ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:13 - Գրաբար Աստվածաշունչ (1895)

¹³ Եւ եղեւ մինչ էր Յեսու յԵրիքով, ամբարձեալ զաչս իւր ետես զի կայր առաջի նորա այր, եւ սուսեր մերկ ի ձեռին նորա. եւ մատուցեալ Յեսուայ ասէ ցնա. Մե՞ր ես թէ ի թշնամեաց մերոց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:13 ပူးပေါင်းရင်းမြစ်များ

ԾՆՈՒՆԴՔ 18:1

Եւ երեւեցաւ նմա Աստուած առ կաղնեաւն Մամբրէի, մինչդեռ նստէր առ դուրս խորանի իւրոյ ի միջօրէի։

ԾՆՈՒՆԴՔ 18:2

Ամբարձեալ զաչս իւր եւ ետես, եւ ահա արք երեք կային ի վերոյ քան զնա. եւ իբրեւ ետես, ընթացաւ ընդ առաջ նոցա ի դրանէ խորանին իւրոյ, եւ երկիր եպագ ի վերայ երկրի

ԾՆՈՒՆԴՔ 28:16

Եւ զարթեաւ Յակոբ ի քնոյ անտի իւրմէ եւ ասէ. Տէր է ի տեղւոջս յայսմիկ, եւ ես ոչ գիտէի։

ԾՆՈՒՆԴՔ 33:1

Զաչս իւր ի վեր եբարձ Յակոբ եւ ետես, Եւ ահա Եսաւ եղբայր իւր՝՝ գայր, եւ ընդ նմա արք չորեք հարեւր. եւ բաշխեաց Յակոբ զմանկունսն ի Լիա եւ յՌաքէլ, եւ յերկուս աղախնայսն։

ԾՆՈՒՆԴՔ 33:5

Եւ հայեցեալ ի վեր ետես զկանայսն եւ զմանկունս, եւ ասէ. Դոքա զի՞նչ են քո։ Եւ նա ասէ. Մանկունք իմ են, որովք ողորմեցաւ Աստուած ծառայի քում։

ՄՆԱՑՈՐԴԱՑ ԱՌԱՋԻՆ 12:22

քանզի աւուրց յաւուրս գային առ Դաւիթ ի զօրութիւն մեծ իբրեւ զօրութիւն Աստուծոյ։

ՄՆԱՑՈՐԴԱՑ ԱՌԱՋԻՆ 21:27

Եւ ասէ Տէր ցհրեշտակն. Դարձո զսուր քո՝՝ ի պատեանս։

ՄՆԱՑՈՐԴԱՑ ԱՌԱՋԻՆ 21:30

եւ ոչ կարէր Դաւիթ երթալ առաջի նորա խնդրել յԱստուծոյ, վասն զի տագնապեցաւ յերեսաց սրոյ հրեշտակին Տեառն։

ԵԼՔ 23:23

Զի երթիցէ հրեշտակ իմ առաջնորդ քեզ, եւ տարցի զքեզ առ Ամովրհացին եւ Քետացի եւ Փերեզացի եւ Քանանացի եւ Գերգեսացի եւ՝՝ Խեւացի եւ Յեբուսացի, եւ սատակեցից զնոսա։

ՄԱՐԳԱՐԷՈՒԹԻՒՆ ԶԱՔԱՐԵԱՅ 1:8

Տեսի ի տեսլեան գիշերոյ, եւ ահա այր մի հեծեալ յաշխէտ ձի, եւ կայր ի մէջ երկուց անտառախիտ լերանցն՝՝, եւ զկնի նորա ձիք աշխէտք եւ պիսակք եւ սպիտակք։

ԹԻՒՔ 22:23

Եւ տեսեալ իշոյն զհրեշտակ Աստուծոյ զի կայր նմա ընկիճեալ ի ճանապարհին, եւ սուսեր մերկ ի ձեռին իւրում, խուսեաց էշն ի ճանապարհէն եւ երթայր ընդ դաշտն. եւ եհար գաւազանաւ զէշն ուղղել զնա ի ճանապարհն։

ԹԻՒՔ 22:31

Եւ եբաց Աստուած զաչս Բաղաամու, եւ ետես զհրեշտակն Տեառն ընկիճեալ նմա ի ճանապարհին, եւ սուսեր մերկ ի ձեռին իւրում. եւ անկեալ ի վերայ երեսաց իւրոց երկիր եպագ նմա։

ԳՈՐԾՔ ԱՌԱՔԵԼՈՑ 1:10

Եւ մինչդեռ պշուցեալ հայէին ընդ երկինս երթալոյ նորա, եւ ահաւասիկ արք երկու երեւեցան նոցա ի հանդերձս սպիտակս,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:2

Եւ ասէ Տէր ցՅեսու. Ահա ես տամ ի ձեռս քո զԵրիքով եւ զթագաւորն որ ի նմա, եւ զզօրաւորս զօրութեամբ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 1:13

Եւ ի մէջ եւթն ճրագարանացն նման Որդւոյ մարդոյ, զգեցեալ պատմուճան պճղնաւոր. եւ գօտեւորեալ առ ստեամբքն գօտի ոսկեղէն.

ԴԱՏԱՒՈՐՔ 13:11

Եւ յարեաւ գնաց Մանովէ զհետ կնոջ իւրոյ, եւ եկն առ այրն եւ ասէ ցնա. Եթէ դո՞ւ իցես այրն որ խօսեցար ընդ կնոջն։ Եւ ասէ հրեշտակն. Ես եմ։

ԴԱՏԱՒՈՐՔ 13:22

Եւ ասէ Մանովէ ցկինն իւր. Մահու մեռանիցիմք զի զԱստուած տեսաք։