ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:11 - Գրաբար Աստվածաշունչ (1895)

¹¹ Եւ եղիցի Մանասէի ընդ Իսաքար եւ ընդ Ասեր, Բեթսան եւ աւանք նորա, եւ Ամբղան եւ աւանք նորա, բնակիչք Ենդովրայ եւ աւանք նորա, եւ բնակիչք Տանաքայ եւ աւանք նորա. եւ բնակիչք Մակեդդովայ եւ աւանք նորա. եւ երրորդ Նափեթայ եւ աւանք նորա՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:11 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 21:12

Եւ չոգաւ Դաւիթ եւ առ զոսկերսն Սաւուղայ եւ զոսկերսն Յովնաթանու որդւոյ նորա յարանց Յաբիսայ Գաղաադու, որ գողացան զնոսա ի հրապարակացն Բեթսանայ. զի արձանացուցին զնոսա անդ այլազգիքն յաւուր յորում հարին զնոսա այլազգիքն ի Գեղբուէ.

ԹԱԳԱՒՈՐՈՒԹԵԱՆՑ ԵՐՐՈՐԴ 9:15

Եւ այս են հանդերձանք աւարին՝՝, զոր եհան արքայ Սողոմոն շինել զտունն Տեառն եւ զտունն արքայի, եւ զՄեղոն եւ զբարձաւանդակսն, խնուլ զխրամս քաղաքին Դաւթի, եւ զԱսուր եւ զՄայդան եւ զպարիսպն Երուսաղեմի, եւ զԵսեր եւ զՄակեդդով եւ զԳազեր,

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:27

Եւ Ոքոզիա արքայ Յուդայ ետես եւ փախեաւ ընդ ճանապարհ Բեթանգանայ. եւ պնդեցաւ զհետ նորա Յէու եւ ասէ. Հապա, եւ զդա եւս։ Եւ եհար զնա ի կառսն մինչդեռ ելանէր ընդ զառ ի վերն Բերայի, որ է Յեբղաամ. եւ փախեաւ ի Մակեդդով, եւ անդ մեռաւ։

ՄՆԱՑՈՐԴԱՑ ԱՌԱՋԻՆ 6:70

Եւ ի կիսոյ ցեղէն Մանասէի զԵներ՝ եւ զզատուցեալսն նորա, եւ զԻբղաամա՝ եւ զզատուցեալսն նորա, ըստ տոհմից որդւոցն Կահաթու մնացորդաց։

ՄՆԱՑՈՐԴԱՑ ԱՌԱՋԻՆ 7:29

եւ մինչեւ ի սահմանս որդւոցն Մանասէի, Բեթսան եւ գեղք նորա, Թանաք եւ գեղք նորա, Գաղաադ եւ գեղք նորա՝՝, Մակեդդով եւ գեղք նորա, Դովր եւ գեղք նորա. ի նոսա բնակեցան որդիքն Յովսեփու՝ որդւոյ Իսրայելի։

ՄՆԱՑՈՐԴԱՑ ԵՐԿՐՈՐԴ 35:22

Եւ ոչ դարձոյց Յովսիա զերեսս իւր ի նմանէ, այլ պատերազմել ընդ նմա զօրացաւ. եւ ոչ լուաւ բանիցն Նեքաւովայ որ ի բերանոյ Տեառն, եւ եկն պատերազմել ի դաշտին Մակեդդովայ։

ԳԻՐՔ ՍԱՂՄՈՍԱՑ 83:10

Ընդունելի՝՝ ես դու մեր, տես, Աստուած, եւ նայեաց յերեսս օծելոյ քո։

ՄԱՐԳԱՐԷՈՒԹԻՒՆ ԵՐԵՄԵԱՅ 49:2

Վասն այդորիկ ահա աւուրք գան, ասէ Տէր, եւ լուր արարից յՌաբովթ որդւոցն Ամոնայ զգոյժ քաղաքացն. եւ եղիցի յանապատ եւ ի կորուստ, եւ բագինք նորա հրով այրեսցին, եւ առցէ Իսրայէլ զիշխանութիւն իւր՝՝, ասէ Տէր։

