ՂԵՒՏԱԿԱՆ 15:25 - Գրաբար Աստվածաշունչ (1895)

²⁵ Եւ կին որ բղխիցէ զբղխումն արեան զաւուրս բազումս, ոչ ի ժամանակի դաշտանի իւրոյ, եւ եթէ բղխիցէ յետ դաշտանին իւրոյ, ամենայն աւուրք բղխման պղծութեան իւրոյ, այնպէս իցեն իբրեւ զաւուրս դաշտանին իւրոյ. եւ եղիցի պիղծ։

ՂԵՒՏԱԿԱՆ 15:25 ပူးပေါင်းရင်းမြစ်များ

ՂԵՒՏԱԿԱՆ 15:26

Եւ ամենայն անկողին յորոյ վերայ ննջիցէ զամենայն աւուրս բղխման իւրոյ, ըստ անկողնի դաշտանին իւրոյ լիցի անսուրբ, եւ ամենայն անօթ յորոյ վերայ նստիցի՝ պիղծ լիցի ըստ պղծութեան աւուրց դաշտանին իւրոյ։

Մատթեոսի Աւետարան 9:20

Եւ ահա կին մի տեռատես երկոտասանամեայ մատուցեալ յետոյ՝ մերձեցաւ ի դրօշակ հանդերձի նորա.

ԱՒԵՏԱՐԱՆ ԸՍՏ ՄԱՐԿՈՍԻ 5:25

Եւ կին մի էր ի տեռատեսութեան արեան զերկոտասան ամ.

ԱՒԵՏԱՐԱՆ ԸՍՏ ՂՈՒԿԱՍՈՒ 8:43

Եւ կին մի էր ի տեռատեսութեան արեան յամաց երկոտասանից, որում ոչ էր լիեալ հնար յումեքէ բժշկել։