ԳԻՐՔ ՅՈԲԱՅ 1:3 - Գրաբար Աստվածաշունչ (1895)

³ Եւ էին խաշինք նորա՝ եւթն հազար ոչխար, ուղտք երեք հազարք, լուծք եզանց հինգ հարեւր, եւ էշք մատակք արօտականք հինգ հարեւր. եւ սպասք բազում յոյժ, եւ գործք մեծամեծք էին նորա ի վերայ երկրի.՝՝ եւ էր այրն այն ազնուական քան զամենայն արեւելեայսն։

ԳԻՐՔ ՅՈԲԱՅ 1:3 ပူးပေါင်းရင်းမြစ်များ

ԾՆՈՒՆԴՔ 12:16

Եւ Աբրամու բարիս առնէին վասն նորա. եւ եղեն նորա խաշինք, անդեայք եւ էշք, ծառայք եւ աղախնայք, ջորիք եւ ուղտք։

ԾՆՈՒՆԴՔ 12:5

Եւ առ Աբրամ զՍարա զկին իւր, եւ զՂովտ զեղբօրորդի իւր, եւ զամենայն զինչս իւրեանց զոր ստացան, եւ զամենայն ոգիս զոր ստացան ի Խառան, եւ ելին գնալ յերկիրն Քանանացւոց. եւ եկին յերկիրն Քանանու։

ԾՆՈՒՆԴՔ 13:6

Եւ ոչ բաւէր նոցա երկիրն բնակելոյ ի միասին. զի էին նոցա ստացուածք բազումք, եւ ոչ կարէին բնակել ի միասին։

ԾՆՈՒՆԴՔ 24:35

եւ Տէր օրհնեաց զտէր իմ յոյժ, եւ բարձրացաւ. եւ ետ նմա արջառ եւ ոչխար եւ արծաթ եւ ոսկի, ծառայս եւ աղախնայս, ուղտս եւ էշս։

ԾՆՈՒՆԴՔ 25:6

Եւ որդւոց հարճիցն իւրոց որ էին Աբրահամու՝ ետ Աբրահամ պարգեւս, եւ արձակեաց զնոսա յԻսահակայ որդւոյ իւրոյ, մինչդեռ ինքն կենդանի էր, ընդ արեւելս՝ յերկիրն արեւելից։

ԾՆՈՒՆԴՔ 29:1

Եւ զոտս իւր ամբարձեալ Յակոբայ գնալ յերկիրն արեւելից, առ Լաբան որդի Բաթուելի Ասորւոյ, եղբայր Ռեբեկայ, մօր Յակոբայ եւ Եսաւայ։՝՝

ԾՆՈՒՆԴՔ 32:14

այծս երկերիւր, քաղս քսան, մաքիս երկերիւր, խոյս քսան,

ԾՆՈՒՆԴՔ 34:23

Եւ ինչք նոցա եւ անասուն նոցա եւ չորքոտանի նոցա ո՞չ ապաքէն մեր լինիցի. բայց այնու եւեթ նմանեսցուք նոցա, եւ բնակեսցեն ի միջի մերում։

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:2

Եւ մեծատանն էին հօտք եւ անդեայք բազում յոյժ,

ԹԱԳԱՒՈՐՈՒԹԵԱՆՑ ԵՐՐՈՐԴ 4:30

Եւ բազմացաւ իմաստութիւնն Սողոմոնի յոյժ քան զհանճար ամենայն նախնեաց մարդկան՝՝ եւ քան զամենայն իմաստնոց Եգիպտոսի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 15:20

Եւ արկ Մանայեմ զարծաթն ի վերայ Իսրայելի, ի վերայ ամենայն զօրաւորի զօրութեամբ՝ տալ արքային Ասորեստանեայց յիսուն սիկղ արծաթոյ առ այր մի, եւ դարձաւ արքայն Ասորեստանեայց, եւ ոչ եկաց յերկրին։

ԹԱԳԱՒՈՐՈՒԹԵԱՆՑ ՉՈՐՐՈՐԴ 3:4

Եւ Մովսա արքայ Մովաբայ էր նեկաթ, եւ տայր արքային Իսրայելի հարկս՝ հարեւր հազար մաքեաց եւ հարեւր հազար խոյոց գեղմնաւորաց։

ՄՆԱՑՈՐԴԱՑ ԱՌԱՋԻՆ 27:30

եւ ի վերայ ուղտուցն՝ Ուբիաս Իսմայելացի. եւ ի վերայ իշոցն՝ Յադիաս Մարաթովնացի.

ՄՆԱՑՈՐԴԱՑ ԵՐԿՐՈՐԴ 26:10

Եւ շինեաց աշտարակս յանապատին, եւ փորեաց ջրհորս բազումս, վասն զի անասուն բազում էր նորա ի Սեփեղա եւ ի դաշտին, եւ այգեգործք ի լերինն եւ ի Կարմեղոս. քանզի սիրէր զերկրագործութիւն։

ՄՆԱՑՈՐԴԱՑ ԵՐԿՐՈՐԴ 32:29

Եւ քաղաքս զոր շինեաց իւր, եւ պատրաստութիւն խաշանց եւ արջառոց բազում. վասն զի ետ նմա Տէր ստացուածս բազումս յոյժ։

ԳԻՐՔ ՅՈԲԱՅ 1:10

ո՞չ դու ամրացուցեր զարտաքին նորա եւ զներքին տան նորա, եւ որ ինչ միանգամ արտաքոյ շուրջ զնովաւ է. զգործս ձեռաց նորա օրհնեցեր, եւ զանասուն նորա բազմացուցեր ի վերայ երկրի։

