ՄԱՐԳԱՐԷՈՒԹԻՒՆ ԵՐԵՄԵԱՅ 29:10 - Գրաբար Աստվածաշունչ (1895)

¹⁰ Զի այսպէս ասէ Տէր. Յորժամ մերձ իցէ Բաբելոնի լնուլ եւթանասուն ամ, այց արարից ձեզ. եւ հաստատեցից ի վերայ ձեր զբանս իմ զբարիս, դարձուցանել զձեզ ի տեղիս յայս։

ՄԱՐԳԱՐԷՈՒԹԻՒՆ ԵՐԵՄԵԱՅ 29:10 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 36:21

առ ի լնուլ բանին Տեառն ի բերանոյ Երեմիայի, մինչեւ ընկալաւ երկիրն զշաբաթս իւր. եւ շաբաթանալով զամենայն աւուրս աւերածոյն իւրոյ, շաբաթացաւ ի կատարումն ամացն եւթանասնից։

ՄՆԱՑՈՐԴԱՑ ԵՐԿՐՈՐԴ 36:22

Յառաջնում ամին Կիւրոսի արքայի Պարսից, յետ լնլոյ բանին Տեառն ի բերանոյ Երեմիայի, զարթոյց Տէր զհոգի Կիւրոսի Պարսից արքայի. եւ պատուիրեաց քարոզել յամենայն թագաւորութեանն իւրում գրով եւ ասել։

ԵԶՐ 1:1

Յառաջնում ամին Կիւրոսի արքային Պարսից, ի կատարել բանին Տեառն ի բերանոյ Երեմիայի մարգարէի, զարթոյց Տէր զոգին Կիւրոսի թագաւորին Պարսից, եւ ետ հրաման պատուիրանի յամենայն թագաւորութեան իւրում, եւ գրեաց առ ամենեսեան օրինակ զայս.

ԵԶՐ 1:2

Այսպէս ասէ Կիւրոս թագաւոր Պարսից. Զամենայն թագաւորութիւնս երկրի ետ ինձ Տէր Աստուած երկնից, եւ նա հրամայեաց ինձ առնել եւ շինել նմա տաճար յԵրուսաղէմ Հրէաստանի։

ԳԻՐՔ ՍԱՂՄՈՍԱՑ 102:14

Զի նա գիտաց զստեղծուածս մեր, եւ յիշեաց թէ հող եմք։

ՄԱՐԳԱՐԷՈՒԹԻՒՆ ԵՐԵՄԵԱՅ 25:11

Եւ եղիցի ամենայն երկիրդ այդ յաւերակ եւ յապականութիւն, եւ ծառայեսցեն ազգացն այնոցիկ եւ՝՝ արքային Բաբելացւոց զեւթանասուն ամ։

ՄԱՐԳԱՐԷՈՒԹԻՒՆ ԵՐԵՄԵԱՅ 25:12

Եւ ի կատարել ամացն եւթանասնից՝ խնդրեցից զվրէժս ի թագաւորէն Բաբելացւոց եւ յազգէն յայնմանէ, ասէ Տէր, ըստ անօրէնութեանց նոցա, եւ յերկրէն Քաղդէացւոց. եւ եդից զնոսա յապականութիւն յաւիտենական։

ՄԱՐԳԱՐԷՈՒԹԻՒՆ ԵՐԵՄԵԱՅ 27:22

Ի Բաբելոն երթիցեն, եւ անդ եղիցին մինչեւ յօրն յորում այց արարից նոցա, այսպէս ասէ Տէր. Հանից զնոսա եւ դարձուցից ի տեղիդ յայդ։

ՄԱՐԳԱՐԷՈՒԹԻՒՆ ԵՐԵՄԵԱՅ 27:7

Եւ ծառայեսցեն նմա ամենայն ազգք, եւ որդւոյ նորա եւ որդւոյ որդւոյ նորա, մինչեւ եկեսցէ ժամանակ բարկութեան երկրի նորա, եւ ծառայեսցեն նմա՝՝ ազգ բազումք եւ թագաւորք մեծամեծք։

