ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:19 - Գրաբար Աստվածաշունչ (1895)

¹⁹ Եւ եղիցի ամենայն որ ելանէ ի տանէ քումմէ արտաքս՝ ինքն եղիցի անձին իւրում պարտական. եւ մեք քաւեալ լիցուք յերդմանէդ քումմէ յայդմանէ՝՝. եւ որ միանգամ լինիցին ընդ քեզ ի տան քում, մեք լիցուք պարտականք, եթէ ձեռն ուրուք մերձեսցի ի նա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:19 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:16

Եւ ասէ ցնա Դաւիթ. Արիւն քո ի գլուխ քո. զի բերան քո խօսեցաւ զքէն եւ ասէ, թէ՝ Ես սպանի զօծեալն Տեառն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 4:11

եւ արդ արք չարք սպանէք զայր արդար ի տան իւրում յանկողնի. եւ արդ խնդրեցից զարիւն նորա ի ձեռաց ձերոց, եւ սատակեցից զձեզ յերկրէ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:32

Դարձոյց Տէր զարիւն անիրաւութեան նորա ի նորին գլուխ, որպէս պատահեաց երկուց արանց արդարոց եւ քաջաց քան զնա, եւ սպան զնոսա սրով, եւ հայր իմ ոչ գիտաց զարիւն նոցա՝՝, զԱբեններ որդի Ներեայ՝ զսպարապետն Իսրայելի, եւ զԱմեսայի որդի Յեթերայ՝ զսպարապետն Յուդայ։

ԵԼՔ 12:13

Եւ եղիցի ձեզ արիւնդ նշանակեալ ի վերայ տանց՝ յորս իցէք դուք անդ. եւ տեսից զարիւնդ եւ ապրեցուցից զձեզ՝՝. եւ ոչ լինիցին ի ձեզ հարուածք ի սատակել՝ յորժամ հարկանիցեմ յերկրիդ Եգիպտացւոց։

ԵԼՔ 12:22

Եւ առնուցուք մշտիկ զոպայի թաթաւեալ յարեան որ առ դրօքն՝՝ իցէ, եւ սրսկեսջիք զբարաւորաւն եւ զերկոքումբք սեմովքն յարենէ անտի որ առ դրօքն՝՝. բայց դուք մի՛ ելանիցէք իւրաքանչիւր ըստ դուռն տան իւրոյ մինչեւ ցառաւօտ։

ԵԼՔ 12:23

Եւ անցցէ Տէր հարկանել զԵգիպտացիսդ, եւ տեսանիցէ զարիւնն որ ի վերայ բարաւորին եւ ի վերայ երկուց սեմոց, եւ զանց առնիցէ Տէր զդրօքն, եւ ոչ տայցէ թոյլ սատակչին մտանել ի տունս ձեր հարկանել։

ՂԵՒՏԱԿԱՆ 20:11

Եւ այր ոք որ ննջիցէ ընդ կնոջ հօր իւրոյ, զառականս հօր իւրոյ յայտնեաց. մահու մեռցին երկոքին, զի ամպարշտեցան, եւ մահապարտք են։

ՂԵՒՏԱԿԱՆ 20:9

Մարդ ոք մարդ որ հայհոյեսցէ զհայր իւր կամ զմայր իւր՝ մահու մեռցի. զհայր իւր կամ զմայր իւր թէ բամբասեսցէ՝ մահապարտ է։

Մատթեոսի Աւետարան 24:17

եւ որ ի տանիս կայցէ՝ մի՛ իջցէ առնուլ ինչ ի տանէ իւրմէ.

ԳՈՐԾՔ ԱՌԱՔԵԼՈՑ 18:6

Եւ յընդդէմ դառնալ նոցա եւ ի հայհոյել, թօթափեաց զձորձս եւ ասէ ցնոսա. Արիւն ձեր ի գլուխ ձեր, քաւեալ եմ ես, յայսմ հետէ ի հեթանոսս երթամ։

ԳՈՐԾՔ ԱՌԱՔԵԼՈՑ 20:26

Վասն որոյ վկայութիւն դնեմ ձեզ յաւուր յայսմիկ զի սուրբ եմ յարենէ ամենեցուն։

ԳՈՐԾՔ ԱՌԱՔԵԼՈՑ 27:31

Ասէ Պաւղոս ցհարիւրապետն եւ ցզօրականսն. Եթէ ոչ դոքա մնան ի նաւիս, դուք ապրել ոչ կարէք։

ԱՌ ՓԻԼԻՊԵՑԻՍ ԹՈՒՂԹ 3:9

եւ գտայց ի նմա. իբրեւ ոչ եթէ զիմ ինչ արդարութիւն որ յօրինաց անտի է՝ ունիցիմ, այլ՝ զհաւատոցն Քրիստոսի, որ յԱստուծոյ արդարութիւնն է՝՝ հաւատովք.

ԱՌ ԵԲՐԱՅԵՑԻՍ ԹՈՒՂԹ 10:29

իսկ ո՛րչափ սաստիկ պատժոց արժանի համարիցիք զայն, որ զՈրդին Աստուծոյ առ ոտն եհար. եւ զարիւն նորոյ ուխտին խառնակ համարեցաւ որով սրբեցաւն, եւ զՀոգին շնորհաց թշնամանեաց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:12

Եւ արդ երդուարուք ինձ ի Տէր Աստուած, զի առնեմ ձեզ ողորմութիւն, եւ արասջիք եւ դուք ողորմութիւն տան հօր իմոյ. եւ տուք ինձ նշան ճշմարիտ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:14

Եւ ասեն ցնա արքն. Անձինք մեր փոխանակ ձեր ի մահ, եթէ ոչ պատմիցէք զբանս զայս զմէնջ։ Եւ նա ասէ.՝՝ Եղիցի յորժամ մատնեսցէ ձեզ Տէր զքաղաքս, արասջիք ընդ իս՝՝ ողորմութիւն եւ ճշմարտութիւն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:20

Ապա թէ ոք մեղանչեսցէ մեզ եւ՝՝ յայտնեսցես զբանս մեր զայսոսիկ, քաւեալ լիցուք յերդմանէդ քումմէ յայդմանէ։