ԳԻՐՔ ՅՈԲԱՅ 6:25 - Գրաբար Աստվածաշունչ (1895)

²⁵ Այլ ուրեմն խոտան են բանք ճշմարտի. քանզի ոչ եթէ ի ձէնջ խնդրեմ զօրութիւն։

ԳԻՐՔ ՅՈԲԱՅ 6:25 ပူးပေါင်းရင်းမြစ်များ

ԳԻՐՔ ՅՈԲԱՅ 13:5

Եղիցի ձեզ համրանալ, եւ համարեալ լիցի ձեզ յիմաստութիւն։

ԳԻՐՔ ՅՈԲԱՅ 21:34

Եւ զիար՞դ մխիթարեցէք զիս սնոտեօք, եւ ինձ ձեւք դադարելն ոչ ինչ է՝՝։

ԳԻՐՔ ՅՈԲԱՅ 24:25

Ապա թէ իցէ ոք որ ասիցէ զինէն՝ սուտ խօսել, դիցէ զբանս իմ յոչինչ։՝՝

ԳԻՐՔ ՅՈԲԱՅ 27:12

Ահաւասիկ ամենեքին իսկ գիտէք, զի՞ սնոտիս զսնոտւովք պատէք։

ԳԻՐՔ ՅՈԲԱՅ 32:3

Եւ ի վերայ երեցուն բարեկամացն բարկացաւ յոյժ, զի ոչ կարացին տալ պատասխանի ընդդէմ Յոբայ. եւ եդեալ զնա լինել ամպարիշտ։

ԳԻՐՔ ՅՈԲԱՅ 4:4

եւ զհիւանդացեալս կանգնեցեր բանիւք, եւ ծնկաց կթուցելոց քաջալերութիւն զգեցուցեր,

ԳԻՐՔ ՅՈԲԱՅ 6:24

Ուսուցէք զիս՝ եւ ես լռեցից. եւ եթէ մոլորեալ ինչ իցեմ, արարէք զիս խելամուտ։

ԳԻՐՔ ՅՈԲԱՅ 6:26

Եւ ոչ կշտամբանք բանից ձերոց լռեցուցանեն զիս, եւ ոչ բարբառոյ բանից ձերոց անսացից։

ԱՌԱԿՔ ՍՈՂՈՄՈՆԻ 12:18

Են՝ որ բանիւք իւրեանց խոցեն որպէս սրով, բայց լեզուք իմաստնոց բժշկեն։

ԱՌԱԿՔ ՍՈՂՈՄՈՆԻ 15:23

եւ ոչ հնազանդի նմա անզգամ. եւ ոչ ասիցէ դիպօղ ինչ եւ բարի հասարակաց։

ԱՌԱԿՔ ՍՈՂՈՄՈՆԻ 18:21

Մահ եւ կեանք ի ձեռս լեզուի, եւ որ յաղթէ նմա՝՝ կերիցէ զպտուղ նորա։

ԱՌԱԿՔ ՍՈՂՈՄՈՆԻ 25:11

Ոսկի խնձոր ընդ սարդիոն յեռեալ, այնպէս է խօսել բանս իմաստունս։