ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:3 - Գրաբար Աստվածաշունչ (1895)

³ Եւ արար իւր Յեսու սուրս քարեղէնս գայլախազեայս, եւ թլփատեաց զորդիսն Իսրայելի ի տեղւոջն որ կոչէր Բլուր անթլփատից։ Եւ զոր օրինակ յապաւեաց Յեսու զորդիսն Իսրայելի որ էին ի ճանապարհի անդ, որ բնաւ չէին թլփատեալք յելելոցն յԵգիպտոսէ, զամենեսեան թլփատեաց Յեսու։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:3 ပူးပေါင်းရင်းမြစ်များ

ԵԼՔ 4:25

Եւ առեալ Սեպփովրայի գայլախազ՝ թլփատեաց զանթլփատութիւն որդւոյն իւրոյ. եւ անկեալ առ ոտս նորա ասէ. Ահա եկաց արիւն թլփատութեան մանկան իմոյ՝՝։

Մատթեոսի Աւետարան 16:24

Յայնժամ Յիսուս ասէ ցաշակերտսն իւր. Եթէ ոք կամի զկնի իմ գալ, ուրասցի զանձն եւ առցէ զխաչ իւր եւ եկեսցէ զկնի իմ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:2

Ընդ այնու ժամանակաւ ասէ Տէր ցՅեսու. Արա դու քեզ սուր ի գայլախազ վիմէ. եւ նստեալ թլփատեսցես զորդիսն Իսրայելի կրկնակի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:4

Եւ այս ժողովուրդ է զոր թլփատեաց Յեսու. ամենայն ժողովրդեանն ելելոց յԵգիպտոսէ զարու մանուկ. քանզի ամենայն արք՝՝ պատերազմողք մեռան յանապատին անդէն ի ճանապարհին յելանելն իւրեանց յերկրէն Եգիպտացւոց։