ԳԻՐՔ ՅՈԲԱՅ 20:19 - Գրաբար Աստվածաշունչ (1895)

¹⁹ Զի զբազում տկարաց տունս խորտակեաց, եւ զյարկս յափշտակեաց եւ ոչ հաստատեաց։

ԳԻՐՔ ՅՈԲԱՅ 20:19 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 21:19

եւ խօսեսցիս ընդ նմա եւ ասասցես. Այսպէս ասէ Տէր. Որպէս սպաներ եւ ժառանգեցեր. վասն այդորիկ՝՝ այսպէս ասէ Տէր. Ի տեղւոջ ուր լափեցին շունք եւ խոզք՝՝ զարիւն Նաբովթայ, անդ լափեսցեն զարիւն քո եւ բոզք լուասցին յարեան քում՝՝։

ԳԻՐՔ ՅՈԲԱՅ 18:15

Բնակեսցէ ի յարկի նորա ի գիշերի իւրում. ցրուեսցին վայելչութիւնք նորա ծծըմբով։՝՝

ԳԻՐՔ ՅՈԲԱՅ 22:6

Գրաւեցեր դու զեղբարս քո տարապարտուց, եւ զզգեստ մերկոց զերծեր։

ԳԻՐՔ ՅՈԲԱՅ 35:9

Ի բազմութենէ զրպարտեալք աղաղակեսցեն, աղաղակեսցեն ի բազկէ բազմաց։

ԳԻՐՔ ՍԱՂՄՈՍԱՑ 12:5

Մի՛ ասասցէ թշնամին իմ թէ՝ Յաղթեցի նմա, կամ նեղիչք իմ ցնծասցեն թէ ես սասանեցայց։

ԳԻՐՔ ՍԱՂՄՈՍԱՑ 12:6

Ես յողորմութիւնս քո, Տէր, յուսացայ, ցնծացաւ սիրտ իմ ի փրկութեան քում. օրհնեցից զՏէր, զԲարերարդ իմ։

ԱՌԱԿՔ ՍՈՂՈՄՈՆԻ 14:31

Որ զրպարտէ զտնանկն՝ բարկացուցանէ զԱրարիչ նորա. եւ որ պատուէ զՆա՝ ողորմի աղքատի։

ԺՈՂՈՎՕՂ 4:1

Դարձայ եւ տեսի ես զամենայն զրպարտութիւնս որ լինին ընդ արեգակամբ, եւ ահա արտասուք զրպարտելոցն, եւ ոչ ոք էր որ մխիթարէր զնոսա. եւ ի ձեռս զրպարտչաց նոցա բռնութիւնք՝՝։

ԺՈՂՈՎՕՂ 5:8

Ի վերայ ամենայնի՝ է թագաւոր ի վերայ անդոյն գործելոյ. եւ լիջիր դու հաւատարիմ յամենայնէ ի ծանր յափշտակելոյ անտի։՝՝

ՈՂԲՔ 3:34

Խոնարհեցուցանել ի ներքոյ ոտից նորա զամենայն կապեալս երկրի, մատնել զմարդ ի դատաստանի Տեառն,

ՄԱՐԳԱՐԷՈՒԹԻՒՆ ԵԶԵԿԻԵԼԻ 22:29

զժողովուրդ երկրին տառապեցուցանէին անիրաւութեամբ, եւ յափշտակէին յափշտակութիւնս. զաղքատն եւ զտնանկն բռնադատէին, ընդ պանդխտին իրաւամբք ոչ գնային։

ՄԱՐԳԱՐԷՈՒԹԻՒՆ ԱՄՈՎՍԱՅ 5:11

Վասն այնորիկ փոխանակ զի կռփէիք զաղքատս եւ կաշառս ընտրանաւ առնուիք ի նոցանէն, ապարանս զարդարեալս շինեսջիք, եւ մի՛ բնակեսջիք ի նոսա, այգիս ցանկալիս տնկեսջիք, եւ զգինի նոցա մի՛ արբջիք։

ՄԱՐԳԱՐԷՈՒԹԻՒՆ ԱՄՈՎՍԱՅ 5:12

Զի գիտացի ես զբազում ամպարշտութիւնս ձեր. եւ սաստիկ են մեղք ձեր. առ ոտն կոխէիք զարդարն առնլով փոխանակս, եւ խոտորեցուցանէիք զաղքատն ի դրունս։

ՄԱՐԳԱՐԷՈՒԹԻՒՆ ՄԻՔԻԱՅ 2:2

Ցանկային անդոց, եւ յափշտակէին, զորբս եւ զտունս բռնադատէին, յափշտակէին՝՝ զայր եւ զտուն նորա, զայր եւ զժառանգութիւն նորա։

ՄԱՐԳԱՐԷՈՒԹԻՒՆ ՄԻՔԻԱՅ 2:9

Վասն այնորիկ առաջնորդք ժողովրդեան իմոյ անկցին ի տանց փափկութեանց իւրեանց. վասն չարութեան գնացից իւրեանց մերժեցան. մերձեցարուք ի լերինսն յաւիտենից։

ԵՐԿՐՈՐԴՈՒՄՆ ՕՐԻՆԱՑ 28:33

Զբերս երկրի քո եւ զամենայն վաստակս քո կերիցէ ազգ զոր դու ոչ գիտիցես, եւ եղիցես զրկեալ եւ խորտակեալ զամենայն աւուրս.

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:13

Զի անողորմ դատաստան լինելոց է այնմ որ ոչ առնիցէ զողորմութիւն, քանզի բարձր ի գլուխ պարծի ողորմութիւն առ դատաստանաւն։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:6

Եւ դուք անարգէք զաղքատս. ոչ մեծատունք յաղթահարեն զձեզ, եւ նոքա քարշեն զձեզ ի դատաստան։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 5:4

Ահաւասիկ վարձք մշակաց որ գործեն զանդս ձեր, առ ձեզ են,՝՝ զրկեալն ի ձէնջ, աղաղակէ, եւ բողոք հնձողացն եհաս յականջս Տեառն զօրութեանց։