ՂԵՒՏԱԿԱՆ 14:34 - Գրաբար Աստվածաշունչ (1895)

³⁴ Յորժամ մտանիցէք յերկիրն Քանանացւոց զոր ես տաց ձեզ ի ստացուած, եւ տայցեմ արած բորոտութեան ի տունս երկրին ստացուածոյ ձերոյ,

ՂԵՒՏԱԿԱՆ 14:34 ပူးပေါင်းရင်းမြစ်များ

ԾՆՈՒՆԴՔ 12:7

Եւ երեւեցաւ Տէր Աբրամու, եւ ասէ ցնա. Զաւակի քում տաց զերկիրս զայս։ Եւ շինեաց անդ Աբրամ սեղան Տեառն որ երեւեցաւ նմա։

ԾՆՈՒՆԴՔ 13:17

Եւ արդ արի շրջեաց ընդ երկիրդ յերկայնութիւն դորա եւ ի լայնութիւն դորա, զի քեզ տաց զդա։

ԾՆՈՒՆԴՔ 17:8

Եւ տաց քեզ եւ զաւակի քում զերկիրս զայս, յորում բնակես պանդխտութեամբ, զամենայն երկիրդ Քանանացւոց ի ժառանգութիւն յաւիտենական. եւ եղէց նոցա Աստուած։

ԵԼՔ 15:26

եւ ասէ. Եթէ լսելով լուիցես ձայնի Տեառն Աստուծոյ քում, եւ զհաճոյս առաջի նորա արասցես, եւ ունկնդիր լիցիս պատուիրանաց նորա, եւ պահեսցես զամենայն իրաւունս նորա, զամենայն զախտն զոր ածի ի վերայ Եգիպտացւոցն, ոչ ածից ի վերայ քո. զի ես եմ Տէր որ բժշկեմ զքեզ։

ԱՌԱԿՔ ՍՈՂՈՄՈՆԻ 3:33

Անէծք Տեառն ի տունս ամպարշտաց, յարկք արդարոց օրհնին։

ՄԱՐԳԱՐԷՈՒԹԻՒՆ ԵՍԱՅԵԱՅ 45:7

Ես եմ որ հաստատեցի զլոյս եւ արարի զխաւար, ես եմ որ առնեմ զխաղաղութիւն եւ հաստատեմ զչար. ես եմ Տէր Աստուած՝ որ առնեմ զայս ամենայն։

ՂԵՒՏԱԿԱՆ 14:33

Խօսեցաւ Տէր ընդ Մովսիսի եւ ընդ Ահարոնի եւ ասէ.

ՂԵՒՏԱԿԱՆ 14:55

եւ բորոտութեան հանդերձի եւ տան,

ՂԵՒՏԱԿԱՆ 20:24

եւ ասացի ցձեզ. Դուք ժառանգեցէք զերկիրն զայն, եւ ես տաց ձեզ զնա ի ստացուած, երկիր որ բղխէ զկաթն եւ զմեղր. ես եմ Տէր Աստուած ձեր որ մեկնեցի զձեզ յամենայն ազգաց։

ՂԵՒՏԱԿԱՆ 23:10

Խօսեաց ընդ որդիսն Իսրայելի եւ ասասցես ցնոսա. Յորժամ մտանիցէք յերկիրն զոր ես տաց ձեզ, եւ հնձիցէք զհունձս նորա, բերիցէք զորայն, զպտուղ հնձոց ձերոց, առ քահանայն.

ՂԵՒՏԱԿԱՆ 25:2

Խօսեաց ընդ որդիսն Իսրայելի եւ ասասցես ցնոսա. Եթէ մտանիցէք յերկիրն զոր ես տաց ձեզ, եւ հանգչիցի երկիրն զոր տաց ձեզ, զի շաբաթ Տեառն է՝՝։

ՄԱՐԳԱՐԷՈՒԹԻՒՆ ԱՄՈՎՍԱՅ 3:6

Եթէ հարկանիցի՞ փող ի քաղաքի, եւ ազգն ոչ խռովեսցի. եթէ իցե՞ն չարիք ի քաղաքի եւ Տեառն չիցէ արարեալ։

ՄԱՐԳԱՐԷՈՒԹԻՒՆ ԱՄՈՎՍԱՅ 6:11

Եւ նա ասասցէ թէ՝ Ոչ. եւ մի՛ ասասցէ թէ՝ Լուռ լեր. վասն այնորիկ է զի ոչ անուանէին՝՝ զանուն Տեառն։

