ՄԱՐԳԱՐԷՈՒԹԻՒՆ ԵՐԵՄԵԱՅ 37:12 - Գրաբար Աստվածաշունչ (1895)

¹² եւ եկն եհաս ի դուռն Բենիամինի. եւ անդ էր այր մի առ ում մտեալ էր նորա, անուն Սարու՝՝ որդի Սեղեմեայ, որդւոյ Անանեայ. կալաւ զԵրեմիա մարգարէ եւ ասէ. Առ Քաղդէացիսն փախուցեալ երթաս։

ՄԱՐԳԱՐԷՈՒԹԻՒՆ ԵՐԵՄԵԱՅ 37:12 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 19:3

Եւ երկեաւ Եղիա՝ եւ յարեաւ գնաց առանձինն, եւ եկն ի Բերսաբէէ յերկիրն Յուդայ, եւ եթող անդ զպատանեակն իւր։

ԹԱԳԱՒՈՐՈՒԹԵԱՆՑ ԵՐՐՈՐԴ 19:9

Եւ եմուտ անդ յայրն եւ դադարեաց. եւ ահա բան Տեառն եղեւ առ նա եւ ասէ. Զի՞ ես դու աստ, Եղիա։

ՄՆԱՑՈՐԴԱՑ ԱՌԱՋԻՆ 6:60

Եւ ի ցեղէն Բենիամինի, զԳաբա՝ եւ զզատուցեալսն նորա, եւ զԳաղեմէթ՝ եւ զզատուցեալսն նորա, եւ զՂաբեէ՝ եւ զզատուցեալսն նորա,՝՝ զԱնաթովթ՝ եւ զզատուցեալսն նորա, զԱնքովս՝ եւ զզատուցեալսն նորա.՝՝ ամենայն քաղաքք չորեքտասան, քաղաքք տոհմից իւրեանց։

ԳԻՐՔ ՆԷԵՄԵԱՅ 6:11

Եւ ասեմ ես. Ո՞վ է այն այր՝ յորմէ ես փախեայց՝՝, եւ կամ ո՞ ոք իբրեւ զիս այր որ մտցէ ի տուն Տեառն, եւ կարասցէ ապրել։

ԳԻՐՔ ՍԱՂՄՈՍԱՑ 55:7

Պանդուխտք եղիցին եւ թաքթաքունք շրջեսցին՝՝. նոքա գարշապարի իմում սպասեսցեն՝ որպէս եւ սպասէին անձին իմոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 1:1

Պատգամն Աստուծոյ, որ եղեւ ի վերայ՝՝ Երեմիայի Քեղկեայ, ի քահանայից անտի՝ որ բնակեալ էր՝՝ յԱնաթովթ յերկրին Բենիամինի։

ՄԱՐԳԱՐԷՈՒԹԻՒՆ ԵՐԵՄԵԱՅ 37:11

ել Երեմիա յԵրուսաղեմէ երթալ յերկիրն Բենիամինի, գնել անդ՝՝ բաժին ի մէջ ժողովրդեանն.

Մատթեոսի Աւետարան 10:23

Եւ յորժամ հալածիցեն զձեզ ի քաղաքիս յայսմիկ, փախիջիք յայլ. եւ եթէ յայնմանէ հալածիցեն զձեզ, փախիջիք ի մեւսն.՝՝ ամէն ասեմ ձեզ, ոչ ապառեսջիք զքաղաքս Իսրայելի մինչեւ եկեսցէ Որդի մարդոյ։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 5:22

Յամենայն իրաց չարաց ի բաց կացէք։