ՄԱՐԳԱՐԷՈՒԹԻՒՆ ԶԱՔԱՐԵԱՅ 12:11

Յաւուր յայնմիկ սաստկասցի կոծ յԵրուսաղէմ իբրեւ զկոծ նռնենեաց կոտորելոց ի դաշտի՝՝.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:2

եւ առ թագաւորս մեծի Սիդոնայ ի լեռնայինսն, եւ յՌաբաթ հանդէպ Քեներեթայ, եւ ի դաշտայինն եւ ի Նաբեթդովր, եւ ի ծովեզերեայսն,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:21

զթագաւորն Թանաքայ զմի, զթագաւորն Մակեդդովայ զմի,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:23

զթագաւորն Դովրայ զՆափեդովրայ զմի, զթագաւորն Գելիմայ զԳելգելայն զմի,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:9

եւ քաղաքքն զատուցեալք որդւոցն Եփրեմի ի մէջ ժառանգութեան որդւոցն Մանասէի, ամենայն քաղաքք եւ աւանք նոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:10

Ի հարաւակողմն կուսէ Եփրեմայ եւ ի հիւսիսոյ Մանասէի. եւ եղիցի ծովն սահման նոցա. եւ յԱսեր՝ յարեսցին ի հիւսիսոյ կողմանէ, եւ յԻսաքար՝ յարեւելից կողմանէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:16

Եւ ասեն որդիքն Յովսեփայ. Չէ մեզ բաւական լեառնն Եփրեմայ. եւ անդ ընտիր ընտիրք երիվարաց, եւ զէն ամենայն Քանանացւոյն բնակելոյ յերկրի իմում ընդ իս՝՝, ի Բեթսան եւ յաւանս նորա եւ ի ձորն Յեզրայելի։

ԴԱՏԱՒՈՐՔ 1:27

Եւ ոչ ժառանգեաց Մանասէ զԲեթսան որ է Սկիւթուպօլիս՝՝, եւ ոչ զդստերս նորա եւ ոչ զանդաստանս նորա՝՝, եւ ոչ զԹանաք եւ զդստերս նորա, եւ ոչ զբնակիչսն Դովրայ եւ ոչ զշուրջ բնակեալսն զնովաւ՝՝ եւ ոչ զդստերս նորա. եւ ոչ զբնակիչս Բաղակայ եւ ոչ զշուրջ բնակեալսն զնովաւ եւ ոչ զդստերս նորա.՝՝ եւ ոչ զբնակիչս Յեբղամայ եւ ոչ զշուրջ բնակեալսն զնովաւ եւ՝՝ ոչ զդստերս նորա. եւ սկսաւ՝՝ Քանանացին բնակել յերկրին յայնմիկ։

ԴԱՏԱՒՈՐՔ 5:19

Հասին թագաւորք եւ ճակատեցան. յայնժամ տագնապեցան թագաւորք Քանանացւոց ի Թանաք ի վերայ ջրոց Մակեդդովայ. զագահութիւն արծաթոյ ես ոչ առի՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 28:7

Եւ ասէ Սաւուղ ցծառայս իւր. Խնդրեցէք ինձ կին մի վհուկ, եւ երթայց առ նա եւ խնդրեցից նովաւ։ Եւ ասեն ծառայքն նորա ցնա. Ահա է կին մի վհուկ յԱյենդովր։

ԹԱԳԱՒՈՐՈՒԹԵԱՆՑ ԱՌԱՋԻՆ 31:10

Եւ եդին զկարասին նորա յԱստարտիոնն, եւ զմարմինս նոցա՝՝ կախեցին զպարսպէն Բեթսանայ։

ԹԱԳԱՒՈՐՈՒԹԵԱՆՑ ԱՌԱՋԻՆ 31:12

եւ յարեան ամենայն այր զօրութեան եւ գնացին զգիշերն ամենայն, եւ առին զմարմինն Սաւուղայ եւ զմարմինն Յովնաթանու որդւոյ նորա ի պարսպէն Բեթսանայ, եւ բերին զնոսա Յաբիս, եւ այրեցին զնոսա անդ։