ԴԱՏԱՒՈՐՔ 9:4 - Գրաբար Աստվածաշունչ (1895)

⁴ Եւ ետուն նմա եւթանասուն արծաթոյ ի տանէ Բահաղու Բերիթայ ուխտին, եւ վարձեցաւ նոքօք Աբիմելէք արս սրիկայս եւ զարհուրեցուցիչս, եւ գնացին զհետ նորա։

ԴԱՏԱՒՈՐՔ 9:4 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:20

Եւ դարձաւ Դաւիթ օրհնել զտուն իւր. եւ ել Մեղքող դուստր Սաւուղայ ընդ առաջ Դաւթի, եւ օրհնեաց զնա եւ՝՝ ասէ. Քանի՜ փառաւորեալ էր այսօր արքայ Իսրայելի, որ հոլանեցաւ այսօր առաջի աղախնանց եւ ծառայից իւրոց, զոր օրինակ հոլանիցի հոլանելով մի ոք ի կաքաւչաց։

ՄՆԱՑՈՐԴԱՑ ԵՐԿՐՈՐԴ 13:7

եւ ժողովեցան առ նա արք ժանտք, որդիք անօրէնք. եւ ընդդէմ եկաց Ռոբովամայ որդւոյ Սողոմոնի. եւ Ռոբովամ էր մանուկ եւ երկչոտ սրտիւ, եւ ոչ եկաց ընդդէմ նորա։

ԳԻՐՔ ՅՈԲԱՅ 30:8

Որդիք անզգամաց եւ անուանարկաց, եւ շիջելափառք յերկրէ։

ԱՌԱԿՔ ՍՈՂՈՄՈՆԻ 12:11

Որ գործէ զերկիր իւր՝ յագեսցի հացիւ, իսկ որ զհետ երթան զնանրութեան՝ պակասամիտք են։ Որ ախորժէ զգինեաց դեգերանս, թողցէ ի բնակութիւնս իւր զանարգանս։՝՝

ՄԱՐԳԱՐԷՈՒԹԻՒՆ ՍՈՓՈՆԻԱՅ 3:4

Մարգարէք նորա այսակիրք, արհամարհօղք՝՝. քահանայք նորա պղծեն զսրբութիւնս, եւ ամպարշտեն յօրէնս։

ԳՈՐԾՔ ԱՌԱՔԵԼՈՑ 17:5

Եւ նախանձեցան Հրեայքն, եւ առեալ արս ոմանս գռեհիկս անօրէնս, ամբոխ արարեալ խռովեցին զքաղաքն. եւ կուտեալ յապարանսն Յասովնի, խնդրէին զնոսա ածել ի հրապարակ։

ԴԱՏԱՒՈՐՔ 11:3

Եւ փախեաւ Յեփթայէ յերեսաց եղբարց իւրոց, եւ բնակեցաւ յերկրին ի Տովբ. եւ ժողովէին առ Յեփթայէ արք սրիկայք. եւ ելանէին ընդ նմա։

ԴԱՏԱՒՈՐՔ 8:33

Եւ եղեւ իբրեւ մեռաւ Գեդէոն, դարձան որդիքն Իսրայելի եւ պոռնկեցան զհետ Բահաղիմայցն. եւ եդին զուխտ իւրեանց ընդ Բահաղուն Բերիթայ, լինել նոցա յաստուած։

ԴԱՏԱՒՈՐՔ 9:27

եւ ելին յանդաստանսն եւ կթեցին զայգիս իւրեանց, եւ հարին հնձանս, եւ արարին պարանցիկս, եւ մտին ի տուն աստուածոյն իւրեանց. եւ կերան եւ արբին եւ անիծին զԱբիմելէք։

ԹԱԳԱՒՈՐՈՒԹԵԱՆՑ ԱՌԱՋԻՆ 22:2

Եւ ժողովէին առ նա ամենայն վշտատեսք եւ ամենայն պարտապանք եւ ամենայն ցաւագնեալք ոգւովք, եւ էր նոցա զօրագլուխ. եւ էին ընդ նմա իբրեւ արք չորեքհարեւր։