ՄԱՐԳԱՐԷՈՒԹԻՒՆ ՄԻՔԻԱՅ 6:9

Ձայն Տեառն ի վերայ քաղաքի կոչեսցի, եւ ապրեցուսցէ զերկիւղածս անուան նորա։ Լուր, ազգ, ո՞ հանդերձեսցէ զքաղաք՝ եթէ ոչ հուր,

ՄԱՐԳԱՐԷՈՒԹԻՒՆ ԶԱՔԱՐԵԱՅ 5:4

Եւ հանից զդա, ասէ Տէր ամենակալ, եւ մտցէ ի տունս գողոց, եւ ի տունս որ երդնուցուն սուտ յանուն իմ, եւ բնակեսցէ ի մէջ տան նորա, եւ վախճանեսցէ զնա, եւ զփայտ նորա եւ զքարինս նորա։

ԹԻՒՔ 32:22

եւ նուաճեսցի երկիրն առաջի Տեառն, եւ ապա դառնայցէք, քաւեալ լիջիք առաջի Տեառն եւ յԻսրայելէ. եւ եղիցի երկիրս այս ձեզ ի կալուած առաջի Տեառն։

ԹԻՒՔ 32:32

Մեք անցցուք վառեալք առաջի Տեառն յերկիրն Քանանացւոց, եւ տաջիք մեզ կալուածս յայսկոյս Յորդանանու։

ԹԻՒՔ 35:10

Խօսեաց ընդ որդիսն Իսրայելի եւ ասասցես ցնոսա. Դուք աւադիկ անցանէք ընդ Յորդանան յերկիրն Քանանացւոց,

ԵՐԿՐՈՐԴՈՒՄՆ ՕՐԻՆԱՑ 12:1

Եւ այս են հրամանք եւ դատաստանք զոր զգուշանայցէք առնել յերկրին զոր Տէր Աստուած հարցն ձերոց տալոց է ձեզ ի ժառանգութիւն, զամենայն աւուրս զորս կեցցէք դուք ի վերայ երկրի։

ԵՐԿՐՈՐԴՈՒՄՆ ՕՐԻՆԱՑ 19:1

Եւ եթէ սատակեսցէ Տէր Աստուած քո զազգսն զորոց Տէր Աստուած տացէ քեզ զերկիրն նոցա, եւ ժառանգեսցես զնա, եւ բնակեսցես ի քաղաքս եւ ի տունս նոցա,

ԵՐԿՐՈՐԴՈՒՄՆ ՕՐԻՆԱՑ 26:1

Եւ եղիցի եթէ մտանիցես յերկիրն զոր Տէր Աստուած քո տացէ քեզ ի ժառանգութիւն, եւ ժառանգեսցես զնա եւ բնակեսցես ի նմա,

ԵՐԿՐՈՐԴՈՒՄՆ ՕՐԻՆԱՑ 27:3

եւ գրեսցես ի վերայ քարանցն զամենայն պատգամս օրինացս այսոցիկ, յորժամ անցանիցէք ընդ Յորդանան, ի ժամանակի իբրեւ մտանիցէք՝՝ յերկիրն զոր Տէր Աստուած հարցն ձերոց՝՝ տացէ քեզ, երկիր՝ որ բղխէ զկաթն եւ զմեղր. որպէս խոստացաւ Տէր Աստուած հարցն քոց տալ քեզ։

ԵՐԿՐՈՐԴՈՒՄՆ ՕՐԻՆԱՑ 32:49

Ել դու ի լեառնն Աբարիմ, ի լեառն Նաբաւ, որ է յերկրին Մովաբու յանդիման Երիքովի, եւ տես զերկիրն զոր ես տաց որդւոցն Իսրայելի ի կալուածս.

ԵՐԿՐՈՐԴՈՒՄՆ ՕՐԻՆԱՑ 7:15

Եւ բարձցէ ի քէն Տէր զամենայն ախտ, եւ զամենայն ցաւս չարաչարս Եգիպտացւոցն զորս տեսերն եւ՝՝ զորս գիտացեր. եւ մի՛ ածցէ զնոսա ի վերայ քո, այլ ածցէ զնոսա ի վերայ թշնամեաց քոց եւ՝՝ ի վերայ ամենայն ատելեաց քոց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:1

Եւ Յեսու ծերացեալ եւ անցեալ զաւուրբք. եւ ասէ Տէր ցՅեսու. Դու ծերացեալ ես եւ անցեալ զաւուրբք, եւ երկիր բազում մնացեալ է ի ժառանգութենէ։

ԹԱԳԱՒՈՐՈՒԹԵԱՆՑ ԱՌԱՋԻՆ 2:6

Տէր մեռուցանէ եւ կեցուցանէ, իջուցանէ ի դժոխս եւ հանէ։