ԳԻՐՔ ՅՈԲԱՅ 11:14 - Գրաբար Աստվածաշունչ (1895)

¹⁴ Ապա թէ իցէ ի ձեռին քում անօրէնութիւն, հեռի արա զայն ի քէն, եւ անօրէնութիւն ի յարկի քում մի՛ ագցի։

ԳԻՐՔ ՅՈԲԱՅ 11:14 ပူးပေါင်းရင်းမြစ်များ

ԾՆՈՒՆԴՔ 4:7

Ո՞չ ապաքէն եթէ ուղիղ մատուցանես, եւ ուղիղ ոչ բաժանես՝ մեղար. լուռ լեր, առ քեզ լիցի դարձ՝՝ նորա, եւ դու տիրեսցես նմա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:13

Եւ եդ վկայութիւն Տէր ընդ Իսրայելի եւ ընդ Յուդայ ի ձեռն ամենայն մարգարէից իւրոց, ամենայն տեսանողաց, եւ ասէ. Դարձարուք ի ճանապարհաց ձերոց չարաց, եւ պահեցէք զպատուիրանս իմ եւ զիրաւունս իմ եւ զամենայն օրէնս՝՝ զոր պատուիրեցի հարց ձերոց, զորս առաքեցի առ ձեզ ի ձեռն ծառայից իմոց մարգարէից։

ԳԻՐՔ ՅՈԲԱՅ 22:23

Եւ եթէ դարձցիս եւ խոնարհեցուսցես զանձն քո առաջի Տեառն,՝՝ հեռի արարեր ի յարկէ քումմէ զանիրաւութիւն։

ԳԻՐՔ ՅՈԲԱՅ 22:5

Ո՞չ ապաքէն չարութիւն քո բազում է, եւ անթիւ են մեղք քո։

ԳԻՐՔ ՅՈԲԱՅ 34:32

եթէ տեսեր՝ ցոյց ինձ, եւ՝՝ եթէ անիրաւութիւն արարի, այլ ոչ յաւելից։

ԳԻՐՔ ՅՈԲԱՅ 4:7

Արդ յիշեա, ո՞ ոք որ սուրբ էր՝ կորեաւ, կամ ճշմարիտք արմատաքի երբեք խլեցա՞ն։

ԳԻՐՔ ՅՈԲԱՅ 8:6

եթէ սուրբ եւ ճշմարիտ իցես՝ աղօթից քոց լուիցէ, դարձուսցէ քեզ զյարկն արդարութեան.

ԳԻՐՔ ՍԱՂՄՈՍԱՑ 101:2

Տէր, լուր աղօթից իմոց, աղաղակ իմ առ քեզ եկեսցէ։

ՄԱՐԳԱՐԷՈՒԹԻՒՆ ԵՍԱՅԵԱՅ 1:15

Յորժամ համբառնայցէք զձեռս ձեր՝ դարձուցից զերեսս իմ ի ձէնջ, եւ եթէ յաճախիցէք յաղօթս՝ ոչ լուայց ձեզ. զի ձեռք ձեր լի են արեամբ։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 4:8

Մերձեցարուք առ Աստուած, եւ մերձեսցի առ ձեզ. սրբեցէք զձեռս, մեղաւորք, եւ ուղիղ արարէք զսիրտս, երկմիտք.

ԹԱԳԱՒՈՐՈՒԹԵԱՆՑ ԱՌԱՋԻՆ 7:3

Եւ խօսեցաւ Սամուէլ ընդ ամենայն տանն Իսրայելի եւ ասէ. Թէ յամենայն սրտէ ձերմէ դարձեալ էք առ Տէր, ի բաց արարէք զաստուածսն օտարոտիս ի միջոյ ձերմէ եւ զանտառսն, եւ պատրաստեցէք զսիրտս ձեր առ Տէր, եւ ծառայեցէք նմա միայնոյ, եւ փրկեսցէ զձեզ ի ձեռաց այլազգեացն։