ՄԱՐԳԱՐԷՈՒԹԻՒՆ ԵՐԵՄԵԱՅ 29:28

զի առաքեաց առ մեզ ի Բաբելոն եւ ասէ, թէ՝ Հեռի է ժամանակն. շինեցէք տունս եւ բնակեցէք, տնկեցէք դրախտս եւ կերայք զպտուղս նոցա։

ՄԱՐԳԱՐԷՈՒԹԻՒՆ ԵՐԵՄԵԱՅ 29:32

վասն այսորիկ այսպէս ասէ Տէր. Ահաւասիկ ես արարից հանդէս ի վերայ Սամեայ Եղիմացւոյ եւ ի վերայ ազգի դորա. եւ ոչ եղիցի դորա մարդ ոք՝ որ նստիցի ի միջի ձերում տեսանել զբարութիւն զոր ես արարից ձեզ, ասէ Տէր. զի խոտորումն խօսեցաւ ի Տեառնէ։

ՄԱՐԳԱՐԷՈՒԹԻՒՆ ԵՐԵՄԵԱՅ 30:3

Զի ահա աւուրք գան, ասէ Տէր, եւ դարձուցից զգերութիւն ժողովրդեան իմոյ Իսրայելի եւ զՅուդայ, ասէ Տէր. եւ դարձուցից զդոսա յերկիրդ զոր ետու հարցն նոցա, եւ տիրեսցեն դմա։

ՄԱՐԳԱՐԷՈՒԹԻՒՆ ԵՐԵՄԵԱՅ 33:14

Ահա աւուրք գան, ասէ Տէր, եւ հաստատեցից զբանս իմ բարի զոր խօսեցայ ի վերայ տանն Իսրայելի, եւ ի վերայ տանդ Յուդայ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 11:17

Վասն այնորիկ ասա. Այսպէս ասէ Ադոնայի Տէր. Եւ ընկալայց զնոսա յազգացն, եւ ժողովեցից զնոսա ի գաւառացն ուր ցրուեցից զնոսա՝՝ ի նոսա, եւ տաց նոցա զերկիրն Իսրայելի։

ՄԱՐԳԱՐԷՈՒԹԻՒՆ ՍՈՓՈՆԻԱՅ 2:7

Եւ եղիցի վիճակ ծովուն՝՝ մնացորդաց տանն Յուդայ, եւ ի նոսա ճարակեսցին. եւ ի տունս Ասկաղոնայ առ օթ դադարեսցեն յերեսաց որդւոցն Յուդայ՝՝. զի ելեալ է նոցա յայց Տէր Աստուած իւրեանց, եւ դարձոյց զգերութիւն նոցա։

ՄԱՐԳԱՐԷՈՒԹԻՒՆ ԶԱՔԱՐԵԱՅ 1:12

Պատասխանի ետ հրեշտակն եւ ասէ. Տէր ամենակալ, մինչեւ ցե՞րբ ոչ ողորմեսցիս ի վերայ Երուսաղեմի եւ քաղաքացն Յուդայ, զորս անտես արարեր այս եւթանասներորդ՝՝ ամ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 7:5

Խօսեաց ընդ ամենայն ժողովրդեան երկրիդ եւ ընդ քահանայս՝ եւ ասասցես. Եթէ պահիցէք եւ կոծիցէք ի հինգերորդս կամ յեւթներորդս ամսոց. ահա եւթանասուն ամ. միթէ պա՞հս պահեցէք ինձ.

ՀՌՈՒԹ 1:6

Եւ յարեաւ ինքն եւ երկոքին նուանք նորա, եւ դարձան յագարակէն Մովաբայ. զի լուան եթէ այց արար Աստուած՝՝ ժողովրդեան իւրում տալ նոցա հաց։