐԻՆԱՑ 24:8

Զգոյշ լեր անձին քում յարածէ բորոտութեան. զգոյշ լինիջիր՝ առնել ըստ ամենայն օրինին զոր պատմիցեն ձեզ քահանայքն Ղեւտացիք, զոր օրինակ պատուիրեցի ձեզ զգուշանալ՝՝ առնելոյ։

ԱՌ ԵԲՐԱՅԵՑԻՍ ԹՈՒՂԹ 10:29

իսկ ո՛րչափ սաստիկ պատժոց արժանի համարիցիք զայն, որ զՈրդին Աստուծոյ առ ոտն եհար. եւ զարիւն նորոյ ուխտին խառնակ համարեցաւ որով սրբեցաւն, եւ զՀոգին շնորհաց թշնամանեաց։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:4

Քանզի սպրդեցին մտին ոմանք, որ յառաջագոյն իսկ կատարեալ էին ի սոյն դատաստան, ամբարիշտք, որ զԱստուծոյ մերոյ շնորհսն դարձուցին յանկարգութիւն. եւ զմի միայն զԻշխանն եւ զՏէր մեր Յիսուս Քրիստոս ուրացեալք։

ԹԱԳԱՒՈՐՈՒԹԵԱՆՑ ԱՌԱՋԻՆ 3:14

Եւ ոչ այնպէս. այլ՝՝ երդուայ տանն Հեղեայ, եթէ ոչ քաւեսցի անօրէնութիւն տանն Հեղեայ խնկովք եւ զոհիւք մինչեւ յաւիտեան։