ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 20:5 - Գրաբար Աստվածաշունչ (1895)

⁵ Եւ եթէ երթայցէ մերձաւոր արեանն զկնի նորա, մի՛ մատնեսցեն զսպանօղն ի ձեռս նորա. քանզի յանգէտս եհար զընկերն իւր, եւ ոչ ատեայր զնա յերէկն եւ յեռանդ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 20:5 ပူးပေါင်းရင်းမြစ်များ

ՂԵՒՏԱԿԱՆ 4:2

Խօսեաց դու ընդ որդիսդ Իսրայելի եւ ասասցես. Անձն եթէ մեղիցէ առաջի Տեառն՝՝ ակամայ յամենայն հրամանաց Տեառն յորոց չէ արժան առնել եւ առնիցէ ինչ ի նոցանէ։

ԹԻՒՔ 35:12

Եւ եղիցին ձեզ քաղաքք ապաստանի ի մերձաւորէ արեանն, եւ մի՛ մեռանիցի սպանօղն մինչեւ կացցէ առաջի ժողովրդեանն ի դատաստանի։

ԹԻՒՔ 35:25

եւ ապրեցուսցէ ժողովուրդն զսպանօղն ի մերձաւորէ արեանն, եւ յուղարկեսցէ զնա ժողովուրդն անդրէն ի քաղաքն ապաստանի յոր ապաւինեալն էր. եւ բնակեսցէ անդ մինչեւ մեռանիցի քահանայն մեծ զոր օծին իւղովն սրբութեան։