ԳԻՐՔ ՅՈԲԱՅ 1:4

Միաբանեալ գային որդիք նորա առ միմեանս, առնէին խրախութիւն զօրհանապազ, առեալ ընդ իւրեանս եւ զերեսին քորսն իւրեանց՝ ուտել եւ ըմպել ընդ նոսա։

ԳԻՐՔ ՅՈԲԱՅ 21:28

Արդ ասացէք թէ՝ Ո՞ւր է տուն իշխանին. եւ ո՞ւր է յարկ բնակութեան ամպարշտաց։

ԳԻՐՔ ՅՈԲԱՅ 29:25

Ընտրէի զճանապարհս նոցա, եւ նստէի իշխան, եւ բնակէի իբրեւ զթագաւոր ի մէջ զօրականաց. զոր օրինակ գրգանօքն մխիթարէի՝՝։

ԳԻՐՔ ՅՈԲԱՅ 31:25

եթէ ուրախ եղէ ի բազում մեծութեան եկելոց ինձ, եթէ ի վերայ անթուոց եդի զձեռն իմ.

ԳԻՐՔ ՅՈԲԱՅ 31:37

եւ ո՞չ պատառէի զայն եւ անդրէն դարձուցանէի, ոչ ինչ առեալ ի պարտականէն։

ԳԻՐՔ ՅՈԲԱՅ 42:10

Եւ Տէր աճեցոյց զՅոբ. եւ՝՝ յառնել նորա աղօթս ի վերայ բարեկամացն՝ եթող զմեղս նոցա՝՝։ Եւ ետ Տէր կրկին քան որչափ ինչ էրն յառաջագոյն Յոբայ ի յաճախութիւն։

ԳԻՐՔ ՅՈԲԱՅ 42:12

Եւ Տէր օրհնեաց զվերջինն Յոբայ քան զառաջինն. եւ էին խաշինք նորա՝ ոչխարք բեւր եւ չորեքհազար, ուղտք վեց հազարք, լուծք եզանց հազար, էշք մատակք արօտականք հազար։

ԱՌԱԿՔ ՍՈՂՈՄՈՆԻ 10:22

Օրհնութիւն Տեառն՝ ի գլուխս արդարոց. եւ՝՝ նոյն մեծացուցանէ, եւ ոչ եւս յաւելու տրտմութիւն ի սիրտ նորա։

ՄԱՐԳԱՐԷՈՒԹԻՒՆ ԵՐԵՄԵԱՅ 49:28

Ի վերայ Կեդարու, ի վերայ տիկնոջ հանգրուանին՝՝, զոր եհար Նաբուքոդոնոսոր արքայ Բաբելացւոց, այսպէս ասէ Տէր. Արիք, ելէք ի վերայ Կեդարու, եւ հարէք զորդիսն Կեդեմայ։

ԹԻՒՔ 23:7

Եւ եղեւ Հոգի Աստուծոյ ի վերայ նորա եւ՝՝ ամբարձեալ զառակս իւր ասէ. Ի Միջագետաց կոչեաց զիս Բաղակ արքայ Մովաբացւոց, ի լերանցն արեւելից, եւ ասէ. Եկ նզովեա դու ինձ զՅակոբ, եւ եկ անէծ ինձ զԻսրայէլ։

ԴԱՏԱՒՈՐՔ 6:3

Եւ լինէր իբրեւ վարէր այր Իսրայելի, ելանէր Մադիամ եւ Ամաղէկ եւ որդիքն արեւելեայց, հասանէին ի վերայ նոցա.

ԴԱՏԱՒՈՐՔ 6:5

Զի ինքեանք եւ խաշինք իւրեանց ելանէին, եւ զվրանս իւրեանց բերէին, եւ հասանէին իբրեւ զմարախ բազմութեամբ. եւ ոչ գոյր թիւ նոցա եւ ուղտուց իւրեանց. եւ հասանէին յերկիրն Իսրայելի ապականել զնա։

ԴԱՏԱՒՈՐՔ 7:12

Եւ Մադիամ եւ Ամաղէկ եւ ամենայն որդիքն արեւելեայց բանակեալ էին ի ծործորսն իբրեւ զմարախ բազմութեամբ. եւ ուղտուց նոցա ոչ գոյր թիւ, այլ էին իբրեւ զաւազ առ եզերբ ծովու բազմութեամբ։

ԴԱՏԱՒՈՐՔ 8:10

Եւ Զեբէի եւ Սաղմանա էին ի Կարկար, եւ բանակ նոցա ընդ նոսա, իբրեւ հնգետասան հազար այր ընդ ամենայն՝ որ մնացեալ էին յամենայն բանակէ որդւոցն արեւելից. եւ անկեալք էին հարեւր եւ քսան հազար արանց սուսերամերկաց։

ԹԱԳԱՒՈՐՈՒԹԵԱՆՑ ԱՌԱՋԻՆ 25:2

Եւ էր այր մի ի Մաոն, եւ հօտք իւր՝՝ ի Կարմեղոս, եւ այրն մեծատուն էր յոյժ. եւ նորա էին ոչխարք երեք հազարք, եւ այծք հազար. եւ եղեն կտուրք հօտիցն ի Կարմեղոս։

ԹԱԳԱՒՈՐՈՒԹԵԱՆՑ ԱՌԱՋԻՆ 27:9

Եւ հարկանէր Դաւիթ զերկիրն, եւ ոչ ապրեցուցանէր զայր եւ զկին. եւ առնոյր հօտս եւ անդեայս եւ էշս եւ ուղտս եւ հանդերձս, եւ դառնայր եւ գայր առ Անքուս։