ԳԻՐՔ ՅՈԲԱՅ 24:5 - Գրաբար Աստվածաշունչ (1895)

⁵ Վասն իմ ծախեցին զգործ իւրեանց, քաղցրացաւ նոցա հաց ընդ լկտիս։

ԳԻՐՔ ՅՈԲԱՅ 24:5 ပူးပေါင်းရင်းမြစ်များ

ԾՆՈՒՆԴՔ 16:12

Եւ նա եղիցի այր վայրագ. ձեռք նորա յամենեսին, եւ ձեռք ամենեցուն ի նա. եւ յանդիման ամենայն եղբարց իւրոց բնակեսցէ։

ԾՆՈՒՆԴՔ 27:40

եւ սրով քով կեցցես. եւ եղբօր քում ծառայեսցես. եւ եղիցի յորժամ քակեսցես, եւ լուծցես զլուծ նորա ի պարանոցէ քումմէ։

ԳԻՐՔ ՅՈԲԱՅ 12:6

Սակայն մի՛ ոք որ չար իցէ՝ յուսասցի անպարտ լինել. ամենայն որ միանգամ բարկացուցանեն զՏէր, միթէ ո՞չ լինիցի նոցա խնդիրք։՝՝

ԳԻՐՔ ՅՈԲԱՅ 24:14

Ծանուցեալ զգործս նոցա՝ մատնեաց զնոսա ի խաւար, եւ զցայգ եղիցին իբրեւ զգողս։

ԳԻՐՔ ՅՈԲԱՅ 24:6

Զանդ տհաս որ ոչ իւրեանց էր՝ հնձեցին, տկարք զայգիս ամպարշտաց անհաց եւ անվարձ գործեցին։

ԳԻՐՔ ՅՈԲԱՅ 5:5

Զի զոր նոքայն ժողովեցին արդարք կերիցեն, եւ նոքա մի՛ եղիցին ապրեալք ի չարեաց. ծծեսցի զօրութիւն նոցա՝՝։

ԳԻՐՔ ՍԱՂՄՈՍԱՑ 104:23

Եմուտ Իսրայէլ յԵգիպտոս, Յակոբ պանդխտեցաւ յերկիր Քամայ։

ԱՌԱԿՔ ՍՈՂՈՄՈՆԻ 4:16

Զի ոչ ննջեն, եթէ ոչ չար գործիցեն. բարձեալ է քուն նոցա՝ եւ ոչ ննջեն՝՝.

ՄԱՐԳԱՐԷՈՒԹԻՒՆ ԵՐԵՄԵԱՅ 2:24

Ընդ երեկոյս ձայն լալոյ նորա գուժեաց ի ճանապարհս իւր. յաճախեաց ի ջուրս անապատի. ըստ ցանկութեան անձին իւրոյ այսաբեկ լինէր. մատնեցաւ, եւ՝՝ ո՞ դարձուսցէ զնա. ամենեքեան որ խնդրիցեն զնա՝ ոչ աշխատեսցին. ի տառապանս նորա գտցես զնա։

ՄԱՐԳԱՐԷՈՒԹԻՒՆ ՈՎՍԵԱՅ 7:6

Զի բորբոքեցան իբրեւ զհնոց սիրտք նոցա յանիծանել զնոսա. զգիշերն ամենայն քնով յագեցաւ Եփրեմ. եղեւ առաւօտ, եւ բորբոքեցան՝՝ իբրեւ զբոց հրոյ։

ՄԱՐԳԱՐԷՈՒԹԻՒՆ ՈՎՍԵԱՅ 8:9

Զի գնացին առ Ասորեստանեայս. զուարթացաւ առանձինն Եփրեմ, սիրեաց զկաշառս։

ՄԱՐԳԱՐԷՈՒԹԻՒՆ ՄԻՔԻԱՅ 2:1

Եղեն խորհել զվաստակս՝՝, եւ գործեն զչարիս յանկողինս իւրեանց, եւ ընդ այգ ընդ լոյսն զնոյն կատարէին. զի ոչ ամբարձին զձեռս իւրեանց առ Աստուած՝՝։

ՄԱՐԳԱՐԷՈՒԹԻՒՆ ՍՈՓՈՆԻԱՅ 3:3

Իշխանք նորա իբրեւ առիւծունք գոչեսցեն՝՝ եւ դատաւորք նորա իբրեւ զգայլս Արաբացւոց՝ որ ոչ թողուն ինչ ի վաղիւ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 18:28

Եւ ածին զՅիսուս ի վանացն Կայիափայ յապարանս դատաւորին, եւ էր այգուց. եւ նոքա ոչ մտին յապարանսն, զի մի՛ պղծեսցին, այլ զի ուտիցեն զզատիկն։

ԳՈՐԾՔ ԱՌԱՔԵԼՈՑ 23:12

Եւ իբրեւ այգ եղեւ, արարեալ ժողով Հրէիցն՝՝ նզովեցին զանձինս, ոչ ուտել եւ ոչ ըմպել մինչեւ սպանցեն զՊաւղոս։