ԳԻՐՔ ՅՈԲԱՅ 1:19 - Գրաբար Աստվածաշունչ (1895)

¹⁹ յանկարծակի հողմն մեծ եկն յանապատէ եւ եհար զչորեսին անկիւնս տանն, եւ անկաւ տունն ի վերայ որդւոցն քոց եւ վախճանեցան. ես միայն ապրեալ՝ եկի պատմել քեզ։

ԳԻՐՔ ՅՈԲԱՅ 1:19 ပူးပေါင်းရင်းမြစ်များ

ԾՆՈՒՆԴՔ 42:36

Եւ ասէ ցնոսա Յակոբ հայրն իւրեանց. Զիս անորդի արարէք. Յովսէփ չէ ի միջի, Շմաւոն չէ ի միջի, եւ զԲենիամին եւս առնուցուք. յիմ վերայ եկն այս ամենայն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 18:33

Եւ խռովեցաւ արքայ եւ ել ի վերնատուն դրանն եւ ելաց. եւ այսպէս ասէր ի լալ իւրում. Որդեակ իմ Աբիսողոմ, Աբիսողոմ որդեակ իմ, ո՛ տայր զմահ իմ փոխանակ քո. ես փոխանակ քո,՝՝ Աբիսողոմ որդեակ իմ, որդեակ իմ Աբիսողոմ։

ԹԱԳԱՒՈՐՈՒԹԵԱՆՑ ԵՐՐՈՐԴ 20:30

եւ մնացեալքն փախեան յԱփեկա ի քաղաքն իւրեանց, եւ անկաւ պարիսպն ի վերայ քսան եւ եւթն հազար արանց մնացելոց. եւ որդին Ադերայ՝՝ փախեաւ եւ եմուտ ի տուն իւր՝՝ սենեակ ի սենեկէ։

ԳԻՐՔ ՅՈԲԱՅ 1:18

Եւ մինչդեռ նա խօսէր, այլ հրեշտակ գայր եւ ասէր ցՅոբ. Մինչդեռ ուստերքն քո եւ դստերք ուտէին եւ ըմպէին առ երիցու եղբօրն իւրեանց,

ԳԻՐՔ ՅՈԲԱՅ 1:20

Ապա յարուցեալ Յոբ պատառեաց զհանդերձս իւր, եւ կտրեաց զվարսս գլխոյ իւրոյ, եւ անկեալ ի գետին երկիր եպագ Տեառն,

Մատթեոսի Աւետարան 7:27

իջին անձրեւք, յարեան գետք, շնչեցին հողմք, հարին զտունն, եւ անկաւ. եւ էր կործանումն նորա մեծ յոյժ։

ԳՈՐԾՔ ԱՌԱՔԵԼՈՑ 28:4

Եւ իբրեւ տեսին բարբարոսքն կախեալ զգազանն զձեռանէ նորա, ասէին ցմիմեանս. Ուրեմն սպանող է այրս այս, որ թէպէտեւ ապրեցաւ ի ծովէն, իրաւունքն չետուն կեալ։

ԱՌ ԵՓԵՍԱՑԻՍ ԹՈՒՂԹ 2:2

յորս երբեմն գնայիք ըստ յաւիտենի աշխարհիս այսորիկ, ըստ իշխանին իշխանութեան օդոյս, այսոյ՝ որ այժմս ընդմտեալ է յորդիսն ապստամբութեան.

ԴԱՏԱՒՈՐՔ 16:30

Եւ ասէ Սամփսոն. Մեռցի անձն իմ ընդ այլազգիսս։ Եւ շարժեաց զօրութեամբ. եւ անկաւ տունն ի վերայ ամենայն նախարարացն եւ ի վերայ ամենայն ժողովոյն որ ի նմա. եւ էին մեռեալքն զորս մեռոյց Սամփսոն ի մահուն իւրում, առաւել քան զորս սպան ի կենդանութեան իւրում։