ԳԻՐՔ ՅՈԲԱՅ 19:5 - Գրաբար Աստվածաշունչ (1895)

⁵ Թողցուք զայդ որ յիմ վերայ մեծաբանեալ էք, եւ յարձակեալ էք ի վերայ իմ նախատանօք։

ԳԻՐՔ ՅՈԲԱՅ 19:5 ပူးပေါင်းရင်းမြစ်များ

ԳԻՐՔ ՆԷԵՄԵԱՅ 1:3

Եւ ասեն ցիս. Զերծեալքն ի գերութենէն են անդէն յաշխարհին իւրեանց ի մեծ նեղութեան եւ ի նախատինս. եւ պարիսպքն Երուսաղեմի կան նոյնպէս քակեալ եւ աւերեալ, եւ դրունք նորա հրկիզեալ հրով։

ԳԻՐՔ ՅՈԲԱՅ 19:4

Այո, արդարեւ ես մոլորեցայ եւ յիս հանգուցեալ է մոլորութիւն, խօսել բան զոր ոչ է արժան. եւ բանք իմ մոլորեալ են՝ եւ ոչ են ի դէպ ժամանակի։

ԳԻՐՔ ՍԱՂՄՈՍԱՑ 41:11

Ի փշրել ոսկերաց իմոց նախատեցին զիս թշնամիք իմ, յասել ցիս զօրհանապազ թէ՝ Ո՞ւր է Աստուած քո։

ԳԻՐՔ ՍԱՂՄՈՍԱՑ 55:12

Յինէն են ուխտք իմ, զոր տաց քեզ, Աստուած, օրհնութեամբ։՝՝

ԳԻՐՔ ՍԱՂՄՈՍԱՑ 55:13

Փրկեցեր զանձն իմ ի մահուանէ, զաչս իմ յարտասուաց, եւ զոտս իմ ի գայթակղութենէ. հաճոյ եղէց առաջի Տեառն յերկրին կենդանեաց՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 4:1

Եւ բուռն հարկանիցեն եւթն կին զառնէ միոջէ եւ ասիցեն. Հաց՝ զմեր կերիցուք, եւ հանդերձ՝ զմեր զգեցցուք, բայց միայն անուն քո կոչեսցի ի վերայ մեր. բարձ ի մէնջ զնախատինս մեր։

ՄԱՐԳԱՐԷՈՒԹԻՒՆ ՄԻՔԻԱՅ 7:8

Մի՛ ոտնհար լինիր ինձ, թշնամի իմ, զի գլորեցայ, միւսանգամ կանգնեցայց. զի թէ նստայց ի խաւարի՝ Տէր է իմ լոյս։

ՄԱՐԳԱՐԷՈՒԹԻՒՆ ՍՈՓՈՆԻԱՅ 2:10

Եւ այն նոցա փոխանակ հպարտութեան նոցա, զի նախատեցին եւ մեծաբանեցին ի վերայ Տեառն ամենակալի։

ՄԱՐԳԱՐԷՈՒԹԻՒՆ ԶԱՔԱՐԵԱՅ 12:7

Եւ ապրեցուսցէ Տէր զյարկսն Յուդայ որպէս եւ ի սկզբանէն՝՝. զի մի՛ մեծաբանեսցեն պարծանք տանն Դաւթի, եւ հպարտութիւն բնակչաց Երուսաղեմի ի վերայ տանն Յուդայ։

ԱՒԵՏԱՐԱՆ ԸՍՏ ՂՈՒԿԱՍՈՒ 1:25

Զի՜նչ գործ գործեաց ընդ իս Տէր յաւուրս յորս հայեցաւ յիս բառնալ զնախատինս իմ ի մարդկանէ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 9:2

եւ հարցին ցնա աշակերտքն նորա եւ ասեն. Ռաբբի, ո՞յր վնաս է, սորա՞ թէ հօր եւ մօր իւրոյ, զի կոյր ծնցի։

ԱՒԵՏԱՐԱՆ ԸՍՏ ՅՈՎՀԱՆՆՈՒ 9:34

Պատասխանի ետուն եւ ասեն ցնա. Ի մեղս իսկ ծնեալ ես ամենեւին, եւ դու վարդապե՞տ լինիս մեր։ Եւ հանին զնա արտաքս։

ԹԱԳԱՒՈՐՈՒԹԵԱՆՑ ԱՌԱՋԻՆ 1:6

զի ոչ ետ նմա որդի՝ ըստ նեղութեան իւրում եւ ըստ տրտմութեան անձին իւրոյ. եւ տրտմեալ էր վասն այնորիկ՝՝. զի փակեաց Տէր զարգանդ նորա առ ի չտալոյ նմա որդի՝՝։