ՄԱՐԳԱՐԷՈՒԹԻՒՆ ՅՈՎԵԼԱՅ 3:6 - Գրաբար Աստվածաշունչ (1895)

⁶ եւ զորդիսն Յուդայ եւ զորդիսն Երուսաղեմի վաճառեցէք որդւոցն Յունաց, զի մերժիցէք զնոսա ի սահմանաց իւրեանց.

ՄԱՐԳԱՐԷՈՒԹԻՒՆ ՅՈՎԵԼԱՅ 3:6 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵԶԵԿԻԵԼԻ 27:13

Յոյնք եւ ամենայն որ շուրջ զնովաւ՝՝ էին մարդավաճառք քո, եւ անօթս պղնձիս ետուն ի վաճառս քո։

ՄԱՐԳԱՐԷՈՒԹԻՒՆ ՅՈՎԵԼԱՅ 3:3

եւ ի վերայ ժողովրդեան իմոյ վիճակս արկանէին, եւ ետուն զպատանեակս կապէնս պոռնկաց, եւ զաղջկունս վաճառէին ընդ գինւոյ եւ ըմպէին։

ՄԱՐԳԱՐԷՈՒԹԻՒՆ ՅՈՎԵԼԱՅ 3:8

եւ մատնեցից զուստերս ձեր եւ զդստերս ձեր ի ձեռս որդւոցն Յուդայ, եւ վաճառեսցեն զնոսա ի գերութիւն յազգ հեռաւոր բացական. զի Տէր խօսեցաւ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:13

Զի լարեցից զքեզ ինձ, Յուդա,՝՝ իբրեւ զաղեղն, լցից եւ զԵփրեմ. եւ զարթուցից զորդիս քո, Սիոն, ի վերայ որդւոցն Յունաց, եւ շօշափեցից զքեզ իբրեւ զսուսեր պողովատիկ պատերազմողի։

ԵՐԿՐՈՐԴՈՒՄՆ ՕՐԻՆԱՑ 28:32

Ուստերք քո եւ դստերք քո մատնեալք ազգի օտարի, եւ աչք քո կկոցեալ հայիցին ի նոսա, եւ ոչ հասանիցէ ձեռն քո։

ԵՐԿՐՈՐԴՈՒՄՆ ՕՐԻՆԱՑ 28:68

Եւ դարձուսցէ զքեզ Տէր անդրէն յԵգիպտոս նաւօք հազարաւոր զօրօք. եւ՝՝ ընդ ճանապարհ ընդ նոյն՝ ոչ յաւելեցուք՝՝ տեսանել զնա. եւ վաճառեսջիք անդ թշնամեաց ձերոց ի ծառայս եւ յաղախնայս, եւ ոչ ոք իցէ որ գնիցէ։