ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:7 - Գրաբար Աստվածաշունչ (1895)

⁷ Եւ եղեն սահմանք որդւոցն Մանասէի յԱսերմաքթովթայ, որ է հանդէպ Սիւքեմայ, եւ երթան սահմանքն ցՅամին եւ ցԱսեբ՝ յաղբեւրն՝՝ Թափթովթայ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:7 ပူးပေါင်းရင်းမြစ်များ

ԾՆՈՒՆԴՔ 34:2

Եւ ետես զնա Սիւքեմ որդի Եմովրայ Քոռեցի, որ իշխանն էր երկրին, եւ առ զնա, եւ ննջեաց ընդ նմա, եւ տառապեցոյց զնա։

ԾՆՈՒՆԴՔ 37:12

Եւ գնացին եղբարքն նորա արածել զխաշինս հօրն իւրեանց ի Սիւքեմ։

ԾՆՈՒՆԴՔ 37:14

Ասէ ցնա Իսրայէլ. Երթ տես եթէ ո՞ղջ իցեն եղբարքն քո եւ խաշինք, եւ բեր ինձ զրոյց։ Եւ առաքեաց զնա ի ծործորոյն Քեբրոնի. եկն ի Սիւքեմ։

ԹԱԳԱՒՈՐՈՒԹԵԱՆՑ ԵՐՐՈՐԴ 12:1

Եւ չոգաւ արքայ Ռոբովամ ի Սիկիմ. զի ի Սիկիմ գայր ամենայն Իսրայէլ թագաւորեցուցանել զնա։

ԹԱԳԱՒՈՐՈՒԹԵԱՆՑ ԵՐՐՈՐԴ 12:25

Եւ շինեաց Յերոբովամ զՍիկիմ ի լերինն Եփրեմայ եւ բնակէր ի նմա. եւ ել անտի եւ շինեաց զՓանուէլ։

ՄՆԱՑՈՐԴԱՑ ԱՌԱՋԻՆ 6:67

Եւ ետուն նոցա զքաղաքսն ապաւինի, զՍիւքեմ եւ շուրջ զզատուցեալսն նորա ի լերինն Եփրեմի, եւ զԳազեր՝ եւ զզատուցեալսն նորա,

ԳԻՐՔ ՍԱՂՄՈՍԱՑ 60:6

Դու, Աստուած, լուար աղօթից իմոց, ետուր ժառանգութիւն՝ ոյք երկնչին յանուանէ քումմէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:6

զի դստերք որդւոց Մանասէի ժառանգեցին վիճակ ի մէջ եղբարց իւրեանց՝՝, եւ երկիրն Գաղաադու եղեւ որդւոցն Մանասէի մնացելոցն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:8

Մանասէի եղիցի երկիր Թափթովթայ. եւ Թափթովթա ի սահմանս Մանասէի՝ որդւոցն Եփրեմայ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 20:7

Եւ զատուցին զԿադէս ի Գալիլեա ի լերինն Նեփթաղիմայ, եւ զՍիւքեմ ի լերինն Եփրեմայ, եւ զքաղաքն Արբոկ՝ այն է Քեբրոն ի լերինն Յուդայ,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 21:21

եւ ետուն նոցա քաղաք ապաստանի սպանողի՝ զՍիւքեմ եւ զզատուցեալսն ի նա ի լերինն Եփրեմայ, եւ զԳազեր եւ զզատուցեալսն ի նա,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:1

Եւ ժողովեաց Յեսու զամենայն ցեղսն Իսրայելի ի Սելով, եւ կոչեաց զամենայն ծերսն Իսրայելի եւ զիշխանս նոցա եւ զդպիրս նոցա եւ զդատաւորս նոցա, եւ կացին առաջի Տեառն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:32

Եւ զոսկերսն Յովսեփու հանին որդիքն Իսրայելի յԵգիպտոսէ, եւ թաղեցին զնա ի Սիկիմ, ի բաժնի ագարակին զոր ստացաւ Յակոբ յԱմովրհացւոցն բնակելոցն ի Սիկիմ՝՝ որոջաց հարիւրոց, եւ ետ զայն Յովսեփայ ի բաժնի։

ԴԱՏԱՒՈՐՔ 9:1

Եւ գնաց Աբիմելէք որդի Յերոբաաղայ ի Սիկիմ առ եղբարս մօր իւրոյ, եւ խօսեցաւ ընդ նոսա եւ ընդ ամենայն ազգատոհմի տան հօր մօր իւրոյ եւ ասէ.