ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:11 - Գրաբար Աստվածաշունչ (1895)

¹¹ եւ հատանէ սահմանն ի թիկանց Ակկարոնի ընդ հիւսիսի. եւ հանեն սահմանքն ի Սարքայովնայ, եւ անցանեն առ լերամբ երկրին Բաաղայ, եւ հատանեն ցԱբնեղ. եւ եղիցին ելք սահմանաց նոցա ընդ ծովակողմն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:11 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:16

Եւ խօսեցաւ ընդ նմա եւ ասէ՝՝. Փոխանակ զի առաքեցեր հրեշտակս հարցանել ի Բահաղ զՃանճիկ՝՝ աստուածն Ակկարոնի, որպէս առ ի չգոյէ Աստուծոյ ի մէջ Իսրայելի հարցանել ի նմանէ, ո՞չ այդպէս, այլ՝՝ ի մահիճսդ յոր ելեր՝ մի՛ իջցես այտի, այլ մահու մեռցիս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:6

Եւ ասեն ցնա. Այր մի ել ընդ առաջ մեր, եւ ասէ ցմեզ. Երթայք դարձարուք առ արքայն որ առաքեաց զձեզ, եւ ասասջիք ցնա. այսպէս ասէ Տէր. Առ ի չգոյէ՞ Աստուծոյ ի մէջ Իսրայելի երթաս հարցանել ի Բահաղ զՃանճիկ՝՝ աստուածն Ակկարոնի. ոչ այդպէս. այլ՝՝ ի մահիճսդ յոր ելեր՝ ոչ իջցես այտի, այլ մահու մեռցիս։

ՄՆԱՑՈՐԴԱՑ ԵՐԿՐՈՐԴ 26:6

Եւ ել եւ պատերազմեցաւ ընդ այլազգիս, եւ քակեաց զպարիսպն Գեթայ եւ զպարիսպն Յաբնեայ եւ զպարիսպն Ազովտայ, եւ շինեաց զքաղաքսն Ազովտայ՝՝ ի մէջ այլազգեացն։

ԹԻՒՔ 34:6

Եւ սահմանք ծովուն ձեզ լիցին. ծովն մեծ սահման իցէ, եւ այն լիցին ձեզ սահմանք ծովուն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:10

եւ պատի սահմանն ի Բաաղայ ընդ ծովակողմն Ասարէս ի լեառնն Սէիր, եւ պատի զթիկամբք քաղաքին Յարիմայ ի հիւսիսոյ, այն է Քասղոն. եւ իջուցանէ յԱրեգ քաղաք, եւ անցանէ ի հարաւ՝՝.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:12

Եւ զսահման նոցա ի ծովէ՝ ծովն մեծ զատանէ։ Այս են սահմանք որդւոցն Յուդայ շուրջանակի՝ ըստ տոհմից իւրեանց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:45

Ակկարոն եւ աւանք նորա եւ ագարակք նորա.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:9

եւ հանէ սահմանն ի գլխոյ լերինն յաղբեւր ջրոյն Նափովթայ, եւ հատանէ լեառնն Եփրեմի ի Գայի՝՝. եւ հանէ սահմանն ի Բաաղ, այն է քաղաք Յարիմայ.

ԴԱՏԱՒՈՐՔ 1:18

Եւ ոչ ժառանգեաց Յուդա զԳազա եւ զսահմանս նորա, եւ զԱսկաղոն եւ զսահմանս նորա, եւ զԱկկարոն եւ զսահմանս նորա, եւ զԱզովտոս եւ զանդաստանս նորա։՝՝

ԹԱԳԱՒՈՐՈՒԹԵԱՆՑ ԱՌԱՋԻՆ 17:52

Եւ յարեան արք Իսրայելի եւ Յուդայ, աղաղակեցին եւ յարձակեցան զհետ նոցա մինչեւ ի մուտս Գեթայ՝՝ եւ մինչեւ ի դրունս Ակկարոնի. եւ անկան վիրաւորք այլազգեացն զճանապարհայնն մինչեւ ցդրունս Գեթայ եւ Ակկարոնի։

ԹԱԳԱՒՈՐՈՒԹԵԱՆՑ ԱՌԱՋԻՆ 5:10

Եւ առաքեցին զտապանակն Աստուծոյ յԱսկաղոն. եւ եղեւ ի մտանել տապանակին Աստուծոյ յԱսկաղոն, զբողոք բարձին Ասկաղոնացիքն եւ ասեն. Ընդէ՞ր դարձուցէք՝՝ զտապանակն Աստուծոյ Իսրայելի առ մեզ սպանանել զմեզ եւ զժողովուրդս մեր։

ԹԱԳԱՒՈՐՈՒԹԵԱՆՑ ԱՌԱՋԻՆ 5:8

Եւ առաքեցին ժողովեցին զամենայն նախարարս այլազգեացն առ ինքեանս, եւ ասեն. Զի՞նչ արասցուք տապանակին Աստուծոյ Իսրայելի։ Եւ ասեն Գեթացիքն. Փոխեսցի՝՝ տապանակն Աստուծոյ Իսրայելի առ մեզ՝՝. եւ փոխեցաւ տապանակն Աստուծոյ ի Գէթ։

ԹԱԳԱՒՈՐՈՒԹԵԱՆՑ ԱՌԱՋԻՆ 7:14

Եւ դարձուցին զքաղաքսն զոր առին այլազգիքն յորդւոցն Իսրայելի, եւ ետուն զնոսա անդրէն Իսրայելի, յԱսկաղոնէ մինչեւ ցԳէթ. եւ զսահմանս Իսրայելի հանին՝՝ ի ձեռաց այլազգեացն. եւ էր խաղաղութիւն ի մէջ Իսրայելի եւ ի մէջ Ամովրհացւոցն։